5 ಲಕ್ಷ ಪಡೆಯಲು ಅಪಹರಣದ ನಾಟಕ: ತನ್ನನ್ನು ತಾನೇ ಕಿಡ್ನಾಪ್​ ಮಾಡಿಕೊಂಡ ಯುವಕ; ಪೊಲೀಸರ ಕೈಗೆ ತಗಲಾಕೊಂಡ ರೋಚಕ ಕಥೆ! Fake Kidnap

ಪುಣೆ: ಹಣಕ್ಕಾಗಿ ತನ್ನನ್ನು ಅಪಹರಣ ಮಾಡಿದ್ದು, 5 ಲಕ್ಷ ನೀಡಿದರೆ ಬಿಡುವುದಾಗಿ ಮನೆಯವರಿಗೆ ಸುಳ್ಳು (Fake Kidnap) ಹೇಳಿ ಸಿಕ್ಕಿ ಬಿದ್ದಿರುವ ಘಟನೆ ಮಹಾರಾಷ್ಟ್ರದ ಪುಣೆಯಲ್ಲಿ ವರದಿಯಾಗಿದೆ.

ಉತ್ತರ ಪ್ರದೇಶದ, ಬಂಡಾ ಜಿಲ್ಲೆಯ ನಿವಾಸಿ 19 ವರ್ಷದ ಓಂ ಪ್ರಕಾಶ ಗೌರಿಶಂಕರ್​ ಎಂಬ ಯುವಕ ತನ್ನ ಮನೆಯವರಿಗೆ ತಾನು ಕಿಡ್ನಾಪ್​ ಆಗಿದ್ದೇನೆಂದು ವಿಡಿಯೋ ಕಾಲ್​ ಮಾಡಿ, ಅಪಹರಣ ಮಾಡಿದವರು 5 ಲಕ್ಷಕ್ಕೆ ಬೇಡಿಕೆ ಇಟ್ಟಿದ್ದಾಗಿ ಸುಳ್ಳು ಹೇಳಿ ಸಿಕ್ಕಿಬಿದ್ದಿದ್ದಾನೆ.

ಈ ಓಂ ಪ್ರಕಾಶ್​ ಗೌರಿಶಂಕರ್​​, ಪುಣೆಯಲ್ಲಿ ತನ್ನನ್ನು ಯಾರೋ ಕಿಡ್ನಾಪ್​ ಮಾಡಿದ್ದಾರೆ, ನನಗೆ ಅವರು ಬಹಳ ಹೊಡೆಯುತ್ತಿದ್ದಾರೆಂದು ಮನೆಯರಿಗೆ ವಿಡಿಯೋ ಕಾಲ್​ ಮಾಡಿದ್ದಾನೆ. ಇವರಿಗೆ 5 ಲಕ್ಷ ಕೊಟ್ಟರೆ ನನ್ನನ್ನು ಜೀವಸಹಿತ ಬಿಡುವುದಾಗಿ, ಇಲ್ಲದಿದ್ದರೆ ಸಾಯಿಸುವುದಾಗಿ ಹೇಳಿದ್ದಾರೆಂದು ಓಂ ಪ್ರಕಾಶ್​, ತನ್ನ ಅಣ್ಣನಲ್ಲಿ ವಿಡಿಯೋ ಕಾಲ್​ನಲ್ಲಿ ಅತ್ತಿದ್ದಾನೆ.

ಕೂಡಲೇ, ಲಾಡ್ಜ್​ ಮೇಲೆ ದಾಳಿ ನಡೆಸಿದಾಗ, ಈ ಓಂ ಪ್ರಕಾಶ್​ ಆಡಿರುವ ನಾಟಕ ಬಯಲಾಗಿದೆ. ಈ ಕಿಡ್ನಾಪ್​ ನಾಟಕಕ್ಕೆ ಕಾರಣವೇನೆಂದು ವಿಚಾರಣೆ ನಡೆಸಿದಾಗ, ತಾನು ಆರ್ಥಿಕ ಸಂಕಷ್ಟದಲ್ಲಿದ್ದೆ, ಮನೆಯಲ್ಲಿ ನೇರವಾಗಿ ಹಣ ಕೇಳಿದರೆ ಕೊಡುವುದಿಲ್ಲ ಎಂಬ ಕಾರಣಕ್ಕೆ ಈ ಕಿಡ್ನಾಪ್​ ನಾಟಕವಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ, (ಏಜನ್ಸೀಸ್​).