ಎಐ ವಿಡಿಯೋನಾ?
ಈ ವಿಡಿಯೋವನ್ನು ವೀಕ್ಷಿಸಿದ ನೆಟ್ಟಿಗರು ಅತ್ಯಂತ ತಮಾಷೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. ಈ ಮಗು ಶಾಲಾ ತರಗತಿಯನ್ನು ಬಿಟ್ಟು ನೇರವಾಗಿ ಮಧ್ಯವಯಸ್ಸಿನ ಲೈಫ್ ಕ್ರೈಸಿಸ್‌ಗೆ ಕಾಲಿಟ್ಟಿದೆ ಎಂದು ಒಬ್ಬರು ತಮಾಷೆ ಮಾಡಿದರೆ, ಮತ್ತೊಬ್ಬರು ಎರಡು ಗಂಟೆಯ ಈ ಮಗುವಿನ ಮೀಸೆ ನನಗಿಂತ (34 ವರ್ಷ) ಚೆನ್ನಾಗಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಆದಾಗ್ಯೂ, ಈ ವೀಡಿಯೋ ನೈಜವಾದುದಲ್ಲ, ಬದಲಾಗಿ ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ (AI) ತಂತ್ರಜ್ಞಾನವನ್ನು ಬಳಸಿ ಸೃಷ್ಟಿಸಲಾದ ವಿಡಿಯೋ ಎಂದು ಹಲವರು ಅನುಮಾನ ವ್ಯಕ್ತಪಡಿಸಿದ್ದಾರೆ.
ಈ ಘಟನೆಯು ಈಕ್ವೆಡಾರ್, ಮೆಕ್ಸಿಕೋ ಹಾಗೂ ಭಾರತದ ಅಗರ್ತಲಾದಲ್ಲಿ ನಡೆದಿದೆ ಎಂದು ಪ್ರತಿಪಾದಿಸುವ ಹಲವು ವರದಿಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಆದರೆ, ಈ ವೀಡಿಯೋ ಅಥವಾ ಘಟನೆಗೆ ಸಂಬಂಧಿಸಿದಂತೆ ಯಾವುದೇ ಸ್ಥಳೀಯ ಆಸ್ಪತ್ರೆಯಾಗಲಿ ಅಥವಾ ಮಗುವಿನ ಪೋಷಕರಾಗಲಿ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ. ಇದರಿಂದಾಗಿ ಈ ವಿಡಿಯೋದ ನೈಜತೆಯ ಮೇಲಿನ ಅನುಮಾನಗಳು ಮತ್ತಷ್ಟು ಬಲವಾಗಿವೆ.
