ಡಿಎಂಕೆ ಬಜೆಟ್ ಅಂದ್ರೆ 'ಕಿವಿ ಚುಚ್ಚುವ ಸಮಾರಂಭ'! ಆಮಂತ್ರಣ ಪತ್ರಿಕೆ ಹಿಡಿದು ಎಐಎಡಿಎಂಕೆ ಶಾಸಕರಿಂದ ವಿನೂತನ ಪ್ರತಿಭಟನೆ | DMK Budget

ತಮಿಳು ಸಂಸ್ಕೃತಿಯಲ್ಲಿ 'ಕಿವಿ ಚುಚ್ಚುವುದು' ಅಥವಾ 'ಕಿವಿ ಮೇಲೆ ಹೂವು ಇಡುವುದು' ಎಂಬುದು ಜನರನ್ನು ಮರುಳು ಮಾಡುವುದು ಅಥವಾ ಮೋಸ ಮಾಡುವುದು ಎಂಬ ಅರ್ಥವನ್ನು ನೀಡುತ್ತದೆ. ಸ್ಟಾಲಿನ್ ನೇತೃತ್ವದ ಸರ್ಕಾರವು ಬಣ್ಣಬಣ್ಣದ ಭರವಸೆಗಳನ್ನು ನೀಡುವ ಮೂಲಕ ಜನಸಾಮಾನ್ಯರನ್ನು ದಾರಿ ತಪ್ಪಿಸುತ್ತಿದೆ ಎನ್ನುವುದು ಎಐಎಡಿಎಂಕೆ ನಾಯಕರ ವಾದ.

ಇದನ್ನೂ ಓದಿ:ರಾಹುಲ್ ಮೌನವೇ ನನ್ನ ನಿರ್ಗಮನಕ್ಕೆ ಕಾರಣ ಎಂದ ಬೋರಾ..ಇದು ಬಿಜೆಪಿ ಸೇರುವವರ ಖಾಯಂ ಸ್ಕ್ರಿಪ್ಟ್ ಅಂದ್ರು ಗೊಗೊಯ್! | Bhupen Borah

ಬಜೆಟ್‌ನಲ್ಲಿ ಘೋಷಿಸಲಾದ ಯೋಜನೆಗಳು ಕೇವಲ ಕಾಗದದ ಮೇಲಿವೆಯೇ ಹೊರತು, ಅವುಗಳ ಅನುಷ್ಠಾನಕ್ಕೆ ಅಗತ್ಯವಾದ ಹಣಕಾಸಿನ ಮೂಲಗಳ ಬಗ್ಗೆ ಸ್ಪಷ್ಟತೆ ಇಲ್ಲ ಎಂದು ಅವರು ಆರೋಪಿಸಿದ್ದಾರೆ.

ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ನೇತೃತ್ವದಲ್ಲಿ ವಿಧಾನಸಭೆಯ ಕಚೇರಿಯಲ್ಲಿ ಕಾರ್ಯಕ್ರಮ ನಡೆಯಲಿದೆ ಎಂದು ಆಮಂತ್ರಣ ಪತ್ರಿಕೆಗಳಲ್ಲಿ ಮುದ್ರಿಸಲಾಗಿದ್ದು, ಹಣಕಾಸು ಸಚಿವ ತಂಗಮ್ ತೆನ್ನರಸುರನ್ನು ಆಚರಣೆ ಮಾಡುವವರಾಗಿ ಚಿತ್ರಿಸಲಾಗಿದೆ. ಆಸ್ತಿ ತೆರಿಗೆ, ಮನೆ ತೆರಿಗೆ, ನೀರಿನ ಶುಲ್ಕ ಮತ್ತು ವಿದ್ಯುತ್ ಶುಲ್ಕಗಳಂತಹ ತೆರಿಗೆ ವಿಧಿಸಲಾದ ಕ್ಷೇತ್ರಗಳಿಗೆ ಸಂಬಂಧಿಸಿ ಮುಯ್ಯಿ (ಉಡುಗೊರೆ ಹಣ) ಕಳುಹಿಸಲು ಈ ಕಾರ್ಡ್‌ಗಳು ಸಾರ್ವಜನಿಕರನ್ನು ಅಣಕಿಸುವ ರೀತಿಯಲ್ಲಿ ಆಹ್ವಾನಿಸಿದ್ದು, ಸರ್ಕಾರವು ನಾಗರಿಕರ ಮೇಲೆ ಹೊರೆಯಾಗುತ್ತಿದೆ ಎಂಬ ಆರೋಪವನ್ನು ಮತ್ತಷ್ಟು ಬಲಪಡಿಸಿದೆ.

