ಜನರೊಂದಿಗೆ ಸಂಪರ್ಕ ಬೆಳೆಸಲು ಸದಾ ಹೊಸ ಆಲೋಚನೆ ಅಗತ್ಯ: ಬಿಜೆಪಿ ನೂತನ ತಂಡದ ಸಭೆ ಬಳಿಕ ಪ್ರಧಾನಿ ಮೋದಿ ಮಾತು! | Narendra Modi

ಇಲ್ಲಿನ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ಶನಿವಾರದಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ (Narendra Modi) ಅವರು ಪಕ್ಷದ ನೂತನವಾಗಿ ನೇಮಕಗೊಂಡ ರಾಷ್ಟ್ರೀಯ ಪದಾಧಿಕಾರಿಗಳ ಜೊತೆ ಸುದೀರ್ಘ ಸಂವಾದ ನಡೆಸಿದರು. ಪಕ್ಷದ ಅಧ್ಯಕ್ಷ ನಿತಿನ್ ನವೀನ್​ ಅವರು ಆಗಸ್ಟ್ 17 ರಂದು ತಮ್ಮ 65 ಸದಸ್ಯರ ಹೊಸ ಸಂಘಟನಾ ತಂಡವನ್ನು ಘೋಷಿಸಿದ ನಂತರ ನಡೆದ ಮೊದಲ ಪ್ರಮುಖ ಸಭೆ ಇದಾಗಿದೆ.

ಪಕ್ಷದ ವ್ಯಾಪಕ ಪುನರ್ರಚನೆಯ ಪ್ರಮುಖ ನೇಮಕಾತಿಗಳಲ್ಲಿ, ಮಾಜಿ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಮತ್ತು ಆರ್‌ಎಸ್‌ಎಸ್ ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ರಾಮ್ ಮಾಧವ್ ಅವರು ಪುನಃ ಪ್ರಮುಖ ಸಂಘಟನಾತ್ಮಕ ಜವಾಬ್ದಾರಿಗಳಿಗೆ ಮರಳಿದ್ದಾರೆ.

ಪಕ್ಷದ ಆಂತರಿಕ ಮೂಲಗಳ ಪ್ರಕಾರ, ಮುಂಬರುವ ದಿನಗಳಲ್ಲಿ ಬಿಜೆಪಿ ದೇಶಾದ್ಯಂತ ಭಾರಿ ಪ್ರಮಾಣದ ಯುವ ಜನಸಂಪರ್ಕ ಅಭಿಯಾನಗಳನ್ನು ಪ್ರಾರಂಭಿಸಲು ಸಮಗ್ರ ಯೋಜನೆ ರೂಪಿಸಿದೆ. 14 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಜೆನ್ ಜೀ ಹಾಗೂ ಜೆನ್ ಆಲ್ಫಾ ಪೀಳಿಗೆಯ ಯುವಜನರನ್ನು ತಲುಪಲು ಪರಿಣಾಮಕಾರಿ ಮತ್ತು ಆಧುನಿಕ ಪ್ರಚಾರ ಕಾರ್ಯಕ್ರಮಗಳನ್ನು ರೂಪಿಸುವ ಬಗ್ಗೆಯೂ ಸಭೆಯಲ್ಲಿ ಸುದೀರ್ಘ ಚರ್ಚೆ ನಡೆಸಲಾಯಿತು.

ಮುಂದಿನ ಚುನಾವಣಾ ಸಿದ್ಧತೆಗಳ ಪರಾಮರ್ಶೆ