30 ಸಾವಿರ ಕೊಡಿ, ಪೇಪರ್ ತಗೊಳ್ಳಿ: ಮತ್ತೆ ಲೀಕ್ ಆಯ್ತಾ ನೀಟ್ ಪ್ರಶ್ನೆ ಪತ್ರಿಕೆ? ತನಿಖೆ ಚುರುಕುಗೊಳಿಸಿದ ರಾಜಸ್ಥಾನ್​ ಪೊಲೀಸ್! NEET Paper Leak

ಅಜ್ಮೀರ್​: ಮೇ. 3 ರಂದು ನಡೆದ ನೀಟ್​ ಯುಜಿ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಸೋರಿಕೆಯಾದ ಹಿನ್ನಲೆ ಇಂದು (ಜೂನ್​. 21) ದೇಶದಾದ್ಯಂತ ನೀಟ್​ ಮರು ಪರೀಕ್ಷೆಯನ್ನು ನಡೆಸಲಾಗುತ್ತಿದೆ.

ಆದರೆ ಈ ಮರು ಪರೀಕ್ಷೆಯಲ್ಲಿ ಸಹ ಪ್ರಶ್ನೆ ಪತ್ರಿಕೆ ಸೋರಿಕೆ (NEET Paper Leak) ಯ ಅನುಮಾನ ವ್ಯಕ್ತವಾಗುತ್ತಿದ್ದು, ರಾಜಸ್ಥಾನದ ಅಜ್ಮೀರದ ವಿದ್ಯಾರ್ಥಿಯೊರ್ವರಿಗೆ 30 ಸಾವಿರಕ್ಕೆ ನೀಟ್​ ಪೇಪರ್​ ನೀಡುವುದಾಗಿ ಪೋನ್​ ಕರೆ ಮೂಲಕ ಹೇಳಿರುವ ಘಟನೆ ವರದಿಯಾಗಿದೆ.

ಅಜ್ಮೀರದ ಡಿಎವಿ ಕಾಲೇಜಿನ ವಿದ್ಯಾರ್ಥಿ ಪ್ರತಿನಿಧಿ ಕೃಷ್ಣಾ ಸಿಂಗ್​ ಠಾಕೂರ್​ ಈ ಕುರಿತು ಪೊಲೀಸರಲ್ಲಿ ದೂರನ್ನು ನೀಡಿದ್ದಾರೆ. ಶನಿವಾರ (ಜೂ.20) ದ ರಾತ್ರಿ ಹಲವು ವಿದ್ಯಾರ್ಥಿಗಳಿಗೆ ನೀಟ್​ ಪೇಪರ್​ನ್ನು ನೀಡುತ್ತೆವೆ 30 ಸಾವಿರ ಕೊಟ್ಟು ಪ್ರಶ್ನೆ ಪತ್ರಿಕೆ ನಿಮ್ಮದಾಗಿಸಿಕೊಳ್ಳಿ ಎಂದು ಹೇಳಲಾಗಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರನ್ನು ದಾಖಲಿಸಿಕೊಂಡಿರುವ ಪೊಲೀಸ್​ ವರಿಷ್ಟಾಧಿಕಾರಿ ಹಿಮಾಂಶು ಜಂಗೀದ್, ನಾವು ಈ ದೂರನ್ನು ಬಹಳ ಗಂಭೀರವಾಗಿ ಪರಿಗಣಿಸಿದ್ದೆವೆ.

ಕರೆ ಬಂದ ಮೊಬೈಲ್​ ಸಂಖ್ಯೆ, ಕ್ಯೂಆರ್​ (QR) ಕೋಡ್​, ಹಾಗೂ ಬ್ಯಾಂಕ್​ ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಕಲೆಹಾಕುತ್ತಿದ್ದೆವೆ. ನಂತರ ಈ ಪೇಪರ್​ ಸೋರಿಕೆ ಸಂಗತಿ ಎಷ್ಟು ಸತ್ಯ? ಎಷ್ಟು ಮಿತ್ಯ? ಎಂದು ತಿಳಿಯಲಿದೆ ಎಂದಿದ್ದಾರೆ. ಹಾಗೆಯೇ ಪರೀಕ್ಷೆ ಸಮಯದಲ್ಲಿ ಪ್ರಶ್ನೆ ಪತ್ರಿಕೆ ನೀಡುವುದಾಗಿ ನಕಲಿ ಕರೆಗಳು ಬರುತ್ತವೆ. ಆದರೆ ಈ ಜಾಲಕ್ಕೆ ವಿದ್ಯಾರ್ಥಿಗಳು ಸಿಲುಕಬಾರದು, ಅಪರಿಚಿತರನ್ನು ನಂಬಬೇಡಿ ಎಂದು ಎಸ್ಪಿ ಮನವಿ ಮಾಡಿದ್ದಾರೆ, (ಏಜನ್ಸೀಸ್​).