Filmfare Awards South 2026; ಬಘೀರನಿಗೆ ಶ್ರೇಷ್ಠ ನಟ ಪ್ರಶಸ್ತಿ – ಅಲ್ಲು ಅರ್ಜುನ್, ಸಾಯಿ ಪಲ್ಲವಿ ಮಿಂಚಿಂಗ್

ಕನ್ನಡದ ಸಿನಿರಸಿಕರಿಗೆ ಸಂಭ್ರಮದ ಸುದ್ದಿ ಎಂದರೆ, ಬಘೀರ ಚಿತ್ರದ ಅದ್ಭುತ ನಟನೆಗಾಗಿ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅವರು ಶ್ರೇಷ್ಠ ನಟ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ. ಆಕ್ಷನ್ ಮತ್ತು ಎಮೋಷನಲ್ ಸೀನ್‌ಗಳಲ್ಲಿ ಶ್ರೀಮುರಳಿ ನೀಡಿದ ಪರ್ಫಾರ್ಮೆನ್ಸ್‌ಗೆ ಫಿಲ್ಮ್‌ಫೇರ್ ಕಪ್ಪು ಸುಂದರಿ ಒಲಿದಿದ್ದಾಳೆ.

ತೆಲುಗು ವಿಭಾಗದಲ್ಲಿ ನಿರೀಕ್ಷೆಯಂತೆಯೇ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಅವರು 'ಪುಷ್ಪ 2: ದಿ ರೂಲ್' ಚಿತ್ರದ ಅಪ್ರತಿಮ ನಟನೆಗಾಗಿ 'ಶ್ರೇಷ್ಠ ನಟ ಪ್ರಶಸ್ತಿ ಗೆದ್ದಿದ್ದಾರೆ.

ಇನ್ನು, 35 ಚಿನ್ನ ಕಥಾ ಕಾದು ಚಿತ್ರದಲ್ಲಿನ ನೈಸರ್ಗಿಕ ನಟನೆಗಾಗಿ ನಿವೇತಾ ಥಾಮಸ್ ಶ್ರೇಷ್ಠ ನಟಿ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ತಮಿಳು ಚಿತ್ರರಂಗದಲ್ಲಿ ಈ ಬಾರಿ ಅಮರನ್ ಸಿನಿಮಾದ್ದೇ ಅಬ್ಬರ. ಮೇಜರ್ ಮುಕುಂದ್ ವರದರಾಜನ್ ಅವರ ಜೀವನಾಧಾರಿತ ಈ ಚಿತ್ರದ ನಟನೆಗಾಗಿ ಶಿವಕಾರ್ತಿಕೇಯನ್ ಶ್ರೇಷ್ಠ ನಟ ಪ್ರಶಸ್ತಿ ಪಡೆದರೆ, ಪತ್ನಿ ಇಂದು ವರ್ಗೀಸ್ ಪಾತ್ರದಲ್ಲಿ ಜೀವ ತುಂಬಿದ ಬಹುಭಾಷಾ ನಟಿ ಸಾಯಿ ಪಲ್ಲವಿ ಶ್ರೇಷ್ಠ ನಟಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.

ಈ ಪ್ರಶಸ್ತಿ ಪ್ರದಾನ ಸಮಾರಂಭವು ಕೇವಲ ನಟ-ನಟಿಯರಿಗೆ ಮಾತ್ರವಲ್ಲದೆ, ತಾಂತ್ರಿಕ ವರ್ಗದವರಿಗೂ ಸೂಕ್ತ ಮನ್ನಣೆ ನೀಡಿದೆ. ದಕ್ಷಿಣ ಭಾರತದ ಸಿನಿಮಾಗಳು ಇಂದು ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡುತ್ತಿರುವುದಕ್ಕೆ ಈ ಪ್ರಶಸ್ತಿಗಳು ಸಾಕ್ಷಿಯಾಗಿವೆ. ರೆಡ್ ಕಾರ್ಪೆಟ್ ಮೇಲೆ ಮಿಂಚಿದ ತಾರೆಯರ ಗ್ಲಾಮರ್ ಮತ್ತು ಪ್ರಶಸ್ತಿ ಗೆದ್ದವರ ಭಾವುಕ ನುಡಿಗಳು ಸಂಜೆಯ ಕಳೆಯನ್ನು ಹೆಚ್ಚಿಸಿದ್ದವು.

ಕನ್ನಡ ಶ್ರೇಷ್ಠ ನಟ: ಶ್ರೀಮುರಳಿ (ಬಘೀರ)

ತೆಲುಗು ಶ್ರೇಷ್ಠ ನಟ: ಅಲ್ಲು ಅರ್ಜುನ್ (ಪುಷ್ಪ 2)

ತೆಲುಗು ಶ್ರೇಷ್ಠ ನಟಿ: ನಿವೇತಾ ಥಾಮಸ್ (35 ಚಿನ್ನ ಕಥಾ ಕಾದು)

ತಮಿಳು ಶ್ರೇಷ್ಠ ನಟ: ಶಿವಕಾರ್ತಿಕೇಯನ್ (ಅಮರನ್)

ತಮಿಳು ಶ್ರೇಷ್ಠ ನಟಿ: ಸಾಯಿ ಪಲ್ಲವಿ -ಅಮರನ್(ಏಜೆನ್ಸೀಸ್).