ಕಾರ್ಪೊರೇಟ್​​ ಜಿಹಾದ್​!

ಮಹಾರಾಷ್ಟ್ರದ ನಾಸಿಕ್​ನ ಒಂದು ಪ್ರತಿಷ್ಠಿತ ಐಟಿ/ಬಿಪಿಒ ಕಂಪನಿ. ಈ ಕ್ಷೇತ್ರದ ಕಂಪನಿಗಳು ವೃತ್ತಿಪರತೆಯನ್ನು ಕಾಪಾಡಿಕೊಂಡು ಬರುವುದರಲ್ಲಿ ರಾಜಿ ಮಾಡಿಕೊಳ್ಳುವುದಿಲ್ಲ. ಆದರೆ, ಈ ಕಂಪನಿಯು ವೃತ್ತಿಪರತೆಯ ಹೆಸರಿನಲ್ಲಿ ಹಿಂದೂ ಧಾರ್ವಿುಕ ನಂಬಿಕೆ ಮತ್ತು ಪರಂಪರೆಯನ್ನು ಧಿಕ್ಕರಿಸಿ, ಅನ್ಯ ಧರ್ಮದ ನಂಬಿಕೆ, ಆಚರಣೆಗಳಿಗೆ ಪ್ರೋತ್ಸಾಹ ನೀಡಿರುವುದು ಈಗ ವಿವಾದದ ಬಿರುಗಾಳಿಯನ್ನೇ ಸೃಷ್ಟಿಸಿದೆ. ಈ ಕಂಪನಿಯಲ್ಲಿ ಕಾರ್ಯ ನಿರ್ವಹಿಸುವ 9ಕ್ಕೂ ಹೆಚ್ಚು ಉದ್ಯೋಗಿಗಳು (ಹೆಚ್ಚಾಗಿ ಮಹಿಳೆಯರು) ಹಿರಿಯ ಅಧಿಕಾರಿಗಳ ವಿರುದ್ಧ ಗಂಭೀರ ಆರೋಪಗಳನ್ನು ಹೊರಿಸಿ ದೂರು ದಾಖಲಿಸಿದ್ದಾರೆ. 2026ರ ಮಾರ್ಚ್ ಮತ್ತು ಏಪ್ರಿಲ್​ನಲ್ಲಿ ಈ ಪ್ರಕರಣಗಳು ಸರಣಿ ಎಫ್​ಐಆರ್​ಗಳಾಗಿ ಮಾರ್ಪಟ್ಟಿವೆ. ಈ ಪ್ರಕರಣದಲ್ಲಿ ಅತ್ಯಂತ ಆಘಾತಕಾರಿ ವಿಷಯವೆಂದರೆ ಕಂಪನಿಯ ಮಾನವ ಸಂಪನ್ಮೂಲ (ಎಚ್​ಆರ್) ವಿಭಾಗದ ನಡವಳಿಕೆ. ಉದ್ಯೋಗಿಗಳು ಲೈಂಗಿಕ ಕಿರುಕುಳ ಅಥವಾ ಧಾರ್ವಿುಕ ಒತ್ತಡದ ಬಗ್ಗೆ ದೂರು ನೀಡಲು ನೀಡಿದಾಗ, ಎಚ್​ಆರ್ ಅಧಿಕಾರಿಗಳು ನ್ಯಾಯ ಒದಗಿಸುವ ಬದಲು ಸಂತ್ರಸ್ತರನ್ನೇ ದಬಾಯಿಸಿದ್ದಾರೆ. ‘ದೂರು ನೀಡಿದರೆ ಕೆಲಸದಿಂದ ತೆಗೆದುಹಾಕುತ್ತೇವೆ ಅಥವಾ ನಿಮ್ಮ ಕೆರಿಯರ್ ಹಾಳು ಮಾಡುತ್ತೇವೆ’ ಎಂದು ಬೆದರಿಕೆ ಹಾಕಿದ್ದಾರೆ. ಪೊಲೀಸ್ ತನಿಖೆಯ ನಂತರ ಕಂಪನಿಯ ಅಸಿಸ್ಟೆಂಟ್ ಜನರಲ್ ಮ್ಯಾನೇಜರ್ (ಎಜಿಎಂ) ಸೇರಿ ಏಳು ಉನ್ನತ ಅಧಿಕಾರಿಗಳನ್ನು ಬಂಧಿಸಲಾಗಿದ್ದು, ಈ ಜಾಲದ ಆಳವನ್ನು ದರ್ಶಿಸುತ್ತದೆ. ಉದ್ಯೋಗಿಗಳು ನೀಡಿದ ದೂರಿನ ನಂತರ ದಾಖಲಾದ 9 ಎಫ್​ಐಆರ್​ಗಳ ಪ್ರಕಾರ, ಇದು ಕೇವಲ ವೈಯಕ್ತಿಕ ಘರ್ಷಣೆಯಲ್ಲ, ಬದಲಿಗೆ ವ್ಯವಸ್ಥಿತವಾದ ಸಾಂಸ್ಥಿಕ ಸಂಚು ಎಂಬುದು ತಿಳಿದುಬಂದಿದ್ದು, ಒಂದು ಜಾಲದಂತೆ ಕಾರ್ಯ ನಿರ್ವಹಿಸುತ್ತಿರುವ ಬಗ್ಗೆ ಸಂಶಯ ಸೃಷ್ಟಿಯಾಗಿದೆ.

