ಮುಸ್ಲಿಮರು, ಕ್ರಿಶ್ಚಿಯನ್ನರು ಭಾರತವನ್ನು ಪೂಜಿಸಿದರೆ ಅವರು ಹಿಂದೂಗಳೇ: RSS ಮುಖ್ಯಸ್ಥ ಮೋಹನ್ ಭಾಗವತ್ | Mohan Bhagwat

ಈ ಬಗ್ಗೆ RSSನ ಶತಮಾನೋತ್ಸವದ ಭಾಗವಾಗಿ ಅಸ್ಸಾಂಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಮಾತನಾಡಿದ ಮೋಹನ್ ಭಾಗವತ್, ಶಿವಾಜಿ ಮಹಾರಾಜ ಮತ್ತು ರಾಣಾ ಪ್ರತಾಪ್​ರನ್ನು ಭಾರತದಾದ್ಯಂತ ಪೂಜಿಸಲಾಗುತ್ತದೆ. ಅಲ್ಲದೆ, ಬುದ್ಧ ಮತ್ತು ಮಹಾವೀರ ಬಿಹಾರದವರು. ಇದನ್ನು ಸಾರ್ವತ್ರಿಕವಾಗಿ ಸ್ವೀಕರಿಸಲಾಗಿದೆ. ಏಕೆಂದರೆ ಇದು ನಮ್ಮ ಹೆಮ್ಮೆಯ ವಿಷಯವಾಗಿದೆ. ಮಾತೃಭೂಮಿಯ ಮೇಲಿನ ಭಕ್ತಿ, ನಮ್ಮ ಪೂರ್ವಜರ ಹೆಮ್ಮೆ ಮತ್ತು ನಮ್ಮ ಸಂಸ್ಕೃತಿಯ ಪರಂಪರೆಯನ್ನು ಮುಂದಕ್ಕೆ ಕೊಂಡೊಯ್ಯುವವರೆಲ್ಲರೂ ಹಿಂದೂಗಳು ಎಂದಿದ್ದಾರೆ.

ಇದನ್ನೂ ಓದಿ: ಸಿಂಧೂರ ಕೇವಲ ಟ್ರೇಲರ್ ಮಾತ್ರ; ಭಾರತೀಯ ಸೇನಾ ಮುಖ್ಯಸ್ಥರ ಮಾತಿಗೆ ಬೆದರಿ ಬೆಂಡಾದ ಪಾಕ್ ರಕ್ಷಣಾ ಸಚಿವ ಖವಾಜಾ ಆಸಿಫ್| Khawaja Asif

ಮುಂದುವರೆದು ಮಾತನಾಡಿದ ಭಾಗವತ್, ಹಿಂದೂ ಧರ್ಮವನ್ನು ಧಾರ್ಮಿಕ ಅರ್ಥಗಳಲ್ಲಿ ತೆಗೆದುಕೊಳ್ಳಬಾರದು. ಹಿಂದೂ ಧರ್ಮ ಮತ್ತು ಹಿಂದೂ ಸಂಸ್ಕೃತಿ ಆಹಾರ ಮತ್ತು ಪೂಜೆಯಲ್ಲ. ಅದು ಎಲ್ಲರನ್ನೂ ಒಳಗೊಳ್ಳುತ್ತದೆ. ಇದು ಇನ್ನೂ ಅನೇಕ ಜನರನ್ನು ಒಳಗೊಳ್ಳಬಹುದು. ದೇಶದಲ್ಲಿನ ಮುಸ್ಲಿಮರು ಮತ್ತು ಕ್ರಿಶ್ಚಿಯನ್ನರು ತಮ್ಮ ಪೂಜೆ, ಪದ್ಧತಿಗಳು ಮತ್ತು ಸಂಪ್ರದಾಯಗಳನ್ನು ತ್ಯಜಿಸದೆ, ಈ ದೇಶವನ್ನು ಪೂಜಿಸಿದರೆ, ಭಾರತೀಯ ಸಂಸ್ಕೃತಿಯನ್ನು ಅನುಸರಿಸಿದರೆ ಮತ್ತು ಭಾರತೀಯ ಪೂರ್ವಜರ ಬಗ್ಗೆ ಹೆಮ್ಮೆ ಪಡುತ್ತಿದ್ದರೆ, ಅವರು ಹಿಂದೂಗಳೇ ಎಂದು ತಿಳಿಸಿದ್ದಾರೆ.

RSS ಯಾರನ್ನೂ ವಿರೋಧಿಸಲು ಅಥವಾ ಹಾನಿ ಮಾಡಲು ಸ್ಥಾಪನೆಯಾಗಿಲ್ಲ. ಬದಲಾಗಿ ವ್ಯಕ್ತಿತ್ವ ನಿರ್ಮಾಣ ಮತ್ತು ಭಾರತದ ಜಾಗತಿಕ ನಾಯಕತ್ವಕ್ಕೆ ಕೊಡುಗೆ ನೀಡಲು ಸ್ಥಾಪನೆಯಾಗಿದೆ. ಈ ವೈವಿಧ್ಯತೆಗಳ ನಡುವೆ ಭಾರತವನ್ನು ಒಗ್ಗೂಡಿಸುವ ವ್ಯವಸ್ಥೆ RSS ಆಗಿದೆ ಎಂದು ಮೋಹನ್ ಭಾಗವತ್​ ಈ ಸಂದರ್ಭದಲ್ಲಿ ಹೇಳಿದ್ದಾರೆ​.

ಸ್ವಾತಂತ್ರ್ಯ ಹೋರಾಟದಲ್ಲಿ RSS ಸ್ವಯಂಸೇವಕರ ಮಹತ್ವದ ಪಾತ್ರದ ಬಗ್ಗೆ ಮಾತನಾಡಿದ ಭಾಗವತ್, ಡಾ. ಹೆಡ್ಗೇವಾರ್ ಅವರ ಅಸಹಕಾರ ಚಳುವಳಿ, ನಾಗರಿಕ ಅಸಹಕಾರ ಚಳುವಳಿಯಲ್ಲಿ ಸೆರೆವಾಸ ಮತ್ತು 1942 ರಲ್ಲಿ ಕ್ವಿಟ್ ಇಂಡಿಯಾ ಚಳವಳಿಯ ಸಮಯದಲ್ಲಿ ದೇಶಾದ್ಯಂತ ಅಸಂಖ್ಯಾತ ಸ್ವಯಂಸೇವಕರ ಕೊಡುಗೆಗಳನ್ನು ನೆನಪಿಸಿಕೊಂಡಿದ್ದಾರೆ,(ಏಜೆನ್ಸೀಸ್).