ರೈಲ್ವೆ ನಿಲ್ದಾಣದಲ್ಲಿ ನಕಲಿ TTE ದರ್ಬಾರ್‌: ಅರ್ಧ ಗಂಟೆಯಲ್ಲಿ ವಸೂಲಿ ಮಾಡಿದ ದಂಡ ಎಷ್ಟು ಗೊತ್ತಾ? ವಿಡಿಯೋ ವೈರಲ್​!Fake TTE Viral Video

ಪಾಟ್ನಾ: ಭಾರತೀಯ ರೈಲ್ವೆ ವ್ಯವಸ್ಥೆಯ ಬೆನ್ನೆಲುಬು ಯಾರೆಂದು ಕೇಳಿದರೆ ಅದು ಅಲ್ಲಿ ಕೆಲಸ ಮಾಡುವ ಸಿಬ್ಬಂದಿ ಅದರಲ್ಲಿಯೂ ಪ್ರಯಾಣ ಟಿಕೆಟ್ ಪರೀಕ್ಷಕ ಅಥವಾ ಟಿಟಿಇ ಎಂದರೆ ತಪ್ಪಾಗದು. ರೈಲ್ವೆ ಪ್ರಯಾಣ ಮಾಡುವ ಪ್ರತಿ ಪ್ರಯಾಣಿಕ ಟಿಕೆಟ್​ ಪಡೆದಿದ್ದಾನೆಯೇ? ಇಲ್ಲವೇ? ಎಂದು ಪರಿಶೀಲಿಸುವುದು ಇವರ ಬಹುಮುಖ್ಯ ಕರ್ತವ್ಯವಾಗಿರುತ್ತದೆ.

ಒಂದು ವೇಳೆ ಟಿಕೆಟ್​ ಪಡೆಯದೆ ರೈಲನ್ನು ಏರಿದ ಪ್ರಯಾಣಿಕರಿಗೆ ದಂಡ ವಿಧಿಸುವ ಅಧಿಕಾರ ಕೂಡ ಇವರಿಗೆ ಇರುತ್ತದೆ. ಆದರೆ ಇತ್ತೀಚೆಗೆ ಪಾಟ್ನಾ ರೈಲ್ವೆ ನಿಲ್ದಾಣದಲ್ಲಿ ಯುವಕನೊಬ್ಬ ನಕಲಿ ಟಿಟಿಇ (Fake TTE Viral Video) ವೇಷ ಧರಿಸಿ ದಂಡ ವಿಧಿಸಿರುವ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವಿವಾದಕ್ಕೆ ದಾರಿ ಮಾಡಿ ಕೊಟ್ಟಿದೆ.

ಈ ವಿಡಿಯೋವನ್ನು ಶಿವಂ ಗುಪ್ತಾ ಎಂಬ ಇನ್ಪ್ಫೂಯೇನ್ಸರ್​​ ಸೆರೆಹಿಡಿದಿದ್ದು, ಈ ಶಿವಂ ಟಿಟಿಇ ರೀತಿಯಲ್ಲಿ ಬಿಳಿ ಬಣ್ಣದ ಶರ್ಟ್​ ಕಪ್ಪು ಕೋಟ್​ ಧರಿಸಿ, ನಕಲಿ ಐಡಿಕಾರ್ಡ್​ನ್ನು ಕುತ್ತಿಗೆಗೆ ಸಿಕ್ಕಿಸಿಕೊಂಡು ಪಾಟ್ನಾ ರೈಲ್ವೆ ನಿಲ್ದಾಣದಲ್ಲಿ ನಿಂತಿರುವ ಪ್ರಯಾಣಿಕರ ಟಿಕೆಟ್​ ಪರಿಶೀಲನೆಗೆ ಮುಂದಾಗಿದ್ದಾನೆ.

ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್​ ಬಾಕ್ಸ್​ ತುಂಬಿಸುವ ಕೆಲಸಕ್ಕೆ ಇಳಿದ್ದಿದ್ದಾರೆ. ನಮ್ಮ ಜನಕ್ಕೆ ರೈಲ್ವೆ ನಿಲ್ದಾಣದಲ್ಲಿ ಕಪ್ಪು ಕೋಟ್​ ಹಾಕಿಕೊಂಡು ಯಾರೆ ಬಂದರು ಅವರು ಟಿಟಿಇ ರೀತಿಯಲ್ಲೇ ಕಾಣಿಸುತ್ತಾರೆ ಎಂದು ಒಬ್ಬ ಬಳಕೆದಾರರು ವಿಷಾಧ ವ್ಯಕ್ತಪಡಿಸಿದ್ದಾರೆ.

ಭಾರತದಲ್ಲಿ ಜನರನ್ನು ಮೋಸ ಮಾಡುವುದು ಎಷ್ಟು ಸುಲಭದ ಕೆಲಸ ಎಂದು ಈ ವಿಡಿಯೋನೇ ಸಾಕ್ಷಿ ಎಂದು ಇನ್ನೊಬ್ಬರು ಹೇಳಿದ್ದಾರೆ. ಅವನು ಜನರಿಂದ ದುಡ್ಡನ್ನು ಪಡೆಯುತ್ತಿದ್ದರೂ ಒಬ್ಬನೇ ಒಬ್ಬ ಇತರ ಟಿಟಿಇ ಆಗಲಿ, ರೈಲ್ವೆ ಪೊಲೀಸ್​ ಆಗಲಿ ಆಗಮಿಸಲಿಲ್ಲ. ಇದು ನಮ್ಮ ವ್ಯವಸ್ಥೆ ಎಷ್ಟು ಕೆಟ್ಟು ಹೋಗಿದೆ ಎನ್ನುವುದಕ್ಕೆ ನಿದರ್ಶನವಾಗಿದೆ ಎಂದು ಮತ್ತೊಬ್ಬರು ಬರೆದುಕೊಂಡಿದ್ದಾರೆ, (ಏಜನ್ಸೀಸ್​).