ಮಸಾಲೆ ಪುಡಿಯನ್ನೇ ಮಾದಕ ವಸ್ತು ಅಂದ್ಕೊಂಡ ಏರ್‌ಪೋರ್ಟ್ ಸಿಬ್ಬಂದಿ: ಉದ್ಯಮಿಗೆ 57 ದಿನ ಸೆರೆವಾಸ 10 ಲಕ್ಷ ಪರಿಹಾರ! Madhya Pradesh HighCourt

ಮಧ್ಯಪ್ರದೇಶ: ವಿಮಾನ ನಿಲ್ದಾಣದಲ್ಲಿ ಮಸಾಲಾ ಪುಡಿಯನ್ನು ಮಾದಕ ವಸ್ತು ಎಂದು ತಪ್ಪಾಗಿ ತಿಳಿದು ವ್ಯಕ್ತಿಯೊಬ್ಬನಿಗೆ 57 ದಿನ ಸೆರೆಗೆ ತಳ್ಳಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಧ್ಯಪ್ರದೇಶ ಹೈಕೋರ್ಟ್​ (Madhya Pradesh HighCourt) ಬಂಧಿತನಾಗಿದ್ದ ಆರೋಪಿ ನಿರಪರಾಧಿ ಎಂದು ಹೇಳಿ 10 ಲಕ್ಷ ರೂಪಾಯಿ ಪರಿಹಾರವನ್ನು ನೀಡುವಂತೆ ಆದೇಶಿಸಿದೆ.

ಈ ಘಟನೆಯು 2010 ರಂದು ಮಧ್ಯಪ್ರದೇಶದ ಭೋಪಾಲ್​ ವಿಮಾನನಿಲ್ದಾಣದಲ್ಲಿ ನಡೆದಿತ್ತು. ಅಜಯ್​ ಸಿಂಗ್​ ಎಂಬ ಉದ್ಯಮಿ ತನ್ನ ಬ್ಯಾಗ್​ನಲ್ಲಿ ಆಮ್​ಚೂರ್​ ಮಸಾಲೆ ಪುಡಿಗಳನ್ನು ಪೊಟ್ಟಣ ಮಾಡಿಕೊಂಡು ತಪಾಸಣೆಯ ಸಾಲಿನಲ್ಲಿ ನಿಂತಿದ್ದರು.

ನಂತರ ವಶ ಪಡಿಸಿಕೊಂಡ ವಸ್ತುವನ್ನು ಭೋಪಾಲ್​ನಲ್ಲಿರುವ ಪ್ರಾದೇಶಿಕ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಲಾಯಿತು. ಅಲ್ಲಿ ನಿಖರ ಮಾಹಿತಿ ದೊರೆಯದ ಹಿನ್ನಲೆ ಹೈದರಾಬಾದ್​ನಲ್ಲಿರುವ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಮಾದರಿಯನ್ನು ಪರೀಕ್ಷೆಗೆ ಕಳುಹಿಸಿ ಕೊಡಲಾಯಿತು.

ನಂತರ ಈ ವರದಿಯನನ್ನು ಮುಂದಿಟ್ಟುಕೊಂಡು ವಿಮಾನ ನಿಲ್ದಾಣ ಸಿಬ್ಬಂದಿ ಮೇಲೆ ಪ್ರಕರಣ ದಾಖಲಿಸಿದ ಉದ್ಯಮಿ ಅಜಯ್​ ಸಿಂಗ್​, ಮಾನನಷ್ಟ ಮೊಕದ್ದಮೆಯ ಪ್ರಕರಣ ಹೂಡಿದರು.

ಈ ಪ್ರರಕಣದ ವಿಚಾರಣೆ ಕೆಳ ಹಂತದ ನ್ಯಾಯಾಲಯ ನಂತರ ಭೋಪಾಲ್​ ಹೈಕೋರ್ಟ್​ನಲ್ಲಿ ವಾದ-ವಿವಾದ ನಡೆದು ಅಜಯ್​ ಸಿಂಗ್​ ನಿರಪರಾಧಿ ಎಂದು ವಿಮಾನ ನಿಲ್ದಾಣ ಸಿಬ್ಬಂದಿಯ ತಪ್ಪಿಗೆ 10 ಲಕ್ಷ ರೂಪಾಯಿಗಳನ್ನು ಪರಿಹಾರವಾಗಿ ನೀಡಬೇಕೆಂದು ನ್ಯಾಯಾಲಯ ತೀರ್ಪನ್ನು ಕೊಟ್ಟಿದೆ, (ಏಜನ್ಸೀಸ್​).