ಪ್ರೇರಣಾ ಸ್ಥಳದಲ್ಲಿ ಅಪರೂಪದ ದೃಶ್ಯ... ಕೈಕುಲುಕಿ ನಗು ಹಂಚಿಕೊಂಡ ಪ್ರಧಾನಿ ಮೋದಿ ಮತ್ತು ಮಲ್ಲಿಕಾರ್ಜುನ ಖರ್ಗೆ! | Modi-Kharge

ಈ ಕಾರ್ಯಕ್ರಮದ ದೃಶ್ಯಗಳಲ್ಲಿ ಪ್ರಧಾನಿ ಮೋದಿ ಇತರ ಗಣ್ಯರನ್ನು ಸ್ವಾಗತಿಸುತ್ತಾ ಮುಂದೆ ಸಾಗಿ, ಇದಾದ ಬಳಿಕ ಖರ್ಗೆ ಅವರ ಬಳಿ ಬಂದು ಕೈಕುಲುಕಿ ಕೆಲ ಕಾಲ ಆತ್ಮೀಯವಾಗಿ ಮಾತನಾಡಿದ್ದು ಕಂಡುಬಂದಿತು.

ಇತ್ತೀಚೆಗೆ ಆಡಳಿತ ಮತ್ತು ವಿರೋಧ ಪಕ್ಷದ ನಾಯಕರ ನಡುವೆ ಇಂತಹ ಸೌಜನ್ಯದ ನಡವಳಿಕೆಗಳು ಮರುಕಳಿಸುತ್ತಿದ್ದು, ಈ ಹಿಂದೆ ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿಯೊಂದಿಗೆ ಪ್ರಧಾನಿ ಮೋದಿ ಮಾತುಕತೆ ನಡೆಸಿದ್ದರು. ಇಂದಿನ ಕಾರ್ಯಕ್ರಮದಲ್ಲಿ ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಮತ್ತು ಕೇಂದ್ರ ಸಚಿವ ಕಿರಣ್ ರಿಜಿಜು ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದು, ಬಾಬಾಸಾಹೇಬರ ಪ್ರತಿಮೆಗೆ ಗೌರವ ಸಲ್ಲಿಸಿದರು.