ಕಾರ್ಪೊರೇಟ್​​ ಲೋಕದ ಮರೆಯಲ್ಲಿ ಧರ್ಮಾಂತರದ ಜಾಲವನ್ನು ಚಿಂತಕರು, ಆರ್ಥಿಕ ಜಿಹಾದ್​ನ ಮುಂದುವರಿದ ಭಾಗವೆಂದು ವ್ಯಾಖ್ಯಾನಿಸಿದ್ದಾರೆ. ಉದ್ಯೋಗದ ಅಗತ್ಯತೆ ಮತ್ತು ವೃತ್ತಿಜೀವನದ ಬೆಳವಣಿಗೆಯನ್ನು ಅಸ್ತ್ರವಾಗಿ ಬಳಸಿ ಇಲ್ಲಿ ಮತಾಂತರ ಮತ್ತು ಸಿದ್ಧಾಂತ ಹೇರಿಕೆಯ ಆಟ ನಡೆಯುತ್ತಿದೆ. ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಉದ್ಯೋಗ ಕಳೆದುಕೊಳ್ಳುವ ಭೀತಿಯನ್ನು ಬಳಸಿಕೊಂಡು, ಉದ್ಯೋಗಿಗಳ ಧಾರ್ವಿುಕ ನಿಷ್ಠೆಯನ್ನು ಬದಲಿಸಲು ಪ್ರಯತ್ನಿಸಲಾಗುತ್ತಿರುವುದು ನಿಜಕ್ಕೂ ಆತಂಕಕಾರಿ. ವೃತ್ತಿಪರತೆ ಎಂದರೆ ಈ ನೆಲದ ಧಾರ್ವಿುಕ ನಂಬಿಕೆಗಳನ್ನು ಅಥವಾ ಪರಂಪರೆಯನ್ನು ಅಲ್ಲಗಳೆಯುವುದಲ್ಲ. ಭಾರತದ ಕಾರ್ಪೊರೇಟ್​​ ವಲಯವು ಜಾಗತಿಕ ಮಾದರಿಗಳನ್ನು ಅನುಸರಿಸುವಾಗ ದೇಶದ ನಾಗರಿಕ ಸಂಸ್ಕೃತಿ ಮತ್ತು ನಂಬಿಕೆಯ ಸವಾಲುಗಳನ್ನು ಮರೆಯಬಾರದು.

