ನೀವು ಬಿಕಿನಿಯಲ್ಲಿ ರಾಖಿ ಕಟ್ಟುತ್ತೀರಾ? ಕೃತಿ ಸನೊನ್​ ರಕ್ಷಾಬಂಧನ ಜಾಹೀರಾತು ವಿವಾದ; ಕಂಗನಾ ರಣಾವತ್​ ತರಾಟೆ! Kangana Ranaut on Kriti Sanon Raksha Bandhan Ad

ಮುಂಬೈ: ಇನ್ನೇನು ಕೆಲವೇ ದಿನಗಳಲ್ಲಿ ಅಣ್ಣ-ತಂಗಿ, ಅಕ್ಕ-ತಮ್ಮಂದಿರ ಹಬ್ಬವೆಂದೇ ಖ್ಯಾತವಾಗಿರುವ ರಕ್ಷಾಬಂಧನ ಹಬ್ಬವನ್ನು ದೇಶದಾದ್ಯಂತ ಅತ್ಯಂತ ಪ್ರೀತಿ-ಸೌಹಾರ್ದಯುತವಾಗಿ ಆಚರಿಸಲಾಗುತ್ತದೆ. 

ಸಹೋದರ/ರಿ ಯರ ಜೊತೆಗೆ ಪ್ರೀತಿ, ವಾತ್ಸಲ್ಯ, ಮಮಕಾರದ ಜೊತೆಗೆ ಯಾವುದೇ ಸಂದರ್ಭದಲ್ಲಿ ನಿನ್ನ ರಕ್ಷಣೆಗೆ ನಿಲ್ಲುವೆನು ಎನ್ನುವುದೇ ಈ ಹಬ್ಬದ ಮೂಲವಾಗಿದೆ.

ಆದರೆ, ಈ ಭಾರಿ ರಕ್ಷಾ ಬಂಧನಕ್ಕೆ ಸಂಬಂಧಿದಂತೆ ಬಿಡುಗಡೆ ಮಾಡಿರುವ ಜಾಹೀರಾತೊಂದು ವಿವಾದಕ್ಕೆ ಕಾರಣವಾಗಿದೆ. ಬಾಲಿವುಡ್​ ನಟಿ ಕೃತಿ ಸನೊನ್​ ಕಾಣಿಸಿಕೊಂಡಿರುವ ಈ ಜಾಹೀರಾತಿಯಲ್ಲಿ ನಟಿ ಬಿಕಿನಿ ತೊಟ್ಟು, ರಾಖಿ ಕಟ್ಟಿರುವುದು ಜನರ ಕೋಪಕ್ಕೆ ಕಾರಣವಾಗಿದೆ. 

ಈಗ ಈ ಜಾಹೀರಾತಿಗೆ, ಬಾಲಿವುಡ್​ ನಟಿ ಹಾಗೂ ಬಿಜೆಪಿ ಸಂಸದೆಯಾಗಿರುವ ಕಂಗನಾ ರಣಾವತ್​ ಖಡಕ್ (Kangana Ranaut on Kriti Sanon Raksha Bandhan Ad)​ ಕೌಂಟರ್​ ಕೊಟ್ಟಿದ್ದಾರೆ.  

ಇದನ್ನೂ ಓದಿ: ಶಾಲಾ ಸಮವಸ್ತ್ರದ ಜೊತೆ 'ಹಿಜಾಬ್​'ಗೆ ಅವಕಾಶವಿಲ್ಲ: ಇದು 'ಇಸ್ಲಾಂ'ನ ಭಾಗವಲ್ಲ; ಮುಸ್ಲಿಂ ವಿದ್ಯಾರ್ಥಿ ಅರ್ಜಿ ವಜಾಗೊಳಿಸಿದ ಅಲಹಾಬಾದ್​ ಹೈಕೋರ್ಟ್​! Hijab Verdict Allahabad High Court

ಈ ವಿವಾದಾತ್ಮಕ ರಕ್ಷಾ ಬಂಧನದ ಜಾಹೀರಾತಿಗೆ ಪ್ರತಿಕ್ರಿಯಿಸಿರುವ ಕಂಗನಾ, ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಕೃತಿ ಸನೊನ್​ ಹೆಸರನ್ನು ಉಲ್ಲೇಖಿಸದೆ ತರಾಟೆಗೆ ತೆಗೆದುಕೊಂಡಿದ್ದಾರೆ. 

