ಪತ್ನಿಯನ್ನು ಕರೆಯಲು ಹೋದ ಗಂಡನಿಗೆ ಪೆಟ್ರೋಲ್ ಸುರಿದು ಕೊಂದ ಬಾಮೈದ: ರಕ್ಷಿಸಲು ಹೋದ ಮಹಿಳೆಯೂ ಸಾವು; ಸಿಸಿಟಿವಿಯಲ್ಲಿ ಸೆರೆಯಾಯ್ತು ಭೀಕರ ದೃಶ್ಯ! Man Burnt Alive By Brother-in-Law

ಪಂಜಾಬ್​: ಗಂಡನ ಜೊತೆ ಜಗಳವಾಡಿಕೊಂಡು ತವರು ಮನೆಗೆ ಹೋಗಿದ್ದ ಪತ್ನಿಯನ್ನು ಮನೆಗೆ ಕರೆದುಕೊಂಡು ಬರಲು ಬಂದಿದ್ದ ಪತಿಗೆ ಆಕೆಯ ಸಹೋದರ​ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿ ಕೊಂದಿರುವ (Man Burnt Alive By Brother-in-Law) ಘಟನೆ ಪಂಜಾಬ್​ನ ತರಣ್​ ತರಣ್​ ಎಂಬಲ್ಲಿ ವರದಿಯಾಗಿದೆ. ಸದ್ಯ ಈ ಘಟನೆ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸೋಷಿಯಲ್​ ಮೀಡಿಯಾನಲ್ಲಿ ದೊಡ್ಡ ಮಟ್ಟದ ಚರ್ಚೆಗೆ ಕಾರಣವಾಗಿದೆ.

ಲವ್​​ಜೀತ್​ ಸಿಂಗ್​ ಎಂಬಾತ ತನ್ನ ಮೇಲೆ ಮುನಿಸಿಕೊಂಡು ತವರು ಮನೆ ಸೇರಿದ್ದ ಪತ್ನಿ ಸಂದೀಪ್​ ಕೌರ್​ಳನ್ನು ಮರಳಿ ತನ್ನ ಮನೆಗೆ ಕರೆದುಕೊಂಡು ಹೋಗಲು ಬಯಸಿದ್ದ. ಹೀಗಾಗಿ ಪತ್ನಿಯ ತವರಿಗೆ ಬಂದಿದ್ದೆ, ಭಾವ ಲವ್​​ಜೀತ್​ ಸಿಂಗ್​ ಹಾಗೂ ಬಾಮೈದ ಸಜನ್​ ಸಿಂಗ್​ರಲ್ಲಿ ಮಾತಿಗೆ- ಮಾತು ಬೆಳೆದಿದೆ.

ಬೆಂಕಿ ತಗುಲಿದ ಕೆಲವೇ ಕ್ಷಣಗಳಲ್ಲಿ ಲವ್​ಜೀತ್​ ಸಿಂಗ್​ ಸಾವನ್ನಪ್ಪಿದ್ದಾನೆ. ಗುರ್ಜಿತ್​ ಕೌರ್​ ತೀವ್ರ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಆಕೆ ಮರಣ ಹೊಂದಿದ್ದಾಳೆ.

ಈ ಘಟನೆಗೆ ಕುರಿತಂತೆ ದೂರು ದಾಖಲಾಗಿದ್ದು, ಸಜನ್​ ಸಿಂಗ್​ ಹಾಗೂ ಅವನ ಸಹೋದರಿ ಸಂದೀಪ್​ ಕೌರ್​​ರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಪೊಲೀಸರ ಮಾಹಿತಿ ಪ್ರಕಾರ, ಈ ಲವ್​ಜೀತ್​ ಸಿಂಗ್​ ಹಾಗು ಸಂದೀಪ್​ ಕೌರ್ ಒಂಭತ್ತು ತಿಂಗಳ ಹಿಂದೆ ಮದುವೆಯಾಗಿದ್ದರು. ಆದರೆ ಇಬ್ಬರಲ್ಲಿ ಹೊಂದಾಣಿಕೆ ಮೂಡದ ಹಿನ್ನಲೆಯಲ್ಲಿ ಸಂದೀಪ್​ ಕೌರ್​ ತವರು ಮನೆಗೆ ಮರಳಿದ್ದಳು.

ಇಕೆಯ ಮನವೊಲಿಸಿ ತನ್ನ ಮನೆಗೆ ಕರೆದುಕೊಂಡು ಹೋಗಲು ಲವ್​ಜೀತ್​ ಸಿಂಗ್​ ಪ್ರಯತ್ನಿಸಿದಾಗ ಸಜನ್​ ಸಿಂಗ್​ ಮತ್ತು ಆತನ ನಡುವಿಗೆ ವಾಗ್ವಾದ ಹಾಗೂ ಹೊಡೆದಾಟವಾಗಿದೆ. ನಂತರ ರೊಚ್ಚಿಗೆದ್ದ ಸಜನ್​ ಸಿಂಗ್​ ಈ ಕೃತ್ಯವನ್ನು ಎಸೆಗಿದ್ದಾನೆಂದು ತಿಳಿದು ಬಂದಿದೆ. ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಇಬ್ಬರು ಆರೋಪಿಗಳನ್ನು ತಮ್ಮ ವಶಕ್ಕೆ ಪಡೆದುಕೊಂಡು ವಿಚಾರಣೆ ನಡೆಸುತ್ತಿದ್ದಾರೆಂದು ಮಾಹಿತಿ ಲಭ್ಯವಾಗಿದೆ, (ಏಜನ್ಸೀಸ್​).