ಮದುವೆಯ ಸುಳ್ಳು ಭರವಸೆ ನೀಡಿ ಸಹೋದ್ಯೋಗಿಯೊಬ್ಬ ಸಂಬಂಧ ಬೆಳೆಸಿದ್ದಾನೆ ಎಂದು ಮಹಿಳೆಯೊಬ್ಬರು ನೀಡಿದ ದೂರಿನಿಂದ ಈ ಪ್ರಕರಣ ಬೆಳಕಿಗೆ ಬಂದಿದೆ. ಪೊಲೀಸ್ ತನಿಖೆ ಆರಂಭವಾಗುತ್ತಿದ್ದಂತೆ, ಇನ್ನೂ ಹಲವು ಮಹಿಳಾ ಉದ್ಯೋಗಿಗಳು ಮುಂದೆ ಬಂದು ತಮ್ಮ ಸಹೋದ್ಯೋಗಿಗಳ ವಿರುದ್ಧ ಲೈಂಗಿಕ ಕಿರುಕುಳದ ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. ಈ ಘಟನೆಗಳು 2022ರ ಫೆಬ್ರವರಿಯಿಂದ 2026ರ ಮಾರ್ಚ್ ನಡುವೆ ನಡೆದಿವೆ. ಕೆಲಸದ ಸ್ಥಳದಲ್ಲಿ ಧಾರ್ವಿುಕ ಮತಾಂತರಕ್ಕೆ ಪ್ರಯತ್ನಿಸಲಾಗಿದೆ ಎಂಬ ಆರೋಪದಿಂದ ಕಾರ್ಪೊರೇಟ್​​ ವಲಯದಲ್ಲೇ ತಲ್ಲಣ ಸೃಷ್ಟಿಯಾಗಿದೆ. ಸಂತ್ರಸ್ತರು ಹಿರಿಯ ಅಧಿಕಾರಿಯೊಬ್ಬರಿಗೆ ದೂರು ನೀಡಿದ್ದರೂ, ಅವರು ಕ್ರಮ ಕೈಗೊಳ್ಳುವ ಬದಲು ಕಿರುಕುಳ ನೀಡಿದವರಿಗೆ ಪ್ರಚೋದನೆ ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮುಂಬೈ: ನಾಸಿಕ್​ನ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) ಶಾಖೆಯಲ್ಲಿ ಕೇಳಿ ಬಂದಿರುವ ಲೈಂಗಿಕ ಕಿರುಕುಳ ಮತ್ತು ಬಲವಂತದ ಮತಾಂತರದ ಆರೋಪಗಳು ಅತ್ಯಂತ ಆತಂಕಕಾರಿ ಎಂದು ಟಾಟಾ ಸನ್ಸ್ ಅಧ್ಯಕ್ಷ ಎನ್. ಚಂದ್ರಶೇಖರನ್ ತಿಳಿಸಿದ್ದಾರೆ. ಎಂಟು ಮಹಿಳಾ ಉದ್ಯೋಗಿಗಳು ನೀಡಿರುವ ದೂರಿನ ಹಿನ್ನೆಲೆಯಲ್ಲಿ ಟಿಸಿಎಸ್ ಸಿಒಒ ಆರತಿ ಸುಬ್ರಮಣಿಯನ್ ನೇತೃತ್ವದಲ್ಲಿ ಉನ್ನತ ಮಟ್ಟದ ತನಿಖೆಗೆ ಆದೇಶಿಸಲಾಗಿದೆ. ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಜರುಗಿಸುವುದಾಗಿ ಹೇಳಿರುವ ಅವರು, ಸಂಸ್ಥೆಯು ಯಾವುದೇ ರೀತಿಯ ಕಿರುಕುಳದ ವಿರುದ್ಧ ಶೂನ್ಯ ಸಹಿಷ್ಣುತೆ ನೀತಿ ಹೊಂದಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಈಗಾಗಲೇ 7 ಮಂದಿಯನ್ನು ಬಂಧಿಸಲಾಗಿದೆ.

