ಹಿಂದಿ ಹೇರಿಕೆ ಎಲ್ಲಾ ಮಿತಿ ಮೀರಿದೆ...ತಿರುಚಿರಾಪಳ್ಳಿ ರೈಲ್ವೆ ಕಚೇರಿಯ ಕರ್ತವ್ಯ ದ್ವಾರ ಹೆಸರಿಗೆ ಸಿಎಂ ಸ್ಟಾಲಿನ್ ಆಕ್ರೋಶ! | MK Stalin

ತಮ್ಮ ಎಕ್ಸ್​ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿರುವ ಸ್ಟಾಲಿನ್​, ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರವು ಒಂದು ಭಾಷೆ, ಮೂರು ಲಿಪಿಗಳು ಎಂಬ ಗುಪ್ತ ಕಾರ್ಯಸೂಚಿಯಡಿ ತಮಿಳುನಾಡಿನ ಮೇಲೆ ಹಿಂದಿಯನ್ನು ಬಲವಂತವಾಗಿ ಹೇರುತ್ತಿದೆ, ರೈಲ್ವೆ ಕಚೇರಿ ಮಾತ್ರವಲ್ಲದೆ, ನೌಕರರ ಭವಿಷ್ಯ ನಿಧಿ ಸಂಸ್ಥೆಯ (EPFO) ಕಚೇರಿಗಳನ್ನು ಭವಿಷ್ಯ ನಿಧಿ ಭವನ ಎಂದು ಮರುನಾಮಕರಣ ಮಾಡಿರುವುದು ತಮಿಳು ಅಸ್ಮಿತೆಯ ಮೇಲಿನ ದಾಳಿ ಎಂದಿದ್ದಾರೆ.

ಮುಂದುವರೆದು ಮಾತನಾಡಿದ ಸಿಎಂ ಸ್ಟಾಲಿನ್​, ಕೇಂದ್ರದ ವಿವಿಧ ಇಲಾಖೆಗಳಲ್ಲಿ ಸಂಸ್ಕೃತ ಮತ್ತು ಹಿಂದಿ ಹೆಸರುಗಳನ್ನು ಬಳಸುತ್ತಿರುವುದನ್ನು ಪಟ್ಟಿ ಮಾಡಿ ಜಲಸಂಪನ್ಮೂಲ ಸಚಿವಾಲಯವನ್ನು ಜಲಶಕ್ತಿ, ಹೊಸ ಕ್ರಿಮಿನಲ್ ಕಾನೂನುಗಳಿಗೆ ಸಂಸ್ಕೃತ ಶೀರ್ಷಿಕೆಗಳನ್ನು ನೀಡಿರುವುದು ಭಾಷಾ ವೈವಿಧ್ಯತೆಗೆ ಧಕ್ಕೆ ತರುವ ಕ್ರಮಗಳಾಗಿವೆ ಎಂದಿದ್ದಾರೆ.