ದೇಶ

ಕಂಗನಾ 'ಗಟರ್​​ ಜನರೇಷನ್​' ವಿವಾದ: ದೇಶದ ಯುವ ಪೀಳಿಗೆಗೆ ಅವಮಾನ ಸಲ್ಲದು; ಸಂಸದೆ ವಿರುದ್ಧ ಬಾಬಾ ರಾಮ್​ದೇವ್​ ಗರಂ! Baba Ramdev on Kangana Ranaut

ಸಂಸದೆ ಹೇಳಿಕೆಗೆ ಯೋಗಗುರು ಬಾಬಾ ರಾಮ್​ದೇವ್ ಗರಂ
ಸಂಸದೆ ಹೇಳಿಕೆಗೆ ಯೋಗಗುರು ಬಾಬಾ ರಾಮ್​ದೇವ್ ಗರಂ
ವಿನಾಯಕ ನಾಯಕ
Published on: 

ಪ್ರಮುಖ ಮುಖ್ಯಾಂಶಗಳು

  • ದೇಶದ ಯುವ ಪೀಳಿಗೆ ಗಟರ್​ ಜನರೇಷನ್​ ಎಂದಿದ್ದ ಕಂಗನಾ ರಣಾವತ್​
  • ಸಂಸದೆ ಹೇಳಿಕೆಗೆ ಯೋಗಗುರು ಬಾಬಾ ರಾಮ್​ದೇವ್ ಗರಂ
  • ದೇಶದ ಭವಿಷ್ಯಕ್ಕೆ ಹೀಗೆ ಅವಮಾನ ಮಾಡುವುದು ಸರಿಯಲ್ಲ: ಬಾಬಾ ರಾಮ್​ದೇವ್​
ಮುಂಬೈ: ಕೆಲ ದಿನಗಳ ಹಿಂದೆ ನೀಟ್​ ಪರೀಕ್ಷೆಯಲ್ಲಿ ನಡೆದಿದ್ದ ಅಕ್ರಮವನ್ನು ವಿರೋಧಿಸಿ, ನಡೆದಿದ್ದ ಹೋರಾಟದಲ್ಲಿ ಭಾಗವಹಿಸಿದ್ದ, ಪ್ರತಿಭಟನಾಕಾರರನ್ನು ಬಾಲಿವುಡ್​ ನಟಿ ಹಾಗೂ ಬಿಜೆಪಿ ಸಂಸದೆ ಕಂಗನಾ ರಣಾವತ್​​ ಈ ಪೀಳಿಗೆ ಗಟರ್​ ಪೀಳಿಗೆ ಎಂದು ನೀಡಿದ್ದ ಹೇಳಿಕೆ ಸಾಕಷ್ಟು ವಿವಾದಕ್ಕೆ ಕಾರಣವಾಗಿತ್ತು.
ಈಗ, ಕಂಗನಾಳ ಈ ಹೇಳಿಕೆಗೆ ಯೋಗಗುರು ಬಾಬಾ ರಾಮ್​ದೇವ್ (Baba Ramdev on Kangana Ranaut) ಪ್ರತಿಕ್ರಿಯೆ ನೀಡಿದ್ದು, ದೇಶದ ಯುವ ಪೀಳಿಗೆಯನ್ನು ಹೀಗೆ ಗಟರ್​ಗೆ ಹೋಲಿಸುವುದನ್ನು ಒಪ್ಪಿಕೊಳ್ಳಲು ಸಾಧ್ಯವಿಲ್ಲ. ಭಾರತೀಯ ಜನತಾ ಪಕ್ಷ ಆಕೆಯ ವಿರುದ್ಧ ಕೂಡಲೇ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.

ಅವಳು ಯಾರು? ಆಕೆಯ ಹಿನ್ನಲೆ ಏನು?

ಖಾಸಗಿ ಮಾಧ್ಯಮವೊಂದರ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಬಾಬಾ ರಾಮ್​ದೇವ್​ ಅವರಿಗೆ ಕಂಗನಾ ರಣಾವತ್​ ಯುವ ಪೀಳಿಗೆಯನ್ನು ಗಟರ್​ ಜನರೇಷನ್​ ಎಂದಿದ್ದಾರೆ. ಇದರ ಬಗ್ಗೆ ನಿಮ್ಮ ಅಭಿಪ್ರಾಯವೇನೆಂದು ಕೇಳಲಾಗಿದೆ.
ಇದಕ್ಕೆ ಉತ್ತರ ನೀಡಿದ ಬಾಬಾ, ಆಕೆ ಯಾರೆಂದು ಕೇಳಿದ್ದಾರೆ? ಅವಳು ಬಾಲಿವುಡ್ ನಟಿ ಹಾಗೂ ಬಿಜೆಪಿ ಸಂಸದೆ ಎಂದು ಉತ್ತರ ಪಡೆದ ರಾಮ್​ದೇವ್​, ಆಕೆ ಯಾವ ನಟಿ ಆಗಲೀ, ಸಂಸದೆ ಆಗಲೀ ಯುವ ಸಮುದಾಯವನ್ನು ಹೀಗೆ ಗಟರ್​ ಪೀಳಿಗೆ ಎನ್ನುವುದು ಸರಿಯಲ್ಲ. ಬಿಜೆಪಿ ಇಕೆಯ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಿ ಎಂದು ನಾನು ಮನವಿ ಮಾಡುತ್ತೇನೆ.