- ಭಾರತದಲ್ಲಿ ಬಹುರಾಷ್ಟ್ರೀಯ ಕಂಪನಿಗಳು ಅನುಸರಿಸುವ ವೈವಿಧ್ಯತೆ, ಸಮಾನತೆ ಮತ್ತು ಒಳಗೊಳ್ಳುವಿಕೆ (ಡಿಇಐ) ನಿಯಮಗಳು ಭಾರತೀಯ ಸಂಸ್ಕೃತಿಗೆ ಪೂರಕವಾಗಿರಬೇಕೇ ಹೊರತು ಶೋಷಣೆಗೆ ಅಸ್ತ್ರವಾಗಬಾರದು ಎಂಬ ಕೂಗು ಕೇಳಿಬಂದಿದೆ.

- ಐಟಿ ವಲಯದಲ್ಲಿ ಕೆಲಸ ಮಾಡುವ ಮಹಿಳೆಯರ ಸುರಕ್ಷತೆ ಮತ್ತು ಅವರ ಧಾರ್ವಿುಕ ಸ್ವಾತಂತ್ರ್ಯದ ಬಗ್ಗೆ ಹೊಸ ಕಾನೂನುಗಳ ಅವಶ್ಯಕತೆಯನ್ನು ಈ ಘಟನೆ ಎತ್ತಿ ತೋರಿಸಿದೆ. ಕಾರ್ಪೊರೇಟ್​​ ವ್ಯವಸ್ಥೆಯನ್ನು ಬಳಸಿಕೊಂಡು ಹೇಗೆ ಸಮಾಜದ ಸಾಂಸ್ಕೃತಿಕ ಧಾರ್ವಿುಕ ಚೌಕಟ್ಟನ್ನು ಅಸ್ಥಿರಗೊಳಿಸಬಹುದು ಎಂಬುದಕ್ಕೆ ಇದೊಂದು ಉದಾಹರಣೆ.

ನಾಸಿಕ್​ನ ಏಳು ಮಹಿಳಾ ಪೊಲೀಸ್ ಅಧಿಕಾರಿಗಳ ವಿಶೇಷ ತಂಡ ವೇಷ ಮರೆಸಿಕೊಂಡು ಟಿಸಿಎಸ್ ಕಚೇರಿಗೆ ತೆರಳಿ ರಹಸ್ಯ ಕಾರ್ಯಾಚರಣೆ ನಡೆಸಿತ್ತು. ಮಹಿಳೆಯರೊಂದಿಗೆ ಅನುಚಿತವಾಗಿ ವರ್ತಿಸುತ್ತಿದ್ದ ಒಬ್ಬ ಆರೋಪಿಯನ್ನು ಈ ವೇಳೆ ರೆಡ್​ಹ್ಯಾಂಡ್ ಆಗಿ ಹಿಡಿಯಲಾಗಿದೆ. ಪೊಲೀಸರು ಸಾಕ್ಷ್ಯಸಂಗ್ರಹಕ್ಕಾಗಿ 40ಕ್ಕೂ ಹೆಚ್ಚು ಸಿಸಿಟಿವಿ ದೃಶ್ಯಾವಳಿ ಗಳನ್ನು ಪರಿಶೀಲಿ ಸುತ್ತಿದ್ದಾರೆ.

