ಅಂಕಗಳಿಗಾಗಿ ಓದಬೇಡಿ, ಜೀವನವನ್ನು ರೂಪಿಸಿಕೊಳ್ಳುವತ್ತ ಗಮನಹರಿಸಿ..ವಿದ್ಯಾರ್ಥಿಗಳಿಗೆ ಪಿಎಂ ಮೋದಿ ಕಿವಿಮಾತು | Pariksha Pe Charcha

ನವದೆಹಲಿಯ ಲೋಕ ಕಲ್ಯಾಣ್ ಮಾರ್ಗದ ನಿವಾಸದಲ್ಲಿ ಪರೀಕ್ಷಾ ಪೆ ಚರ್ಚಾ (Pariksha Pe Charcha) ಒಂಬತ್ತನೇ ಆವೃತ್ತಿಯನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಮೇಕ್ ಇನ್ ಇಂಡಿಯಾ ಮತ್ತು ಏಕ್ ಭಾರತ್ ಶ್ರೇಷ್ಠ ಭಾರತಕ್ಕೆ ಒತ್ತು ನೀಡಿದರು.

ನಾನು ಪ್ರಧಾನಿಯಾಗಿದ್ದರೂ ಜನರು ಇನ್ನೂ ಸಲಹೆ ನೀಡುತ್ತಲೇ ಇದ್ದಾರೆ, ಕೆಲಸ ಮಾಡುವ ವಿಧಾನದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಂಡಿದ್ದೇನೆ, ಆದರೆ ನನ್ನ ಮೂಲ ಮಾದರಿಯನ್ನು ಬಿಟ್ಟಿಲ್ಲ, ಯಶಸ್ಸನ್ನು ಸಾಧಿಸುವುದೇ ಪರೀಕ್ಷೆಗಳ ಏಕೈಕ ಗುರಿಯಾಗಬಾರದು, ಸರ್ವತೋಮುಖ ಅಭಿವೃದ್ಧಿಯತ್ತ ಗಮನ ಹರಿಸಬೇಕು ಎಂದು ಪ್ರಧಾನಿ ಮೋದಿ ಹೇಳಿದರು.

ನಿಮ್ಮ ಪೋಷಕರು, ಶಿಕ್ಷಕರು ಅಥವಾ ಗೆಳೆಯರು ಏನೇ ಹೇಳಿದರೂ ಪರವಾಗಿಲ್ಲ, ನಿಮ್ಮ ಮಾದರಿಯಲ್ಲಿ ನಂಬಿಕೆ ಇಡಿ ಮತ್ತು ಅದನ್ನೇ ಅನುಸರಿಸಿ, ನಿಮಗೆ ಬರುವ ಎಲ್ಲಾ ಸಲಹೆಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಿ, ಕಳೆದುಕೊಂಡಿದ್ದನ್ನು ನಾನು ಹಿಂತಿರುಗಿ ನೋಡುವುದಿಲ್ಲ, ಮುಂದೆ ಏನಿದೆ ಎನ್ನುವುದರ ಮೇಲೆ ಮಾತ್ರ ನನ್ನ ಗಮನವಿರುತ್ತದೆ ಎಂದರು.

ವಿದ್ಯಾರ್ಥಿಗಳೊಂದಿಗೆ ಸಂವಾದ ಸಂದರ್ಭದಲ್ಲಿ ಮಾತನಾಡಿದ ಪ್ರಧಾನಿ ಮೋದಿ, ಕೃತಕ ಬುದ್ಧಿಮತ್ತೆ (AI) ಯ ಮಹತ್ವವನ್ನು ಎತ್ತಿ ತೋರಿಸಿದರು. ವಿದ್ಯಾರ್ಥಿಗಳು ಎಐ ಬಳಸುವುದು ಮುಖ್ಯ, ಆದರೆ, ಅದು ಯಾವಾಗಲೂ ಅವರ ಗುರಿಗಳನ್ನು ಸಾಧಿಸಲು ಸಹಾಯ ಮಾಡುವುದಿಲ್ಲ ಎಂದು ಹೇಳಿದರು

ಒಬ್ಬ ವಿದ್ಯಾರ್ಥಿ ತಾನು ಗೇಮ್ ಡೆವಲಪರ್ ಆಗಬೇಕೆಂಬ ಆಕಾಂಕ್ಷೆ ಹೊಂದಿದ್ದೇನೆ ಎಂದು ಹೇಳಿದಾಗ, ಗೇಮಿಂಗ್ ಒಂದು ಕೌಶಲ್ಯವಾಗಿ ಉಳಿದಿದೆ ಮತ್ತು ಅದನ್ನು ಜಾಗರೂಕತೆಯನ್ನು ಪರೀಕ್ಷಿಸಲು ಮತ್ತು ಸ್ವಯಂ-ಅಭಿವೃದ್ಧಿಗೆ ಬಳಸಬಹುದು, ಭಾರತದಲ್ಲಿ ಇಂಟರ್ನೆಟ್ ಅಗ್ಗವಾಗಿರುವುದರಿಂದ ವಿದ್ಯಾರ್ಥಿಗಳು ತಮ್ಮ ಸಮಯವನ್ನು ವ್ಯರ್ಥ ಮಾಡಬೇಡಿ ಎಂದು ಪ್ರಧಾನಿ ಸಲಹೆ ನೀಡಿದರು(ಏಜೆನ್ಸೀಸ್​​).