ಮದರಾಸಾ ಹೆಸರಲ್ಲಿ ದೇಣಿಗೆ, ಪಾಕಿಸ್ತಾನಕ್ಕೆ ರವಾನೆ: 'ಜೈಶ್'​ ಸಂಪರ್ಕದಲ್ಲಿದ್ದ ಮೊಹಮ್ಮದ್​ ಜಾಫರ್​ ಬಂಧನ! Mohammad Jafar

ಉತ್ತರ ಪ್ರದೇಶ: ಮದರಾಸಾಗಳಿಗೆ ದೇಣಿಗೆ ಸಂಗ್ರಹಿಸುವ ನೆಪದಲ್ಲಿ ಜನರಿಂದ ಹಣವನ್ನು ಪಡೆದು ಅದನ್ನು ಪಾಕಿಸ್ತಾನದ ಭಯೋತ್ಪಾದನಾ ಸಂಘಟನೆಯಾದ ಜೈಶ್​-ಎ-ಮೊಹಮ್ಮದ್​ಗೆ ನೀಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ಉತ್ತರ ಪ್ರದೇಶದ ಭಯೋತ್ಪಾದನಾ ನಿಗ್ರಹ ದಳ ಬಂದಿಸಿದೆ ಎಂದು ವರದಿಯಾಗಿದೆ.

ಬಂಧಿತ ಆರೋಪಿ ಬಿಹಾರದ ಪೂರ್ನಿಯಾ ನಿವಾಸಿ ಮೊಹಮ್ಮದ್ ಜಾಫರ್ (Mohammad Jafar), ಎಂದು ಗುರುತಿಸಲಾಗಿದ್ದು, ಇವನನ್ನು ಆಗಸ್ಟ್​ 16 ರಂದು ವಶಕ್ಕೆ ಪಡೆಯಲಾಗಿದೆ ಎಂದು ತಿಳಿದು ಬಂದಿದೆ.

ಬಂಧಿತ ಆರೋಪಿ ಮೊಹಮ್ಮದ್ ಜಾಫರ್, ತಾನು ಸಂಗ್ರಹಿಸುವ ಹಣವನ್ನು ಮದರಾಸಾಗಳಿಗೆ ದೇಣಿಗೆ ನೀಡುವುದಾಗಿ ಹೇಳಿಕೊಂಡು ಜನರಿಂದ ಹಣವನ್ನು ಪಡೆಯುತ್ತಿದ್ದ ಎಂದು ತಿಳಿದು ಬಂದಿದೆ.

ನಂತರ ಸಂಗ್ರಹಿಸಿದ ಹಣವನ್ನು ಪಾಕಿಸ್ತಾನದ ಜೈಶ್​-ಎ-ಮೊಹಮ್ಮದ್​ಗೆ ವರ್ಗಾಯಿಸಲು ಮುಂದಾದಾಗ ಸಿಕ್ಕಿಬಿದ್ದಿದ್ದಾಗಿ ಪೊಲೀಸ್ ಮೂಲಗಳು ತಿಳಿಸಿವೆ. ಈ ಜಾಫರ್​​, ಸೋಷಿಯಲ್​ ಮೀಡಿಯಾ ಮೂಲಕ ಜೈಶ್​-ಎ-ಮೊಹಮ್ಮದ್​ ಸ್ಥಾಪಕ ಮಸೂದ್​ ಅಜರ್​ ಪ್ರಭಾವಕ್ಕೆ ಒಳಗಾಗಿದ್ದು, ಇವನ ಮೊಬೈಲ್​ನಲ್ಲಿ ನೂರಾರು ಭಯೋತ್ಪಾದಕ ಗ್ರೂಪ್​ಗಳಿರುವುದು ಪತ್ತೆಯಾಗಿದೆ.

ಇದನ್ನೂ ಓದಿ: ರೈಲಿನಲ್ಲಿ ನಟಿ ರಂಪಾಟ: ಸೀಟ್​ ಬಿಟ್ಟುಕೊಡಲು ಹೇಳಿದಕ್ಕೆ RPF ಮೇಲೆ ರೇಜರ್​ ದಾಳಿ; ಅಂತಾರಾ ಬ್ಯಾನರ್ಜಿ ವಿರುದ್ಧ FIR! Antara Banerjee

ಈ ಜಾಫರ್​ನನ್ನು ಬಂಧಿಸಿದ ನಂತರ ಮಾಹಿತಿ ಹಂಚಿಕೊಂಡಿರುವ ಎಟಿಎಸ್​ ಅಧಿಕಾರಿಗಳು ಮೊಹಮ್ಮದ್​ ಜಾಫರ್​ನನ್ನು ಯುಎಪಿಎ ಕಾಯ್ಕೆಯಡಿಯಲ್ಲಿ ಬಂಧಿಸಲಾಗಿದ್ದು, ಇವನು ಪಾಕಿಸ್ತಾನದವರ ಸಂಪರ್ಕಕ್ಕೆ ಹೇಗೆ ಬಂದ? ಇಲ್ಲಿವರೆಗೆ ಎಷ್ಟು ಹಣವನ್ನು ಶತ್ರುದೇಶಕ್ಕೆ ಕಳುಹಿಸಿದ್ದಾನೆ? ಎಂಬೆಲ್ಲಾ ಸಂಗತಿಗಳನ್ನು ತಿಳಿಯಲು ತನಿಖೆ ನಡೆಸಲಾಗುತ್ತಿದೆ ಎಂದು ಹೇಳಿದ್ದಾರೆ, (ಏಜನ್ಸೀಸ್​). ​