ಧರ್ಮಗುರುಗಳ ತಗಾದೆ!
ಒಮರ್ ಅಬ್ದುಲ್ಲಾ ಅವರ ಮದುವೆ ವಿಷಯ ಹೊರಬಿದ್ದ ಕೆಲವೇ ಗಂಟೆಗಳಲ್ಲಿ ಮಾಧ್ಯಮಗಳ ಮುಂದೆ ಬಂದ ಮುಫ್ತಿ ಶಹಾಬುದ್ದೀನ್ ರಜ್ವಿ, ಈ ವಿವಾಹವನ್ನು ಇಸ್ಲಾಂ ಧರ್ಮ ಒಪ್ಪುವುದಿಲ್ಲ ಎಂದು ವಾದಿಸಿದ್ದಾರೆ. ಶರಿಯಾ ಕಾನೂನಿನ ಪ್ರಕಾರ, ನಿಕಾಹ್ ಮಾನ್ಯವಾಗಬೇಕಾದರೆ ವಧು ಮತ್ತು ವರ ಇಬ್ಬರೂ ಮುಸ್ಲಿಮರಾಗಿರಬೇಕು.
ಇಲ್ಲಿ ಒಮರ್ ಅಬ್ದುಲ್ಲಾ ಮುಸ್ಲಿಮರಾಗಿದ್ದರೂ, ನಿಧಿ ರಜ್ದಾನ್ ಮುಸ್ಲಿಂ ಸಮುದಾಯಕ್ಕೆ ಸೇರಿದವರಲ್ಲ. ಹಾಗಾಗಿ, ಇಸ್ಲಾಮಿಕ್ ತತ್ವಗಳ ಪ್ರಕಾರ ಈ ಸಂಬಂಧವನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎನ್ನುವುದು ರಜ್ವಿ ಅವರ ವಾದವಾಗಿದೆ.
ಇಷ್ಟಕ್ಕೇ ನಿಲ್ಲದ ಅವರು, "ಮದುವೆಗೆ ಮುಂಚಿತವಾಗಿ ನಿಧಿ ರಜ್ದಾನ್ ಇಸ್ಲಾಂ ಧರ್ಮ ಸ್ವೀಕರಿಸುವಂತೆ ಒಮರ್ ನೋಡಿಕೊಳ್ಳಬೇಕಿತ್ತು. ಅವರು ಮತಾಂತರಗೊಂಡು, ಇಸ್ಲಾಮಿಕ್ ಸಂಪ್ರದಾಯದಂತೆ ನಿಕಾಹ್ ಆಗಿದ್ದರೆ ಮಾತ್ರ ಈ ವಿವಾಹಕ್ಕೆ ಶರಿಯಾ ಮಾನ್ಯತೆ ಸಿಗುತ್ತಿತ್ತು. ಆದರೆ ಹಾಗಾಗದ ಕಾರಣ, ಇಸ್ಲಾಂ ಪ್ರಕಾರ ಇದು 'ನಜಾಯಾಜ್' (ಅಸಿಂಧು ಅಥವಾ ಕಾನೂನುಬಾಹಿರ)" ಎಂದು ಕಟುವಾಗಿ ಹೇಳಿದ್ದಾರೆ.
