ಬ್ರಿಟಿಷ್ ಕಾಲದ ಟವಲ್ ಸಂಸ್ಕೃತಿಗೆ ಸಿಎಂ ವಿಜಯ್ ಗುಡ್‌ಬೈ: 'ವಿಐಪಿ' ಅಹಂಕಾರದ ವಿರುದ್ಧ ತಮಿಳುನಾಡಿನಲ್ಲಿ ಹೊಸ ಕ್ರಾಂತಿ! White Towel Tradition

ಕಳೆದ ಗುರುವಾರ ಪರಿಸರ ಕಾರ್ಯಕರ್ತೆ ಲಿಸಿಪ್ರಿಯಾ ಕಂಗುಜಮ್ ಅವರು ಮುಖ್ಯಮಂತ್ರಿ ವಿಜಯ್ ಅವರಿಗೆ X ಮೂಲಕ ಒಂದು ವಿಶೇಷ ಮನವಿ ಮಾಡಿದ್ದರು. ಸರ್ಕಾರಿ ಕಚೇರಿಗಳಲ್ಲಿ ಉನ್ನತ ಅಧಿಕಾರಿಗಳಿಂದ ಹಿಡಿದು ಕೆಳಹಂತದ ನೌಕರರವರೆಗೆ ಕುರ್ಚಿಗಳಿಗೆ ಬಿಳಿ ಟವಲ್ ಹಾಕುವ ಟವಲ್ ಸಂಸ್ಕೃತಿ ಇದೆ. ಇದು ವಿಐಪಿ ಸಂಸ್ಕೃತಿಯ ಸಂಕೇತವಾಗಿದ್ದು, ಇದನ್ನು ಕೊನೆಗೊಳಿಸುವ ಮೂಲಕ ನೀವು ಮಾದರಿಯಾಗಬೇಕು ಎಂದು ಕೋರಿದ್ದರು.

ಸರ್ಕಾರಿ ಕುರ್ಚಿಗಳಿಗೆ ಬಿಳಿ ಟವಲ್ ಹಾಕುವ ಈ ಪದ್ಧತಿ ಇಂದಿನದಲ್ಲ, ಇದು 19ನೇ ಶತಮಾನದ ಬ್ರಿಟಿಷ್ ರಾಜ್ ಕಾಲದ್ದು. ಅಂದು ಬ್ರಿಟಿಷ್ ಅಧಿಕಾರಿಗಳು ತಲೆಗೆ ಮಕಾಸರ್ ಆಯಿಲ್ ಬಳಸುತ್ತಿದ್ದರು. ಬೆಲೆಬಾಳುವ ಪೀಠೋಪಕರಣಗಳಿಗೆ ತೈಲದ ಕಲೆ ತಗುಲಬಾರದು ಎಂಬ ಕಾರಣಕ್ಕೆ ಆಂಟಿ-ಮಕಾಸರ್ ಎಂಬ ಬಟ್ಟೆಯನ್ನು ಬಳಸಲಾಗುತ್ತಿತ್ತು. ಭಾರತದ ಉಷ್ಣ ಹವಾಮಾನದಲ್ಲಿ ಬೆವರಿನ ಕಲೆ ತಪ್ಪಿಸಲು ಇದು ಪೂರ್ಣ ಪ್ರಮಾಣದ ಬಿಳಿ ಟವಲ್ ಆಗಿ ಬದಲಾಯಿತು. ಆದರೆ, ಕಾಲಕ್ರಮೇಣ ಇದು ಸ್ವಚ್ಛತೆಯ ಸಂಕೇತವಾಗಿ ಉಳಿಯದೆ, ಅಧಿಕಾರದ ಮತ್ತು ಶ್ರೇಣೀಕೃತ ವ್ಯವಸ್ಥೆಯ ಸಂಕೇತವಾಗಿ ಬದಲಾಗಿತ್ತು.

ಲಿಸಿಪ್ರಿಯಾ ಕಂಗುಜಮ್ ಅವರು ವಿಜಯ್ ಅವರ ಈ ನಡೆಗೆ ಕೃತಜ್ಞತೆ ಸಲ್ಲಿಸಿದ್ದು, ವಿಜಯ್ ಅವರು ಜನಸಾಮಾನ್ಯರ ಧ್ವನಿಯನ್ನು ಆಲಿಸುವ ನಾಯಕ ಎಂಬುದು ಸಾಬೀತಾಗಿದೆ ಎಂದು ಹೇಳಿದ್ದಾರೆ. ಕಳೆದ ಮೇ 10ರಂದು ತಮಿಳುನಾಡಿನ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದ ವಿಜಯ್, ತಮ್ಮ ತಮಿಳಗ ವೆಟ್ರಿ ಕಳಗಂ ಪಕ್ಷದ ಮೂಲಕ ಹೊಸ ರಾಜಕೀಯ ಭಾಷ್ಯ ಬರೆಯುತ್ತಿದ್ದಾರೆ,(ಏಜೆನ್ಸೀಸ್​).