ಮೋಜಿನ ನಶೆಯಲ್ಲಿ ಮರೆಯಾಯ್ತು ಜೀವ: ಸ್ವಿಮ್ಮಿಂಗ್ ಪೂಲ್‌ಗೆ ಜಿಗಿದ ಯುವಕ ಸ್ಥಳದಲ್ಲೇ ಸಾವು; ವಿಡಿಯೋ ವೈರಲ್​! Swimming Pool Accident

ವೈರಲ್​: ಬೇಸಿಗೆಯಲ್ಲಿ ಅಥವಾ ಮಳೆಗಾಲದಲ್ಲಿ ಯುವಕರು ತಮ್ಮ ಸ್ನೇಹಿತರ ಜೊತೆ ಸೇರಿಕೊಂಡು ಎಲ್ಲಿಗಾದರೂ ಪ್ರವಾಸಕ್ಕೋ ಇಲ್ಲವೇ ರೆಸಾರ್ಟ್​ಗಳಿಗೆ ತೆರಳಿ ಕೆಲ ದಿನಗಳ ಕಾಲ ಮಜಾ ಮಾಡಿಕೊಂಡು ಬರುವುದು ಸಾಮಾನ್ಯವಾಗಿದೆ. ಆದರೆ ಹೀಗೆ ಮನಸ್ಸಿಗೆ ಶಾಂತಿ ಮತ್ತು ಸ್ನೇಹಿತರೊಂದಿಗೆ ಸಮಯ ಕಳೆಯಲು ಹೋದಾಗ, ಪ್ರಾಣಕ್ಕೆ ಕುತ್ತು ಬಂದರೆ ಏನಾಗಬೇಡ?

ಈಗ ಇಂತಹದ್ದೆ ಘಟನೆಯೊಂದು ಮಹಾತರಾಷ್ಟ್ರದ ರೆಸಾರ್ಟ್​ವೊಂದರಲ್ಲಿ ನಡೆದಿದ್ದು, ಸ್ವಿಮ್ಮಿಂಗ್​ ಪೂಲ್​ಗೆ (Swimming Pool Accident) ಹಾರಿದ ಯುವಕನೊಬ್ಬ ಸಾವಿಗೀಡಾದ ದೃಶ್ಯ ಸೋಷಿಯಲ್​ ಮೀಡಿಯಾನಲ್ಲಿ ಸಾಕಷ್ಟು ವೈರಲ್​ ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋನಲ್ಲಿ ಕೆಲ ಸ್ನೇಹಿತರು ರೆಸಾರ್ಟ್​ವೊಂದರಲ್ಲಿ ತಮ್ಮ ರಜಾ ಸಮಯವನ್ನು ಕಳೆಯಲು ಬಂದಿದ್ದಾರೆ.

ಇಬ್ಬರು ಯುವಕರು ಸ್ವಿಮ್ಮಿಂಗ್​ ಪೂಲ್​ನಲ್ಲಿದ್ದರೆ, ಒಬ್ಬ ಯುವಕ ಪೂಲ್​ನ ಹೊರಗೆ ನಿಂತು ಡಾನ್ಸ್​ ಮಾಡುತ್ತಿರುತ್ತಾರೆ. ಇನ್ನೊಬ್ಬ ಯುವಕನು ಕಲ್ಲಿನ ಕಟ್ಟೆಯ ಮೇಲೆ ನಿಂತಿದ್ದು, ಮತ್ತೋರ್ವ ಯುವಕ ಇವನ್ನೆಲ್ಲಾ ವಿಡಿಯೋ ಮಾಡುತ್ತಿರುತ್ತಾನೆ.

ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಡಿಗರ ಎದೆಯಲ್ಲಿ ನಡುಕ ಶುರುವಾಗಿದೆ. ಅಯ್ಯೋ ಈ ವಿಡಿಯೋ ನೋಡಿದ ಮೇಲೆ ನನಗೆ ಸ್ವಿಮ್ಮಿಂಗ್​ ಪೂಲ್​ ನೋಡಿದರೆ ಭಯವಾಗುತ್ತಿದ್ದೆ ಎಂದು ಒಬ್ಬ ಬಳಕೆದಾರರು ಕಮೆಂಟ್​ ಮಾಡಿದ್ದಾರೆ.

ಇದು ಕೇವಲ 4 ಅಡಿ ಆಳವಿರುವ ಸ್ವಿಮ್ಮಿಂಗ್​ ಪೂಲ್​. ಇವನು ಅಷ್ಟು ಎತ್ತರದಿಂದ ಜಿಗಿದಾಗ ತಲೆ ನೆಲಕ್ಕೆ ಬಡಿದು ಸತ್ತಿದ್ದಾನೆಂದು ಇನ್ನೊಬ್ಬರು ಕಮೆಂಟ್ ಮಾಡಿದ್ದಾರೆ. ಮೋಜು, ಮಸ್ತಿ ನಶೆಯಲ್ಲಿ ಜೀವಕ್ಕೆ ಕುತ್ತು ತಂದುಕೊಳ್ಳಬೇಡಿ. ಬದುಕ್ಕಿದ್ದರೆ, ಇಂತಹ ಸಾವಿರ ರೆಸಾರ್ಟ್​ಗಳನ್ನು ನೋಡಬಹುದೆಂದು ಮತ್ತೊಬ್ಬರು ಬುದ್ಧಿಮಾತನ್ನು ಹೇಳಿದ್ದಾರೆ, (ಏಜನ್ಸೀಸ್​).