ಚೇತನ್ ಹೆಗಲಿಗೆ ಒರಗಿ ಕ್ರಿಕೆಟ್ ಪಂದ್ಯ ವೀಕ್ಷಿಸುತ್ತಿರುವ ಸಿಯಾ: ಕೇತನ್​ ಕೊಂದ ಆರೋಪಿಗಳ ಹಳೇ ವಿಡಿಯೋ ವೈರಲ್..Siya Goyal

ಸಿಯಾ ಗೋಯಲ್ ಮತ್ತು ಚೇತನ್ ಚೌಧರಿ ಇವರಿಬ್ಬರೂ ಭಾರತೀಯ ಕ್ರಿಕೆಟ್ ತಂಡದ ನೀಲಿ ಜರ್ಸಿ ಧರಿಸಿ, ಪುಣೆಯ ಪ್ರತಿಷ್ಠಿತ 'ಮಾರ್ಕೆಟ್ ಯಾರ್ಡ್ ಫ್ರೆಂಡ್ಸ್ ಕ್ರಿಕೆಟ್ ಲೀಗ್' ಪಂದ್ಯಾವಳಿಯ ವೇಳೆ ಪಕ್ಕದಲ್ಲಿ ಕುಳಿತು ಚಪ್ಪಾಳೆ ತಟ್ಟುತ್ತಾ ಪಂದ್ಯವನ್ನು ಆನಂದಿಸುತ್ತಿರುವ ಹಳೆಯ ವಿಡಿಯೋವೊಂದು ಈಗ ಲಭ್ಯವಾಗಿದೆ. ಅಷ್ಟೇ ಅಲ್ಲದೆ ಆತನ ಭುಜಕ್ಕೆ ತಲೆ ಆನಿಸಿ, ಆತ್ಮೀಯವಾಗಿರುವುದು ದೃಶ್ಯದಲ್ಲಿ ಇದೆ.

MFCL ಎಂಬುದು ಪುಣೆಯ ಸ್ಥಳೀಯ ವರ್ತಕರು, ಉದ್ಯಮಿಗಳು ಮತ್ತು ಸಮುದಾಯಗಳ ಫ್ರಾಂಚೈಸಿ ಆಧಾರಿತ ಪ್ರಮುಖ ಕ್ರಿಕೆಟ್ ಟೂರ್ನಮೆಂಟ್ ಆಗಿದೆ. ಸಿಯಾಳ ಹಿರಿಯ ಸಹೋದರ ಸಾಹಿಲ್ ಗೋಯಲ್ ಜೊತೆ ಚೇತನ್ ಚೌಧರಿ ಕ್ರಿಕೆಟ್ ಆಡುತ್ತಿದ್ದ. ಕ್ರಿಕೆಟರ್ ಆಗಿದ್ದ ಚೇತನ್‌ನ ಪಂದ್ಯಗಳನ್ನು ನೋಡಲು ಸಾಹಿಲ್ ಜೊತೆ ಸಿಯಾ ಕೂಡ ಮೈದಾನಕ್ಕೆ ನಿಯಮಿತವಾಗಿ ಬರುತ್ತಿದ್ದಳು. ಈ ವೇಳೆ ಇವರಿಬ್ಬರ ಪರಿಚಯವಾಗಿ, ಆ ಪರಿಚಯವೇ ಮುಂದೆ ಪ್ರೀತಿಗೆ ಕಾರಣವಾಗಿತ್ತು.

ಸಿಯಾಗೆ ಕೇತನ್​ ಇಷ್ಟ ಇಲ್ಲ ಎಂದಿದ್ದರೆ ನಾವು ಮದುವೆ ಬೇಡ ಎಂದು ಖಂಡಿತ ನಿಲ್ಲಿಸುತ್ತಿದ್ದೆವು. ಎಂದು ಸಿಯಾಳ ಹಿರಿಯ ಸಹೋದರ ಸಾಹಿಲ್ ಗೋಯಲ್ ಪೊಲೀಸರ ಮುಂದೆ ಕಣ್ಣೀರಿಡುತ್ತಾ ಹೇಳಿಕೆ ನೀಡಿದ್ದಾನೆ. ತಂಗಿಯ ಈ ಭೀಕರ ಕೃತ್ಯದಿಂದ ಇಡೀ ಕುಟುಂಬವೇ ಆಘಾತಕ್ಕೊಳಗಾಗಿದೆ ಎಂದು ಆತ ತಿಳಿಸಿದ್ದಾನೆ.

"ನಾವು ಸಾಹಿಲ್‌ನನ್ನು ಬೆಳಗ್ಗೆಯೇ ವಿಚಾರಣೆಗೆ ಕರೆಸಿಕೊಂಡಿದ್ದೆವು. ಆತನಿಗೆ ಚೇತನ್ ಚೌಧರಿ ಮೊದಲೇ ಪರಿಚಯವಿದ್ದ ಕಾರಣ, ಪ್ರಕರಣಕ್ಕೆ ಸಂಬಂಧಿಸಿದ ಕೆಲವು ಗಂಭೀರ ವಿಷಯಗಳನ್ನು ಆತನ ಸಮ್ಮುಖದಲ್ಲಿ ಕ್ರಾಸ್-ವೆರಿಫೈಮಾಡಿಕೊಳ್ಳಬೇಕಿತ್ತು. ಹೀಗಾಗಿ ಆತನನ್ನು ಸುಮಾರು 10 ಗಂಟೆಗಳ ಕಾಲ ಸತತವಾಗಿ ವಿಚಾರಣೆ ನಡೆಸಿ, ತಡರಾತ್ರಿ ಮನೆಗೆ ಹೋಗಲು ಅನುಮತಿ ನೀಡಲಾಯಿತು ಎಂದು ಲೋನಾವಾಲಾ ಗ್ರಾಮಾಂತರ ಪೊಲೀಸ್ ಠಾಣೆಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದರು, (ಏಜೆನ್ಸೀಸ್).