

ಮಧ್ಯಪ್ರದೇಶ: ಪೊಲೀಸರೆಂದರೆ ಭಯವಲ್ಲ, ಭರವಸೆ. ಪೊಲೀಸರೆಂದರೆ ಭದ್ರತೆ ಎಂಬೆಲ್ಲಾ ಘೋಷಣೆಗಳನ್ನು ಕೇಳಿರುತ್ತೇವೆ. ಸದಾ ನಾಗರಿಕರ ಸುರಕ್ಷೆಗಾಗಿ ಇರುವ ಪೊಲೀಸರೇ, ಜನರ ಭಕ್ಷಕರಾದರೇ ಸ್ಥಿತಿ ಏನಾಗಬೇಡ? ಮೊದಲೇ ಪೊಲೀಸ್ ಇಲಾಖೆ ಮೇಲೆ ಜನರಿಗೆ ನಂಬಿಕೆ ಕಡಿಮೆ ಇರುವ ವಾತಾವರಣದಲ್ಲಿ ಮಧ್ಯಪ್ರದೇಶದ ಸಿಯೋನಿಯಲ್ಲಿ ನಡೆದಿರುವ ಘಟನೆ ಇಲಾಖೆಗೆ ಇನ್ನಷ್ಟು ಕೆಟ್ಟ ಹೆಸರನ್ನು ತಂದುಕೊಟ್ಟಿದೆ ಎಂದರೆ ಸುಳ್ಳಳ್ಳ.
ಕೆಲ ದಿನಗಳಿಂದ ಸೋಷಿಯಲ್ ಮೀಡಿಯಾನಲ್ಲಿ ಹಂಚಿಕೆಯಾಗುತ್ತಿರುವ ವಿಡಿಯೋನಲ್ಲಿ ಪೊಲೀಸ್ ಅಧಿಕಾರಿಯೊಬ್ಬರು, ಹೋಟೆಲ್ನಲ್ಲಿ ಸಿಕ್ಕಿಬಿದ್ದ ಹುಡುಗನ ವಿರುದ್ಧ ಸುಳ್ಳು ಮಾದಕ ವಸ್ತು ಪ್ರಕರಣ ದಾಖಲಿಸುವುದಾಗಿ ಬೆದರಿಕೆ ಹಾಕಿರುವ ವಿಡಿಯೋ ವೈರಲ್ ಆಗುತ್ತಿದೆ.
ಮಾಹಿತಿ ಪ್ರಕಾರ, ಈ ಘಟನೆ ನವೆಂಬರ್ 13 ರಂದು ನಡೆದಿದೆ ಎಂದು ತಿಳಿದುಬಂದಿದ್ದು, ದುಂಡಸಿವನಿ ಪ್ರದೇಶದಲ್ಲಿರುವ ಹೋಟೆಲ್ವೊಂದರ ಮೇಲೆ ಪೊಲೀಸರು ದಾಳಿ ಮಾಡಿದಾಗ ಒಬ್ಬ ವಯಸ್ಕ ಹುಡುಗ ಮತ್ತು ಹುಡುಗಿ ಸಿಕ್ಕಿಬಿದ್ದಿದ್ದಾರೆ. ಆಗ ಅವರನ್ನು ಅಲ್ಲಿಯೇ ವಿಚಾರಣೆ ನಡೆಸಲು ಪೊಲೀಸರು ಮುಂದಾಗಿದ್ದಾರೆ.
