ಕೆಲಸ ಮಾಡದ ಲಿಫ್ಟ್..ತನಿಖೆಗೂ ಮೀನಾಮೇಷ
ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವಿಡಿಯೋ ಪ್ರಕಾರ, ದಕ್ಷಿಣ ಮುಂಬೈನ ಪರೇಲ್‌ನಲ್ಲಿರುವ ಆಸ್ಪತ್ರೆಯ ಮೂಳೆ ಚಿಕಿತ್ಸಾ ಕೇಂದ್ರಕ್ಕೆ ತೆರಳಲು, ವೃದ್ಧ ಸಹದೇವ್ ಕದಮ್ ಎಂಬುವವರು ಕಷ್ಟ ಪಡುತ್ತಿರುವ ವಿಡಿಯೋ ಇದೆ. ಇದರಲ್ಲಿ ಸಹದೇವ್ ಕದಮ್, ತಿಳಿ ನೀಲಿ ಬಣ್ಣದ ಶರ್ಟ್, ಶಾರ್ಟ್ಸ್ ಮತ್ತು ಹೆಣೆದ ಟವೆಲ್ ತಲೆಗೆ ತೊಟ್ಟ ಅವರು, ಬಲಗೈಯನ್ನು ಮೆಟ್ಟಿಲುಗಳ ಮೇಲೆ ಇಟ್ಟು, ಮತ್ತೊಂದು ಕೈ ಮರದ ದಿಂಬಿ ಮೇಲೆ ಇಟ್ಟು ಒಂದೊಂದೆ ಮೆಟ್ಟಿಲು ಇಳಿಯುತ್ತಿರುವುದು ವಿಡಿಯೋದಲ್ಲಿ ಇದೆ. ಹಲವರು ಅವರನ್ನು ದಾಟಿ ಮುಂದೆ ಹೋದರು ಸಹ ಯಾರೂ ಅವರಿಗಾಗಿ ಸಹಾಯ ಮಾಡದಿರುವುದು ವಿಡಿಯೋದಲ್ಲಿ ಇದೆ.
ವೃದ್ಧ ಅಷ್ಟೇ ಅಲ್ಲದೇ ವಿಕಲ ಚೇತನರು, ರೋಗಿಗಳು ಸೇರಿದಂತೆ ಹಲವರು ನಾಲ್ಕು ಮಹಡಿ ಹತ್ತಲಾಗದೆ ಕಷ್ಟ ಪಡುತ್ತಿರುವುದು ತಿಳಿದುಬಂದಿದೆ. ತನಿಖೆಗೆ ಮುಂಬೈ ಪಾಲಿಗೆ ಆದೇಶಿಸಿದ್ದು, ಮುಂದೇನಾಗುತ್ತದೆ ಎನ್ನುವುದನ್ನು ಕಾದು ನೋಡಬೇಕಾಗಿದೆ.
ಮುಂಬೈನ ಕಿಂಗ್ ಎಡ್ವರ್ಡ್ ಮೆಮೋರಿಯಲ್ ಆಸ್ಪತ್ರೆಯ ಲಿಫ್ಟ್ ಕಳೆದ ಆಗಸ್ಟ್‌ನಿಂದ ಕೆಲಸ ಮಾಡದೆ ಇರುವುದು ಕಂಡು ಬಂದಿದೆ. ಫೆಬ್ರವರಿ 2023 ಇದರ ಬದಲಾವಣೆಗೆ ಆದೇಶವನ್ನು ನೀಡಲಾಯಿತು. ಆಸ್ಪತ್ರೆ ಅಧಿಕಾರಿಗಳು ವಿಳಂಬ ಹಾಗೂ ನಿರಾಸಕ್ತಿಯಿಂದಾಗಿ ಸದ್ಯ ರೋಗಿಗಳು ಸಮಸ್ಯೆಯನ್ನು ಎದಿರುಸುತ್ತಿದ್ದಾರೆ.
ನೆಟ್ಟಿಗರು ಏನಂದ್ರು?
ಬಡವರ ಬಂಧುವಂತಿದ್ದ ಕೆಇಎಂ ಆಸ್ಪತ್ರೆಯಲ್ಲಿ ಸದ್ಯ ಲಿಫ್ಟ್ ಕೆಲಸ ಮಾಡುತ್ತಿಲ್ಲ. ರೋಗಿಗಳು ಬಳಲುತ್ತಲೇ ಇದ್ದಾರೆ, ಆಸ್ಪತ್ರೆ ಆಡಳಿತ ನಿದ್ರಿಸುತ್ತಿದೆ ಎಂದು ಒಬ್ಬರು ಕಿಡಿಕಾರಿದ್ದಾರೆ. ಇನ್ನೂ ಕೆಲವರು ಇದು ಸ್ವೀಕಾರಾರ್ಹ ವಿಚಾರವಲ್ಲ. ಒಪಿಡಿ ಲಿಫ್ಟ್ ಒಂದು ಪ್ರಮುಖ ಸೌಲಭ್ಯ..ಈಗ ಇದು ಕೆಲಸ ಮಾಡದೆ ಇರುವುದು ದುರದೃಷ್ಟಕರ ಎಂದು ಕಿಡಿಕಾರಿದ್ದಾರೆ ,(ಏಜೆನ್ಸೀಸ್).
