ಹೊಸ ವರ್ಷದ ಪಾರ್ಟಿಯಲ್ಲಿ ಬಿರಿಯಾನಿ ಸೇವಿಸಿ ಒಬ್ಬ ಸಾವು, 15 ಮಂದಿ ಅಸ್ವಸ್ಥ! biryani

ಹೈದರಾಬಾದ್: ( biryani) ಹೊಸ ವರ್ಷದ ಪಾರ್ಟಿಯಲ್ಲಿ ಬಿರಿಯಾನಿ ಸೇವಿಸಿದ ಪರಿಣಾಮ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದು, 15 ಜನರಿಗೆ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಂಡಿವೆ. ಬುಧವಾರ ರಾತ್ರಿ ಹೈದರಾಬಾದ್​​ನ ಜಗತ್ಗಿರಿಗುಟ್ಟದಲ್ಲಿ ಈ ಘಟನೆ ನಡೆದಿದೆ.

ಪಾಂಡು ಮೃತ ಯುವಕ. ಈತ ಜಗತ್ಗಿರಿಗುಟ್ಟದ ಭವಾನಿ ನಗರ ನಿವಾಸಿಯಾಗಿದ್ದಾನೆ. ಹೊಸ ವರ್ಷದ ಪಾರ್ಟಿ ಮಾಡಿ ಪ್ರಾಣ ಕಳೆದುಕೊಂಡಿದ್ದಾನೆ.

ಮಲ್ಲಾರೆಡ್ಡಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಒಬ್ಬರಿಗೆ ಐಸಿಯುನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಉಳಿದವರು ಚೇತರಿಸಿಕೊಳ್ಳುತ್ತಿದ್ದಾರೆ. ಅಡುಗೆ ಮಾಡುವಾಗ ಬಳಸಿದ ಮಸಾಲೆಗಳು ಮತ್ತು ಮೆಣಸಿನಕಾಯಿಗಳು ಅವಧಿ ಮೀರಿದ ಪ್ಯಾಕೆಟ್‌ಗಳಿಂದ ಹೀಗೆ ಆಗಿರಬಹುದು ಎಂದು ವೈದ್ಯರು ಹೇಳುತ್ತಾರೆ.

ಅವರೆಲ್ಲರೂ ಸ್ವತಃ ಬಿರಿಯಾನಿ ಬೇಯಿಸಿ ತಿಂದಿದ್ದಾರೆ. ಜೊತೆ ಮದ್ಯ ಸೇವನೆ ಮಾಡಿದ್ದಾರೆಂದು ಸ್ಥಳೀಯರು ತಿಳಿಸಿದ್ದಾರೆ. ಈ ಕುರಿತಾಗಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಘಟನೆಯ ತನಿಖೆ ನಡೆಸುತ್ತಿದ್ದಾರೆ.