ಈ ಸಂದರ್ಭದಲ್ಲಿ ಹುಡುಗ, ನಾನು ನನ್ನ ಪಾಲಕರೊಂದಿಗೆ ಮಾತನಾಡಬೇಕು, ನನ್ನ ಮೊಬೈಲ್ ಪೋನ್ ಕೊಡಿ ಎಂದು ಪೊಲೀಸರಲ್ಲಿ ಕೇಳಿದ್ದಾನೆ. ಆಗ ಅಲ್ಲಿದ್ದ ಅಡಿಶನಲ್ ಎಸ್ಪಿ, ಸಂಜಯ್ ಸನೋಡಿಯಾ ಈ ಹುಡುಗನ ಬ್ಯಾಗ್ನಲ್ಲಿ ಸ್ವಲ್ಪ ಗಾಂಜಾ ಹಾಕಿ, ನಾರ್ಕೋ ಕೇಸ್ನಲ್ಲಿ ಅಂದರ್ ಮಾಡೋಣ, ಆಗ ಜೈಲಿಗೆ ಹೋಗುತ್ತಾನೆ. ಈಗಲೂ ನಿನಗೆ ಜೈಲೇ ಗತಿ ಎಂದು ಬೆದರಿಕೆ ಹಾಕಿರುವುದು ಹೋಟೆಲ್ನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಇನ್ನೂ ಈ ಈಡೀ ಘಟನೆಗೆ ಸಾಕ್ಷಿ ಎಂಬಂತೆ ಹೋಟೆಲ್ ಮಾಲೀಕ ಕೂಡ, ಪೊಲೀಸರು ಆ ಹುಡುಗನಿಗೆ ಗಾಂಜಾ ಕೇಸ್ ಹಾಕುವುದಾಗಿ ಹೆದರಿಸಿದ್ದು ನಿಜವೆಂದು ಒಪ್ಪಿಕೊಂಡಿದ್ದಾರೆ. ಅಂತಯೇ, ತಮ್ಮಿಂದ ತಿಂಗಳಿಗೆ 25 ಸಾವಿರ ಮಂತ್ಲಿ (ಲಂಚ) ಗೆ ಬೇಡಿಕೆ ಇಟ್ಟಿದ್ದರೆಂದು ಪೊಲೀಸ್ ಸಿಬ್ಬಂದಿ ಮೇಲೆ ಲಂಚದ ಆರೋಪವನ್ನು ಮಾಡಿದ್ದಾರೆ. ನನಗೆ ಇಲ್ಲಿಯ ಇನ್ಸ್ಪೆಕ್ಟರ್ ಹಾಗೂ ಎಎಸ್ಪಿ ತಿಂಗಳಿಗೆ 25 ಸಾವಿರ ಲಂಚ ನೀಡುವಂತೆ ಒತ್ತಾಯಿಸುತ್ತಾರೆ. ನಾನು ಈಗಾಗಲೇ 10 ಸಾವಿರ ಅವರಿಗೆ ನೀಡಿದ್ದೇನೆಂದು ಹೋಟೆಲ್ ಮಾಲೀಕ ಹೇಳಿದ್ದಾರೆ.
ಇನ್ನು ಈ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ ಮಧ್ಯಪ್ರದೇಶ ಪೊಲೀಸರು ಹೈ ಅಲರ್ಟ್ ಆಗಿದ್ದಾರೆ. ಈ ಪ್ರಕರಣ ಬೆಳಕೆಗೆ ಬರುತ್ತಿದ್ದಂತೆ ಸಿಯೋನಿ ಪೊಲೀಸ್ ವರಿಷ್ಠಾಧಿಕಾರಿ ಕೃಷ್ಣ ಲಾಲ್ ಚಂದಾನಿ, ವಿಡಿಯೋನಲ್ಲಿರುವ ಪೊಲೀಸರ ವಿರುದ್ಧ ವಿಚಾರಣೆ ನಡೆಸಲು ಆದೇಶಿಸಿದ್ದಾರೆಂದು ತಿಳಿದುಬಂದಿದೆ.
ಇನ್ನೂ ಈ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್ ಆಗುತ್ತಿದ್ದಂತೆ ನಟ್ಟಿಗರು ಪೊಲೀಸರ ವಿರುದ್ಧ ಕಿಡಿಕಾರುತ್ತಿದ್ದಾರೆ. ಮೊದಲೇ ಪೊಲೀಸರನ್ನು ಜನ ನಂಬುತ್ತಿಲ್ಲ. ಅದರಲ್ಲಿ ಈ ವಿಡಿಯೋ ನೋಡಿದವ ಯಾರು ಪೊಲೀಸ್ ಸ್ಟೇಷನ್ ಮೆಟ್ಟಿಲನ್ನೂ ಹತ್ತಲ್ಲ ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ.
ಹೀಗೆ ಅದೆಷ್ಟು ಸುಳ್ಳು ಗಾಂಜಾ ಕೇಸ್ ಹಾಕಿ ಯುವಕರ ಭವಿಷ್ಯ ಹಾಳು ಮಾಡಿದ್ದಾನೋ, ಏನೋ? ಮೊದಲು ಇವನನ್ನು ಕೆಲಸದಿಂದ ವಜಾ ಮಾಡಿ ಎಂದು ಇನ್ನೊಬ್ಬರು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ. ಸುಳ್ಳು ಗಾಂಜಾ ಕೇಸ್, ಹಫ್ತಾ, ಮಂತ್ಲಿ ಎವೆಲ್ಲಾ ಪೊಲೀಸರ ಕಾಯಂ ಕೆಲಸವಾಗಿ ಬಿಟ್ಟಿದೆ. ದಯವಿಟ್ಟು ಸರ್ಕಾರ ಈ ಬಗ್ಗೆ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಮತ್ತೊಬ್ಬರು ಮನವಿ ಮಾಡಿದ್ದಾರೆ, (ಏಜೆನ್ಸೀಸ್).