ಇದನ್ನೂ ಓದಿ : ಹಸಿರು ಪಟಾಕಿ ಸಿಡಿಸಿದರೆ ಶ್ವಾಸಕೋಶಕ್ಕೆ ಅಪಾಯವಿಲ್ಲವೇ? ಅಸ್ತಮಾ, ಉಸಿರಾಟದ ಸಮಸ್ಯೆ ಇರುವವರು ಈ ಎಚ್ಚರಿಕೆ ಮರೆಯಬೇಡಿ... Green Crackers
ಬ್ಯಾಂಕಾಕ್‌ನಿಂದ ಬಂದ ಪ್ರಯಾಣಿಕನಿಗೆ ಬೆದರಿಕೆ
ಈ ವಂಚನೆ ಪ್ರಕರಣ ಶುಕ್ರವಾರ ಬ್ಯಾಂಕಾಕ್‌ನಿಂದ ಮುಂಬೈಗೆ ಆಗಮಿಸಿದ್ದ ಮುಂಬ್ರಾ ನಿವಾಸಿ ಅಮನ್ ಹಸನ್ ಮಿರ್ಜಾ ಎಂಬುವವರನ್ನು ಆರೋಪಿಗಳು ತಡೆದಾಗ ಬೆಳಕಿಗೆ ಬಂದಿದೆ. ವಿಮಾನ ನಿಲ್ದಾಣದಲ್ಲಿ ಅವರನ್ನು ಸಂಪರ್ಕಿಸಿದ ಆರೋಪಿಗಳ ಪೈಕಿ ಒಬ್ಬಾತ ಮಿರ್ಜಾ ಅವರ ಅಂಗಿಯ ಕಾಲರ್ ಹಿಡಿದು, ಪಾಸ್‌ಪೋರ್ಟ್ ಮತ್ತು ಮೊಬೈಲ್ ಫೋನ್ ಕಸಿದುಕೊಂಡಿದ್ದಾನೆ ಎನ್ನಲಾಗಿದೆ.ಬಳಿಕ ಅವರ ಬ್ಯಾಗ್‌ನಲ್ಲಿ ನಿಷೇಧಿತ ವಸ್ತುಗಳಿವೆಯೇ ಎಂದು ಪರಿಶೀಲಿಸುವುದಾಗಿ ಹೇಳಿ ಬೆದರಿಕೆ ಹಾಕಿದ್ದಾನೆ. ಈ ವೇಳೆ ನಡೆದ ಘಟನೆಯಿಂದ ಅನುಮಾನಗೊಂಡು ಪೊಲೀಸರ ಗಮನಕ್ಕೆ ತರಲಾಗಿದ್ದು, ಪ್ರಕರಣದ ತನಿಖೆ ಆರಂಭವಾಗಿದೆ.
ಇನ್ನೂ ಎಷ್ಟು ಪ್ರಯಾಣಿಕರಿಗೆ ವಂಚಿಸಿದ್ದಾರೆ?
ವಿಚಾರಣೆ ವೇಳೆ ಆರೋಪಿಗಳು ವಿದೇಶಿ ಪ್ರಯಾಣಿಕರನ್ನು ಅಧಿಕಾರಿಗಳ ಸೋಗಿನಲ್ಲಿ ಸಂಪರ್ಕಿಸಿ, ನಿಷೇಧಿತ ವಸ್ತುಗಳನ್ನು ತಂದಿರುವುದಾಗಿ ಬೆದರಿಸಿ ಹಣ ವಸೂಲಿ ಮಾಡುತ್ತಿದ್ದುದಾಗಿ ತಿಳಿದುಬಂದಿದೆ ಎಂದು ವರದಿಯಾಗಿದೆ. ಹೊಸ ಎಲೆಕ್ಟ್ರಾನಿಕ್ ವಸ್ತುಗಳು ಅಥವಾ ನಿಷೇಧಿತ ಸಾಮಗ್ರಿಗಳನ್ನು ಪ್ರಯಾಣಿಕರು ತಂದಿದ್ದರೆ, ಅವುಗಳಿಗೆ ದಂಡ ವಿಧಿಸುವುದಾಗಿ ಹೇಳಿ ಹಣ ಪಡೆಯುತ್ತಿದ್ದರು ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸದ್ಯ ಬಂಧಿತರು ಎಷ್ಟು ದಿನಗಳಿಂದ ಈ ಕೃತ್ಯದಲ್ಲಿ ತೊಡಗಿದ್ದರು, ಇನ್ನೆಷ್ಟು ಪ್ರಯಾಣಿಕರನ್ನು ವಂಚಿಸಿದ್ದಾರೆ ಮತ್ತು ಈ ಜಾಲದಲ್ಲಿ ಬೇರೆ ಯಾರಾದರೂ ಭಾಗಿಯಾಗಿದ್ದಾರೆಯೇ ಎಂಬ ಬಗ್ಗೆ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. ವಿಮಾನ ನಿಲ್ದಾಣದಲ್ಲಿ ಅಧಿಕಾರಿಗಳ ಸೋಗಿನಲ್ಲಿ ನಡೆಯುತ್ತಿದ್ದ ಈ ವಂಚನೆಯ ಹಿಂದೆ ದೊಡ್ಡ ಜಾಲವಿದೆಯೇ ಎಂಬುದನ್ನೂ ಪರಿಶೀಲಿಸಲಾಗುತ್ತಿದೆ.
