Viral Video: ಕೋತಿಗಳು ಹಣ್ಣು ಅಥವಾ ಕೈಯಲ್ಲಿರುವ ತಿಂಡಿ ಪದಾರ್ಥಗಳನ್ನು ಕಸಿದುಕೊಳ್ಳುವುದು ಸಾಮಾನ್ಯ. ಆದರೆ, ಹಿಮಾಚಲ ಪ್ರದೇಶದ ಶಿಮ್ಲಾದಲ್ಲಿ ಕಿಲಾಡಿ ಮಂಗವೊಂದು ಯುವಕನ ಜೇಬಿಗೇ ಕೈಹಾಕಿ, ಬರೋಬ್ಬರಿ 81,800 ರೂ. ಹಣವನ್ನು ಎಗರಿಸಿ, ನಂತರ ಒಂದೊಂದೇ ನೋಟುಗಳನ್ನು ಬಿಸಾಡಿದ ದೃಶ್ಯ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಶಿಮ್ಲಾದ ಜಿಲ್ಲಾಧಿಕಾರಿ ಕಚೇರಿ ಸಮೀಪ ಈ ಘಟನೆ ನಡೆದಿದ್ದು, ಯುವಕನೊಬ್ಬ ಬ್ಯಾಂಕ್‌ಗೆ ಜಮೆ ಮಾಡಲು 81,800 ರೂ. ನಗದನ್ನು ಜೇಬಿನಲ್ಲಿ ತುಂಬಿಸಿಕೊಂಡು ಹೋಗುತ್ತಿದ್ದಾಗ, ಅಲ್ಲೇ ಸಮೀಪದಲ್ಲಿದ್ದ ಕೋತಿ, ಆ ಹಣವನ್ನು ಕಳ್ಳನಿಗಿಂತ ವೇಗದಲ್ಲಿ ಕದ್ದು ಮರಕ್ಕೆ ಜಿಗಿದಿದೆ. ಗಾಬರಿಗೊಂಡ ವ್ಯಕ್ತಿ, ಕೋತಿ ಹೋದ ಹಾದಿಯನ್ನೇ ಹಿಂಬಾಲಿಸಿಕೊಂಡು ಹೋಗಿದ್ದು, ಹಣವನ್ನು ವಾಪಾಸ್ ಕೊಡುವಂತೆ ಬೇಡಿಕೊಂಡಿದ್ದಾನೆ. ಆದರೆ, ಯಾವುದೇ ಪ್ರಯೋಜನವಾಗಿಲ್ಲ.