ಈ ಪ್ರಕರಣ ರಾಜಕೀಯ ವಾಗಿಯೂ ದೊಡ್ಡ ಮಟ್ಟದ ಚರ್ಚೆಗೆ ನಾಂದಿ ಹಾಡಿದೆ. ತನಿಖೆಗಾಗಿ ಮಹಾರಾಷ್ಟ್ರ ಸರ್ಕಾರ ವಿಶೇಷ ತನಿಖಾ ತಂಡ (ಎಸ್​ಐಟಿ) ರಚಿಸಿದೆ. ಈ ಪ್ರಕರಣದ ಹಿಂದೆ ದೊಡ್ಡ ಜಾಲವಿದೆ ಎಂದು ರಾಜ್ಯದ ಗೃಹ ಇಲಾಖೆ ಸಂಶಯ ವ್ಯಕ್ತಪಡಿಸಿದೆ. ಕಾರ್ಪೊರೇಟ್​​ ಜಿಹಾದ್’ ಎಂಬುದು ಭಾರತೀಯ ನ್ಯಾಯ ಸಂಹಿತೆಯಲ್ಲಿ (ಬಿಎನ್​ಎಸ್) ಇನ್ನು ವ್ಯಾಖ್ಯಾನಿಸಲ್ಪಟ್ಟಿಲ್ಲ. ಹೀಗಾಗಿ, ಪ್ರಸ್ತುತ ಈ ಪ್ರಕರಣಗಳನ್ನು ಪೋಶ್ ಕಾಯ್ದೆ ಮತ್ತು ಮತಾಂತರ ವಿರೋಧಿ ಕಾಯ್ದೆಗಳಡಿ ದಾಖಲಿಸಲಾಗಿದೆ.

ಧಾರ್ವಿುಕ ಪದ್ಧತಿಗಳಿಗೆ ತಡೆ: ಕೆಲಸದ ಅವಧಿಯಲ್ಲಿ ಹಣೆಗೆ ಕುಂಕುಮ ಇಡುವುದು ಅಥವಾ ಕೈಗೆ ಪವಿತ್ರ ದಾರ ಧರಿಸುವುದನ್ನು ನಾನ್ ಪ್ರೊಫೆಷನಲ್ ಎಂದು ಹೇಳಿ ತೆಗೆಸಲಾಗುತ್ತಿತ್ತು.

ಆಹಾರ ಪದ್ಧತಿಯಲ್ಲಿ ಹಸ್ತಕ್ಷೇಪ: ಸಸ್ಯಾಹಾರಿಗಳಾಗಿದ್ದ ಹಿಂದೂ ಉದ್ಯೋಗಿಗಳಿಗೆ ಬಲವಂತವಾಗಿ ಮಾಂಸಾಹಾರ ಅಥವಾ ಗೋಮಾಂಸ ಸೇವಿಸುವಂತೆ ಒತ್ತಡ ಹೇರಲಾಗುತ್ತಿತ್ತು. ಇದನ್ನು ‘ಸಮಾನತೆಯ ಪರೀಕ್ಷೆ’ ಎಂದು ಬಿಂಬಿಸಲಾಗುತ್ತಿತ್ತು.

ವೃತ್ತಿಜೀವನದ ಬೆಳವಣಿಗೆ ಮತ್ತು ಮತಾಂತರ: ಕಂಪನಿಯಲ್ಲಿ ಬಡ್ತಿ ಅಥವಾ ಸಂಬಳದ ಏರಿಕೆ ಪಡೆಯಬೇಕಾದರೆ, ಉದ್ಯೋಗಿಗಳು ತಮ್ಮ ಧಾರ್ವಿುಕ ಗುರುತನ್ನು ತ್ಯಜಿಸಬೇಕು ಅಥವಾ ನಿರ್ದಿಷ್ಟ ಗುಂಪಿನೊಂದಿಗೆ ಆಪ್ತಸ್ನೇಹ ಬೆಳೆಸಬೇಕು ಎಂಬ ಅನಿವಾರ್ಯ ಪರಿಸ್ಥಿತಿ ಸೃಷ್ಟಿಸಲಾಗುತ್ತಿತ್ತು.

ಷಡ್ಯಂತ್ರ: ‘ವೈವಿಧ್ಯತೆ, ಸಮಾನತೆ ಮತ್ತು ಒಳಗೊಳ್ಳುವಿಕೆ’ ಎಂಬ ಕಾರ್ಪೆರೇಟ್ ಘೊಷಣೆ ಗಳಡಿ ಹಿಂದೂ ಆಚರಣೆಗಳನ್ನು ಹಿಂದುಳಿದ ಪದ್ಧತಿಗಳೆಂದು ಬಿಂಬಿಸಲಾಗುತ್ತಿತ್ತು.