ನಾವು ಹೆಣ್ಣಾಗಿ ಹುಟ್ಟಿರುವುದಕ್ಕೆ ಬಹಳ ಹೆಮ್ಮೆ ಪಡೆಬೇಕು, ಏಕೆಂದರೆ ನಾವು ಧರಿಸುವ ಬಟ್ಟೆಗಳಲ್ಲಿ ಬಹಳಷ್ಟು ವಿಧಗಳಿವೆ. ಒಂದೊಂದು ಕಾರ್ಯಕ್ರಮಕ್ಕೂ ಒಂದೊಂದು ಬಗೆಯ ಉಡುಪನ್ನು ಧರಿಸಲು ನಮಗೆ ಅವಕಾಶವಿದೆ. ಈ ಕಾಲಮಾನದ ಮಹಿಳೆ ಜಾಗತಿಕ ಮಹಿಳೆಯಾಗಿದ್ದಾಳೆ. 

ಕಾಕ್​ಟೇಲ್​ ಬಟ್ಟೆಯಿಂದ ಹಿಡಿದು, ಲೆಹಂಗಾ, ಚೋಲಿ, ಜೀನ್ಸ್​, ಬಿಕಿನಿ, ಸಾರಿ ಸಲ್ವಾರ್​ ಕಮೀಜ್​ ಇಷ್ಟೆಲ್ಲಾ ಆಯ್ಕೆಗಳಿದ್ದರೂ ನೀವು ಬಿಕಿನಿ ಅಥವಾ ಒಳಉಡುಪನ್ನು ಧರಿಸಿ, ನಿಮ್ಮ ಸಹೋದರನಿಗೆ ಏಕೆ ರಾಖಿ ಕಟ್ಟುತ್ತೀರಿ? ನಿಮ್ಮ  ವಸ್ತ್ರದ ಆಯ್ಕೆಗಳು ಎಲ್ಲಿಗೆ ಹೋಗಿವೆ? ನನಗಂತೂ ಈ ಜಾಹೀರಾತೂ ಬೇಕಂತಲೇ ಕೆಟ್ಟದಾಗಿ, ಅಸಹ್ಯವಾಗಿರಲೆಂದೇ ಮಾಡಿದಂತಿದೆ ಎಂದು ಬರೆದುಕೊಂಡಿದ್ದಾರೆ.

ಈ ಬಿಕಿನಿ ರಾಖಿ ವಿವಾದ ಸೋಷಿಯಲ್​ ಮೀಡಿಯಾದಲ್ಲಿ ಭಾರಿ ಸಂಚಲನಕ್ಕೆ ಕಾರಣವಾಗಿದೆ. ಆದರೆ, ಇದರ ಬಗ್ಗೆ ನಟಿ ಕೃತಿ ಸನೊನ್​ ಇಲ್ಲಿವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಹೀಗೆ ಒಂದು ಧರ್ಮದ ಆಚರಣೆಯನ್ನು ಅವಹೇಳನ ಅಥವಾ ಅಸಹ್ಯ ಪಡುವಂತೆ ಚಿತ್ರಿಸಿರುವುದು ನೆಟ್ಟಿಗರ ನೆತ್ತಿ ಬಿಸಿ ಮಾಡಿರುವುದಂತೂ ನಿಜವಾಗಿದೆ, (ಏಜನ್ಸೀಸ್​).