ಆಕೆ ಯಾರು? ಅವಳ ಬಾಲ್ಯ ಹಾಗೂ ಯೌವನದ ದಿನಗಳು ಹೇಗಿದ್ದವು? ಅವಳು ಇಲ್ಲಿವರೆಗೆ ಏನೇನು ಮಾಡಿದ್ದಾಳೆ? ಇದರ ಬಗ್ಗೆ ನಾನು ಮಾತನಾಡುವುದಿಲ್ಲ. ಆದರೆ ಹೀಗೆ ಈಡೀ ಪೀಳಿಗೆಯನ್ನೇ ಗಟರ್​ಗೆ ಹೋಲಿಸುವುದು ತಪ್ಪು, ಇದು ಆಕೆಯ ಹಾಳಾಗಿರುವ ಮಾನಸಿಕತೆಯನ್ನು ತೋರಿಸುತ್ತದೆ ಎಂದು ರಾಮ್​ದೇವ್​ ಅಕ್ರೋಶ ವ್ಯಕ್ತ ಪಡಿಸಿದ್ದಾರೆ.


ಆಕೆ ನನ್ನನ್ನು ಮೆಚ್ಚಿದರೆ, ನಾನು ಹೊಗಳಬೇಕೆ?

ನಂತರ ಸಂದರ್ಶಕರು ಬಾಬಾ, ಅವಳು ನಿಮ್ಮನ್ನು, ನಿಮ್ಮ ಯೋಗವನ್ನು ಹಿಂಬಾಲಿಸುತ್ತಾಳೆ, ಹಾಗೂ ತಮ್ಮನ್ನು ಸನಾತನಿ ಎಂದು ಗುರುತಿಸಿಕೊಳ್ಳುತ್ತಾಳೆ ಎಂದಿದ್ದಾರೆ.

ಇದಕ್ಕೆ ಉತ್ತರಿಸಿದ ರಾಮ್​ದೇವ್​, ಆಕೆ ನನ್ನನ್ನು, ನನ್ನ ಯೋಗವನ್ನು ಮೆಚ್ಚಿದರೆ, ನಾನು ಅವಳು ಹೇಳುವ ಎಲ್ಲಾ ಮಾತನ್ನು ಒಪ್ಪಲು ಸಾಧ್ಯವಿಲ್ಲ. ಹಾಗೆಯೇ ಅವಳು ಮಾಡುವ ಪಾಪವನ್ನು ಮರೆಮಾಚಲು ನನ್ನಿಂದ ಸಾಧ್ಯವಿಲ್ಲ ಎಂದಿದ್ದಾರೆ.

ಹಾಗೆಯೇ, ಇವತ್ತಿನ ಯುವ ಪೀಳಿಗೆಯನ್ನು ಜಾತಿಯ ಆಧಾರದಲ್ಲಿ ಪರಿಗಣಿಸಲು ಸಾಧ್ಯವಿಲ್ಲ. ಈಗಿರುವ ಎಲ್ಲಾ ಯುವಕರು ಬ್ರಾಹ್ಮಣ, ಕ್ಷತ್ರೀತ, ವೈಶ್ಯ, ಶೂದ್ರ, ಆದಿವಾಸಿ, ವನವಾಸಿ, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡಗಳ ಸಮ್ಮಿಶ್ರಣವಾಗಿದ್ದಾರೆ. ಇವರು ದೇಶದ ಮುಂದಿನ ಭವಿಷ್ಯವಾಗಿದ್ದಾರೆ, ಅವರನ್ನು ಹೀಗೆ ಗಟರ್​​ ಪೀಳಿಗೆ ಎಂದು ಹೀಯಾಳಿಸುವುದನ್ನು ನಾನಂತೂ ಒಪ್ಪಲು ಸಾಧ್ಯವಿಲ್ಲ ಎಂದು ಬಾಬಾ ರಾಮ್​ದೇವ್​ ಕಡ್ಡಿ ಮುರಿದಂತೆ ಹೇಳಿದ್ದಾರೆ,

(ಏಜನ್ಸೀಸ್​). ​
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net