ಬಲವಂತವಾಗಿ ಮುತ್ತಿಡಲು ಹೋದ ವಿವಾಹಿತನೊಬ್ಬನ ನಾಲಿಗೆ ಕಚ್ಚಿ ತುಂಡು ಮಾಡಿದ ಆತನ ಎಕ್ಸ್ ಲವರ್ | Ex-lover

ಕಾನ್ಪುರ: ಉತ್ತರ ಪ್ರದೇಶದ ಕಾನ್ಪುರದಲ್ಲಿ ವಿವಾಹಿತನೊಬ್ಬ ತನ್ನ ಮಾಜಿ ಗೆಳತಿಗೆ(Ex-lover) ಬಲವಂತವಾಗಿ ಮುತ್ತಿಡಲು ಹೋದಾಗ ಆತನ ನಾಲಿಗೆಯನ್ನು ಕಚ್ಚಿ ಎರಡು ತುಂಡು ಮಾಡಿದ್ದಾಳೆ ಎಂದು ಮಂಗಳವಾರ(ನ. 18) ವರದಿಯಾಗಿದೆ.

ಚಂಪಿ ಎಂದು ನಾಲಿಗೆಯನ್ನು ಗಾಯ ಮಾಡಿಕೊಂಡ ವ್ಯಕ್ತಿ. ಕಾನ್ಪುರದ ದರಿಯಾಪುರ ಗ್ರಾಮದ ವಿವಾಹಿತ ವ್ಯಕ್ತಿ. ಆತನ ಮಾಜಿ ಪ್ರೇಯಸಿಯೇ ನಾಲಿಗೆ ಕಚ್ಚಿದವಳು. ಈತನೊಂದಿಗಿನ ಸಂಬಂಧ ಗೊತ್ತಾದ ಬಳಿಕ ಮಹಿಳೆಯ ಪೋಷಕರು ಆಕೆಗೆ ಬೇರೊಬ್ಬನೊಂದಿಗೆ ಮದುವೆ ಮಾಡಿದ್ದರು. ಬಳಿಕ ಆಕೆ ಚಂಪಿಯಿಂದ ದೂರವಾಗಿದ್ದಳು.

ಆದರೆ ಇದು ಆತನನ್ನು ಕೆರಳಿಸಿತ್ತು. ಇದಕ್ಕಾಗಿ ಸೋಮವಾರ ಮಧ್ಯಾಹ್ನ ಒಲೆಗಾಗಿ ಜೇಡಿಮಣ್ಣು ಸಂಗ್ರಹಿಸಲು ಕೊಳಕ್ಕೆ ಹೋಗಿದ್ದಾಗ ಒಬ್ಬಂಟಿಯಾಗಿರುವುದನ್ನು ನೋಡಿ ಆಕೆಯ ಬಳಿ ಹೋಗಿದ್ದಾನೆ. ಅಲ್ಲಿ ಅವನು ಆಕೆಯನ್ನು ಹಿಡಿದು ಲೈಂಗಿಕವಾಗಿ ಕಿರುಕುಳ ನೀಡಿದ್ದಾನೆ. ಮಹಿಳೆ ವಿರೋಧಿಸಿ ಹಿಂದಕ್ಕೆ ತಳ್ಳಿದ್ದಾಳೆ. ಆದರೆ ಬಲವಂತವಾಗಿ ಆಕೆಗೆ ಚುಂಬಿಸಲು ಪ್ರಾರಂಭಿಸಿದ್ದಾನೆ. ಈ ವೇಳೆ ಆಕೆ ಅವನ ನಾಲಿಗೆಯನ್ನೇ ಕಚ್ಚಿ ತುಂಡು ಮಾಡಿದ್ದಾಳೆ ಎನ್ನಲಾಗಿದೆ.

ಇನ್ನೂ ಚಂಪಿಗೆ ನಾಲಿಗೆಯಿಂದ ರಕ್ತಸ್ರಾವವಾಗಲು ನೋವಿನಿಂದ ಚೀರಾಡಿದ್ದಾನೆ. ಇದಿರಂದ ಅವನ ಚೀರಾಟ ಕೇಳಿದ ಗ್ರಾಮಸ್ಥರು ಸ್ಥಳಕ್ಕಾಗಮಿಸಿ ಕುಟುಂಬಕ್ಕೆ ಮಾಹಿತಿ ನೀಡಿದ್ದಾರೆ. ಬಳಿಕ ಸಮುದಾಯ ಆರೋಗ್ಯಕ್ಕೆ ಕರೆದೊಯ್ದಿದ್ದಾರೆ. ಪ್ರಥಮ ಚಿಕಿತ್ಸೆ ಬಳಿಕ, ಕಾನ್ಪುರದ ಹ್ಯಾಲೆಟ್ ಆಸ್ಪತ್ರೆಗೆ ಚಂಪಿಯನ್ನು ದಾಖಲಿಸಲಾಗಿದೆ ಎನ್ನಲಾಗಿದೆ.

ಇನ್ನೂ ಘಟನೆಯನ್ನು ಕಾನ್ಪುರ ಉಪ ಪೊಲೀಸ್ ಆಯುಕ್ತ ದಿನೇಶ್ ತ್ರಿಪಾಠಿ ದೃಢಪಡಿಸಿದ್ದು, ಪ್ರಕರಣ ದಾಖಲಿಸಲಾಗಿದ್ದು, ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ತಿಳಿಸಿದ್ದಾರೆ (ಏಜೆನ್ಸೀಸ್).