Operation Sindoor | ಆಪರೇಷನ್ ಸಿಂಧೂರ ರಾಜಕೀಯ ಯಶಸ್ಸು, ರಾಜತಾಂತ್ರಿಕ ವಿಪತ್ತು: ಬ್ರಹ್ಮ ಚೆಲ್ಲಾನಿ

ದೆಹಲಿ: ಪಹಲ್ಗಾಮ್​ ದಾಳಿಗೆ ಪ್ರತಿಕಾರವಾಗಿ ಭಾರತ ನಡೆಸಿದ ಆಪರೇಷನ್ ಸಿಂಧೂರ (Operation Sindoor) ಕಾರ್ಯಾಚರಣೆ ರಾಜಕೀಯ ಯಶಸ್ಸು, ರಾಜತಾಂತ್ರಿಕ ವಿಪತ್ತು ಎಂದು ಲೇಖಕ ಬ್ರಹ್ಮ ಚೆಲ್ಲಾನಿ ಅಭಿಪ್ರಾಯಪಟ್ಟಿದ್ದಾರೆ.

ಇಂಡಿಯಾ ಟುಡೇ ಟಿವಿಯೊಂದಿಗೆ ಮಾತನಾಡಿದ ಚೆಲ್ಲಾನಿ, ದೆಹಲಿ ಸ್ಫೋಟಕ್ಕೆ ಸಂಬಂಧಿಸಿದ ಕೃತ್ಯಗಳು ಪಾಕಿಸ್ತಾನ ಬೆಂಬಲಿತ ಭಯೋತ್ಪಾದಕ ಮೂಲಸೌಕರ್ಯದ ಉಳಿವು ಮತ್ತು ಪುನರ್ನಿರ್ಮಾಣವನ್ನು ಸೂಚಿಸುತ್ತವೆ ಎಂದಿದ್ದಾರೆ.

ಇದನ್ನೂ ಓದಿ:Delhi Blast | ಅವರಿಗೆ ನಮ್ಮ ನೆರವಿನ ಅಗತ್ಯವಿಲ್ಲ….; ಭಾರತದ ತನಿಖಾಧಿಕಾರಿಗಳಿಗೆ ಅಮೆರಿಕಾ ಸೆನೆಟರ್ ಮಾರ್ಕೊ ರೂಬಿಯೊ ಮೆಚ್ಚುಗೆ

ದೆಹಲಿ ಸ್ಫೋಟದ ಕಾರ್ ಬಾಂಬರ್ ಮತ್ತು ಬಂಧಿತ ಇತರರು ಪಾಕಿಸ್ತಾನ ಮೂಲದ ಜೈಶ್-ಎ-ಮೊಹಮ್ಮದ್‌ಗೆ ಸಂಬಂಧ ಹೊಂದಿದ್ದಾರೆ ಎಂಬುದೇ ಸತ್ಯವಾದರೆ, ಆಪರೇಷನ್ ಸಿಂಧೂರ ಕಾರ್ಯಾಚರಣೆಯ ಕುರಿತಾದ ಶಾಶ್ವತ ಫಲಿತಾಂಶಗಳ ಬಗ್ಗೆ ಹೊ ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ. ಗಡಿಯಾಚೆಗಿನ ಭಯೋತ್ಪಾದನೆಗೆ ಪಾಕಿಸ್ತಾನದ ಮೇಲೆ ಪ್ರತಿಬಂಧಕ ವೆಚ್ಚಗಳನ್ನು ಹೇರಲು ಈ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಗಿತ್ತು. ಆದರೆ, ಭಯೋತ್ಪಾದಕ ಮೂಲಸೌಕರ್ಯವು ಹಾಗೆಯೇ ಉಳಿದಿರುವ ಸಾಧ್ಯತೆಗಳಿದ್ದು, ಕಾರ್ಯಾಚರಣೆಯ ಸಮಯದಲ್ಲಿ ಭಾರತ ನಾಶಪಡಿಸಿದ ಎಲ್ಲವನ್ನು ಈಗ ಪಾಕ್​ ಪುನರ್ನಿರ್ಮಿಸುತ್ತಿದೆ ಎಂದರು.

