ಇದು ಮಿಲನ ಸಮಯ... ಅಪ್ಪಿತಪ್ಪಿ ಈ ಒಂದು ಪ್ರಾಣಿಯ ಕಣ್ಣಿಗೆ ಬೀಳ್ಬೇಡಿ, ತುಂಬಾ ಕೋಪದಲ್ಲಿರುತ್ತದೆ! Mating season

ನವದೆಹಲಿ: ಅರಣ್ಯ ಪ್ರದೇಶಗಳ ಬಳಿ ವಾಸಿಸುವ ಜನರ ಈ ಸಮಯದಲ್ಲಿ ತುಂಬಾ ಜಾಗರೂಕರಾಗಿರಬೇಕು. ಏಕೆಂದರೆ, ಇದು ಹುಲಿಗಳ ಮಿಲನ ಸಮಯವಾಗಿದೆ ( Mating season ). ಹುಲಿಗಳ ಸಂತಾನೋತ್ಪತಿ ಅವಧಿ ಡಿಸೆಂಬರ್​ನಿಂದ ಫೆಬ್ರವರಿ ವರೆಗೆ ಇರುತ್ತದೆ. ಈ ಸಮಯದಲ್ಲಿ ಹುಲಿಗಳು ಆಕ್ರೋಶಭರಿತವಾಗಿ ವರ್ತಿಸುವುದರಿಂದ ತುಂಬಾ ಎಚ್ಚರಿಕೆಯಿಂದ ಇರಬೇಕು.

ಈ ಮಿಲನದ ಸಮಯದಲ್ಲಿ ಹುಲಿಗಳು ಅತ್ಯಂತ ಜಾಗರೂಕರಾಗಿರುತ್ತವೆ. ಯಾರೇ ಆಗಲಿ ಅವುಗಳ ಕಣ್ಣಿಗೆ ಕಂಡರೆ ಅಥವಾ ಏನಾದರೂ ತೊಂದರೆ ನೀಡಿದರೆ ಹೆಚ್ಚು ಆಕ್ರಮಣಕಾರಿಯ ವರ್ತಿಸುತ್ತವೆ. ಆಘಾತಕಾರಿ ಸಂಗತಿ ಏನೆಂದರೆ, ಪಕ್ಕದ ಕೇರಳದಲ್ಲಿ ಈ ತಿಂಗಳುಗಳಲ್ಲಿ ಅತಿ ಹೆಚ್ಚು ಹುಲಿಗಳ ದಾಳಿಗಳು ಸಂಭವಿಸಿವೆ. ನಮ್ಮ ಕರ್ನಾಟಕದಲ್ಲಿನ ಪರಿಸ್ಥಿತಿ ಕೂಡ ಇದೇ ರೀತಿ ಇದೆ.

ಹುಲಿಗಳ ವಿಚಾರದಲ್ಲಿ ಅರಣ್ಯ ಇಲಾಖೆ ಎಚ್ಚರಿಕೆ ಸಂದೇಶ ರವಾನಿಸಿದ್ದು, ಜನರು ಬೆಳಗ್ಗೆ ಮತ್ತು ರಾತ್ರಿ ವೇಳೆ ಕಾಡಿನಲ್ಲಿ ಅಥವಾ ನದಿಯ ದಡದಲ್ಲಿ ಒಂಟಿಯಾಗಿ ಪ್ರಯಾಣಿಸುವುದನ್ನು ತಪ್ಪಿಸುವಂತೆ ಸೂಚಿಸಿದ್ದಾರೆ. ಕಾಡಿನ ಮೂಲಕ ನಡೆಯುವಾಗ ಕಡಿಮೆ ಶಬ್ದ ಮಾಡಬೇಕು. ಬುಡಕಟ್ಟು ಜನರು ಅರಣ್ಯ ಸಂಪನ್ಮೂಲಗಳನ್ನು ಸಂಗ್ರಹಿಸಲು ಕಾಡಿಗೆ ಹೋದಾಗ, ಸಂಜೆಯ ಒಳಗೆ ತಮ್ಮ ಮನೆಗಳಿಗೆ ಹಿಂತಿರುಗಲು ಸೂಚಿಸಿದ್ದಾರೆ.

ಹುಲಿಗಳು ಸಾಮಾನ್ಯವಾಗಿ ಒಂಟಿ ಜೀವಿಗಳು. ಆದರೆ, ಸಂತಾನೋತ್ಪತ್ತಿ ಅವಧಿಯಲ್ಲಿ ಒಂಟಿಯಾಗಿರುವುದಿಲ್ಲ. ಅವು ಸಂಗಾತಿಯ ಜತೆಯಲ್ಲೇ ಸುತ್ತಾಡುತ್ತಿರುತ್ತವೆ. ಬಹುತೇಕ ಈ ಸಮಯವನ್ನು ತಮ್ಮ ಸಂಗಾತಿಯೊಂದಿಗೆ ಕಳೆಯುತ್ತವೆ. ಹುಲಿಗಳ ಗರ್ಭಾವಸ್ಥೆಯ ಅವಧಿ 105 ರಿಂದ 110 ದಿನಗಳು. ಅವು ಮೂರರಿಂದ ನಾಲ್ಕು ಮರಿಗಳಿಗೆ ಜನ್ಮ ನೀಡುತ್ತವೆ. ಮರಿಗಳು ಕೇವಲ ಮೂರೇ ವರ್ಷಗಳಲ್ಲಿ ದೊಡ್ಡದಾಗುತ್ತದೆ. ಅರಣ್ಯ ಪ್ರದೇಶದ ಪಕ್ಕದಲ್ಲಿರುವ ಜನವಸತಿ ಪ್ರದೇಶಗಳಲ್ಲಿ ಹುಲಿಗಳ ಉಪಸ್ಥಿತಿ ಕಂಡುಬಂದರೆ, ತಕ್ಷಣ ಅರಣ್ಯ ಇಲಾಖೆಗೆ ಮಾಹಿತಿ ನೀಡಬೇಕು, (ಏಜೆನ್ಸೀಸ್​).