ದೇವಾಲಯದಲ್ಲಿ ಬಾಲಕಿ ಏಕಾಂಗಿಯಾಗಿರುವುದನ್ನು ಗಮನಿಸಿದ ಆ ಕಾಮುಕ, ನೇರವಾಗಿ ಆಕೆಯ ಬಳಿ ತೆರಳಿ ಬಲವಂತವಾಗಿ ಮುಟ್ಟಲು ಯತ್ನಿಸಿದ್ದಾನೆ. ಬಾಲಕಿ ತೀವ್ರವಾಗಿ ವಿರೋಧಿಸಿದರೂ ಆತ ಕಿಂಚಿತ್ ಕರುಣೆ ತೋರದೆ ಅಸಭ್ಯವಾಗಿ ವರ್ತಿಸಿದ್ದು, ಗಾಬರಿಗೊಂಡ ಬಾಲಕಿ ಅಲ್ಲಿಂದ ಒಮ್ಮೆಲೆ ಕಿರುಚಿಕೊಂಡಿದ್ದಾಳೆ. ಕೂಡಲೇ ಎಚ್ಚೆತ್ತ ಆರೋಪಿ ಅಲ್ಲಿಂದ ಪರಾರಿಯಾಗಿದ್ದಾನೆ. ಈ ಸಂಪೂರ್ಣ ಕೃತ್ಯವು ದೇವಸ್ಥಾನದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಆರೋಪಿ ಪರಾರಿಯಾದ ಬಳಿಕವೂ ಧೈರ್ಯಗೆಡದ ಆ ಬಾಲಕಿ, ಮತ್ತೊಮ್ಮೆ ಶಿವಲಿಂಗಕ್ಕೆ ನಮಸ್ಕರಿಸಿ, ಮನೆಗೆ ತೆರಳಿದ್ದಾಳೆ. ತನಗೆ ಎದುರಾದ ಈ ಕರಾಳ ಹಾಗೂ ಮುಜುಗರದ ಅನುಭವವನ್ನು ಬಾಲಕಿ ತನ್ನ ಕುಟುಂಬದ ಸದಸ್ಯರಿಗೆ ತಿಳಿಸಿದ್ದಾಳೆ. ಕೂಡಲೇ ಎಚ್ಚೆತ್ತ ಪೋಷಕರು ನಿಗ್ಡಿ ಪೊಲೀಸ್ ಠಾಣೆಗೆ ತೆರಳಿ ಅಧಿಕೃತ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ದೇವಾಲಯದ ಸಿಸಿಟಿವಿ ದೃಶ್ಯಾವಳಿಗಳನ್ನು ಕೂಲಂಕಷವಾಗಿ ಪರಿಶೀಲಿಸಿದಾಗ, ಬಾಲಕಿಯ ಮೇಲೆ ನಡೆದ ಅಸಭ್ಯ ವರ್ತನೆಯ ಕೃತ್ಯವು ಸ್ಪಷ್ಟವಾಗಿ ಬೆಳಕಿಗೆ ಬಂದಿದೆ.