ಕೆಂಪು ಕೋಟೆಯ ಭಯೋತ್ಪಾದಕ ಗುಂಪು ಜಮ್ಮು ಮತ್ತು ಕಾಶ್ಮೀರದೊಳಗಿಂದಲ್ಲ, ರಾಷ್ಟ್ರದ ರಾಜಧಾನಿ ದೆಹಲಿಯಿಂದಲೇ ಕಾರ್ಯನಿರ್ವಹಿಸಿದೆ ಎಂದ ಚೆಲ್ಲಾನಿ, ಇದು ಪಾಕಿಸ್ತಾನದ ಭಯೋತ್ಪಾದಕ ಸಿದ್ಧಾಂತದ ಅಪಾಯಕಾರಿ ನಗರ ವಿಸ್ತರಣೆ ಎಂದು ಕರೆದ ವಿಕಸನವನ್ನು ಒತ್ತಿಹೇಳುತ್ತದೆ ಎಂದರು. ಭಾರತದ ಹೃದಯ ಭಾಗದಿಂದ ಕಾರ್ಯಾಚರಣೆ ನಡೆಸುತ್ತಿದ್ದಾರೆ, ಆಪರೇಷನ್ ಸಿಂಧೂರ ಸ್ಪಷ್ಟ ಸಂದೇಶವನ್ನು ಕಳುಹಿಸುವ ಉದ್ದೇಶವನ್ನೇ ಹೊಂದಿತ್ತು, ಆದರೆ, ಇಂದು ಪಾಕಿಸ್ತಾನ ಹೆಚ್ಚು ಧೈರ್ಯಶಾಲಿಯಾಗಿ ಕಾಣುತ್ತಿದೆ. ಸರ್ ಕ್ರೀಕ್‌ನಲ್ಲಿನ ಪ್ರಚೋದನೆ ಮತ್ತು ಮಿಲಿಟರಿ ಜಮಾವಣೆಯನ್ನು ನೋಡಿದರೆ ಇದು ಸ್ಪಷ್ಟವಾಗುತ್ತದೆ ಎಂದರು.

ಇದನ್ನೂ ಓದಿ:ಹನುಮಾನ್ ಭಕ್ತ ಖಾನ್; ಹಿಂದೂ ಪದ್ಧತಿಯಂತೆ ನಡೆಯಿತು ಜರೀನ್ ಖಾನ್ ಅಂತಿಮ ಸಂಸ್ಕಾರ

ಆಪರೇಷನ್ ಸಿಂಧೂರ ಬಳಿಕ ಮೋದಿ ಮತ್ತು ಅಮೆರಿಕಾ ಅಧ್ಯಕ್ಷರ ಸಂಬಂಧ ಹದಗೆಟ್ಟಿರುವುದಷ್ಟೆ ಅಲ್ಲದೇ, ಟ್ರಂಪ್​ ಈಗ ಪಾಕಿಸ್ತಾನದ ಮೇಲೆ ಹೊಸ ಪ್ರೀತಿಯನ್ನು ಹೊಂದಿದ್ದಾರೆ. ಅಮೆರಿಕ, ಚೀನಾ ಭೌಗೋಳಿಕ ರಾಜಕೀಯ ಸಮತೋಲನಕ್ಕಾಗಿ ಬಳಸಲು ಹಣದ ಕೊರತೆಯಿರುವ ಪಾಕಿಸ್ತಾನವನ್ನು ಉಳಿಸಿಕೊಳ್ಳುತ್ತಿವೆ. ಆದ್ದರಿಂದ, ಭವಿಷ್ಯದಲ್ಲಿ ಇತಿಹಾಸ ಬರೆಯಲ್ಪಟ್ಟಾಗ, ಆಪರೇಷನ್ ಸಿಂಧೂರ ಕಾರ್ಯಾಚರಣೆ ರಾಜಕೀಯ ಯಶಸ್ಸು, ರಾಜತಾಂತ್ರಿಕ ವಿಪತ್ತು ಎಂದು ನೋಡಲಾಗುತ್ತದೆ ಎಂದು ಹೇಳಿದರು.(ಏಜೆನ್ಸೀಸ್​)

https://www.vijayavani.net/they-dont-need-our-help-marco-rubio-praises-indias-handling-of-delhi-blast