ಚೆನ್ನೈ ಮತ್ತು ಇತರ ಪ್ರಮುಖ ನಗರಗಳಲ್ಲಿ ಮೂಲಸೌಕರ್ಯ ಯೋಜನೆಗಳು ಕುಂಠಿತಗೊಂಡಿವೆ ಎಂದು ಎಐಎಡಿಎಂಕೆ ನಾಯಕರು ದೂರಿದ್ದಾರೆ. ಸ್ಮಾರ್ಟ್ ಸಿಟಿ ಯೋಜನೆಗಳು ಮತ್ತು ರಸ್ತೆ ಕಾಮಗಾರಿಗಳಿಗಿಂತ ಹೆಚ್ಚಾಗಿ, ಕೇವಲ ಪ್ರಚಾರಕ್ಕಾಗಿ ಹೊಸ ಯೋಜನೆಗಳನ್ನು ಘೋಷಿಸಲಾಗುತ್ತಿದೆ. ಬಜೆಟ್‌ನಲ್ಲಿ ಘೋಷಿಸಲಾದ ಮೆಟ್ರೋ ರೈಲು ಯೋಜನೆ ಅಥವಾ ಕೈಗಾರಿಕಾ ಕಾರಿಡಾರ್‌ಗಳಿಗೆ ಸರಿಯಾದ ಅನುದಾನ ಹಂಚಿಕೆಯಾಗಿಲ್ಲ ಎಂಬುದು ಅವರ ವಾದ.ಎಂದು ಆರೋಪಿಸಿತು.

ಎಐಡಿಎಂಕೆ ಆರೋಪಕ್ಕೆ ಬಿಜೆಪಿ ಧನಿಗೂಡಿಸಿದ್ದು, ಬಜೆಟ್​​ನ್ನು ಡಿಎಂಕೆಯ ಕೊನೆಯ ಮೋಸದ ಸ್ವಯಂ ಪ್ರಚಾರದ ವ್ಯಾಯಾಮ ಎಂದು ನಾರಾಯಣನ್ ತಿರುಪತಿ ಕರೆದರು. ಬಜೆಟ್ ಆಡಳಿತ ವೈಫಲ್ಯಗಳನ್ನು ಮರೆಮಾಚುವಾಗ ಕೇಂದ್ರದ ಟೀಕೆಗಳ ಮೇಲೆ ಕೇಂದ್ರೀಕರಿಸುತ್ತಿದೆ ಎಂದು ಆರೋಪಿಸಿದರು.

ತಮಿಳುನಾಡು ಸರ್ಕಾರ 2026-27ನೇ ಸಾಲಿಗೆ 2.55 ಲಕ್ಷ ಕೋಟಿ ರೂ.ಗಳ ಮಧ್ಯಂತರ ಬಜೆಟ್ ಅನ್ನು ಮಂಡಿಸುತ್ತಿದ್ದಂತೆ ವಿವಾದ ಭುಗಿಲೆದ್ದಿದ್ದು, ಇದರಲ್ಲಿ ಶಿಕ್ಷಣಕ್ಕೆ 57,039 ಕೋಟಿ ರೂ.ಗಳು, ನಗರಾಭಿವೃದ್ಧಿಗೆ 35,773 ಕೋಟಿ ರೂ.ಗಳು ಮತ್ತು ಆರೋಗ್ಯಕ್ಕೆ 22,090 ಕೋಟಿ ರೂ.ಗಳನ್ನು ಮೀಸಲಿಡಲಾಗಿದ್ದು, ಸಾರಿಗೆಗೆ 13,062 ಕೋಟಿ ರೂ.ಗಳನ್ನು ಮೀಸಲಿಡಲಾಗಿದೆ.

ಮಹಿಳೆಯರಿಗೆ ಉಚಿತ ಬಸ್ ಪ್ರಯಾಣ ಯೋಜನೆಗೆ ಸುಮಾರು 4,000 ಕೋಟಿ ರೂ.ಗಳು ಮತ್ತು 35 ಲಕ್ಷಕ್ಕೂ ಹೆಚ್ಚು ಜನರಿಗೆ ಪ್ರಯೋಜನವನ್ನು ನೀಡುವ ಸಾಮಾಜಿಕ ಭದ್ರತಾ ಕಾರ್ಯಕ್ರಮಗಳಿಗೆ 5,463 ಕೋಟಿ ರೂ.ಗಳನ್ನು ಮೀಸಲಿಡಲಾಗಿದೆ(ಏಜೆನ್ಸೀಸ್​).