ಪಕ್ಷ ಸೇರ್ಪಡೆಯ ಬಳಿಕ ಮಾತನಾಡಿದ ಗುಪ್ತಾ, ಅಣ್ಣಾ ಹಜಾರೆ ಆಂದೋಲನದ ಸಮಯದಲ್ಲಿ, ತಮ್ಮ ಉದ್ಯೋಗಗಳನ್ನು ತೊರೆದ ಅನೇಕ ಜನರ ಬಗ್ಗೆ ಆಮ್ ಆದ್ಮಿಗೆ ಕಾಳಜಿ ಇಲ್ಲ, ಅನೇಕ ಜನರು ಪಕ್ಷ ಬಿಡಲು ತುದಿಗಾಲ ಮೇಲೆ ನಿಂತಿದ್ದಾರೆ, ಅವರು ಆ ನಿರ್ಧಾರದಿಂದ ಹಿಂದೆ ಸರಿಯಬಾರದು. ಯಾವುದೇ ವ್ಯಕ್ತಿಯಾಗಲಿ ಗೌರವ ಸಿಗುವ ಕಡೆ ಇರುವುದು ಉತ್ತಮ ಎಂದರು. ಆಮ್ ಆದ್ಮಿ ಪಕ್ಷದ ಸೋಲಿಗೆ ಬಳಸಿ ಬಿಸಾಡುವ ನೀತಿಯೇ ಕಾರಣ ಎಂದ ಗುಪ್ತಾ, ನಾನು ಅನೇಕ ವರ್ಷಗಳ ಕಾಲ ಪಕ್ಷಕ್ಕೆ ದುಡಿದಿದ್ದೇನೆ, ಅರವಿಂದ್ ಕೇಜ್ರಿವಾಲ್ ನನ್ನೊಂದಿಗೆ ಮಾತನಾಡುವುದನ್ನೇ ನಿಲ್ಲಿಸಿದ್ದಾರೆ, ಭೇಟಿಗೂ ಅವಕಾಶ ನೀಡಿಲ್ಲ. ನಾನು ಅವರಿಗಾಗಿ ಹೋರಾಡಿದೆ, ವಕ್ತಾರನಾಗಿ ಪಕ್ಷ ಮತ್ತು ಅದರ ನಾಯಕರನ್ನು ಸಮರ್ಥಿಸಿಕೊಂಡಿದ್ದೇನೆ ಎಂದು ಹೇಳಿದರು.