ಹಿಂದೂ ಅಥವಾ ಅನ್ಯಧರ್ವಿುಯ ಯುವತಿಯರನ್ನು ಮುಸ್ಲಿಂ ಯುವಕರು ಪ್ರೀತಿಸುವ ನಾಟಕವಾಡಿ, ಮದುವೆಯ ಮೂಲಕ ಇಸ್ಲಾಂ ಧರ್ಮಕ್ಕೆ ಮತಾಂತರ ಮಾಡುತ್ತಾರೆ ಎಂಬ ಆರೋಪವೇ ಲವ್​ಜಿಹಾದ್​ನ ಪರಿಕಲ್ಪನೆ. ಈ ಪದ ಮೊದಲು 2007-2009ರ ಅವಧಿಯಲ್ಲಿ ಕೇರಳ ಮತ್ತು ಕರ್ನಾಟಕದ ಕರಾವಳಿ ಭಾಗಗಳಲ್ಲಿ ಕೇಳಿಬಂತು. ಸಾವಿರಾರು ಯುವತಿಯರು ಮತಾಂತರಗೊಂಡಿದ್ದಾರೆ ಎಂದು 2009ರಲ್ಲಿ ಕೇರಳದ ಕ್ಯಾಥೋಲಿಕ್ ಚರ್ಚ್​ಗಳು ಮತ್ತು ಕರ್ನಾಟಕದ ಸಂಘಟನೆಗಳು ಆರೋಪಿಸಿದ್ದವು. 2012ರಲ್ಲಿ ಕೇರಳ ಪೊಲೀಸರು ಮತ್ತು ನಂತರ 2018ರಲ್ಲಿ ಹಾಡಿಯಾ ಪ್ರಕರಣದ ತನಿಖೆ ನಡೆಸಿದ ರಾಷ್ಟ್ರೀಯ ತನಿಖಾ ಸಂಸ್ಥೆ, ಸಂಘಟಿತವಾಗಿ ಇಂತಹ ಮತಾಂತರಗಳು ನಡೆಯುತ್ತಿವೆ ಎಂಬುದಕ್ಕೆ ಯಾವುದೇ ಬಲವಾದ ಪುರಾವೆಗಳಿಲ್ಲ ಎಂದು ವರದಿ ನೀಡಿದ್ದವು. ಆದರೆ, ಇಂತಹ ಘಟನೆಗಳು ನಡೆಯುವುದು ಮಾತ್ರ ನಿಂತಿಲ್ಲ. ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಧಾರ್ವಿುಕ ಸ್ವಾತಂತ್ರ್ಯ ಹಕ್ಕು ಸಂರಕ್ಷಣಾ ಕಾಯ್ದೆ (ಮತಾಂತರ ವಿರೋಧಿ ಕಾನೂನು) ಜಾರಿಗೆ ತರಲಾಗಿದೆ. ಇದು ಆಮಿಷ, ಬಲವಂತ ಅಥವಾ ಮದುವೆಯ ಮೂಲಕ ಮಾಡುವ ಮತಾಂತರವನ್ನು ಅಪರಾಧವೆಂದು ಪರಿಗಣಿಸುತ್ತದೆ. ಮತಾಂತರ ವಿರೋಧಿ ಕಾನೂನನ್ನು ಮೊದಲು ಮತ್ತು ಕಟ್ಟುನಿಟ್ಟಾಗಿ ಜಾರಿಗೆ ತಂದ ರಾಜ್ಯ ಉತ್ತರ ಪ್ರದೇಶ. ಇಲ್ಲಿ ಅತಿ ಹೆಚ್ಚು ಎಫ್​ಐಆರ್ ದಾಖಲಾದ ವರದಿಗಳಿವೆ. ಮಧ್ಯಪ್ರದೇಶದಲ್ಲಿಯೂ ಕಾನೂನು ಕಠಿಣವಾಗಿದ್ದು, ಸಾಕಷ್ಟು ದೂರುಗಳು ದಾಖಲಾಗುತ್ತಿವೆ.