ದೇಶ

ಸಚಿವ ಸಂಪುಟ ವಿಸ್ತರಣೆಗೆ ದೆಹಲಿಯಲ್ಲಿ ಕಸರತ್ತು: ಹೈಕಮಾಂಡ್ ಸಭೆ ಮಧ್ಯೆಯೇ ಖರ್ಗೆ ಪುತ್ರನಿಗೆ ತೀವ್ರ ಅನಾರೋಗ್ಯ; ಆಸ್ಪತ್ರೆಗೆ ದೌಡಾಯಿಸಿದ ಎಐಸಿಸಿ ಅಧ್ಯಕ್ಷ! Mallikarjun Kharge

ಹೈಕಮಾಂಡ್ ಸಭೆ ಮಧ್ಯೆಯೇ ಮಲ್ಲಿಕಾರ್ಜುನ್ ಖರ್ಗೆ ಪುತ್ರನಿಗೆ ತೀವ್ರ ಅನಾರೋಗ್ಯ
ಹೈಕಮಾಂಡ್ ಸಭೆ ಮಧ್ಯೆಯೇ ಮಲ್ಲಿಕಾರ್ಜುನ್ ಖರ್ಗೆ ಪುತ್ರನಿಗೆ ತೀವ್ರ ಅನಾರೋಗ್ಯ
Published on: 

ಪ್ರಮುಖ ಮುಖ್ಯಾಂಶಗಳು

  • ದೆಹಲಿಯಲ್ಲಿ ರಾಜ್ಯ ಕಾಂಗ್ರೆಸ್ ಸಚಿವ ಸಂಪುಟ ವಿಸ್ತರಣೆ ಕಸರತ್ತು!
  • ಹೈಕಮಾಂಡ್ ಸಭೆ ಮಧ್ಯೆಯೇ ಮಲ್ಲಿಕಾರ್ಜುನ್ ಖರ್ಗೆ ಪುತ್ರನಿಗೆ ತೀವ್ರ ಅನಾರೋಗ್ಯ
  • ಆಸ್ಪತ್ರೆಗೆ ದೌಡಾಯಿಸಿದ ಎಐಸಿಸಿ ಅಧ್ಯಕ್ಷ
  • ದೆಹಲಿಯಲ್ಲಿ ಬೀಡು ಬಿಟ್ಟಿರುವ ಡಿ.ಕೆ. ಶಿವಕುಮಾರ್​, ಮಾಜಿ ಸಿಎಂ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಬಿ.ಕೆ. ಹರಿಪ್ರಸಾದ್​
ನವದೆಹಲಿ: ರಾಜ್ಯ ರಾಜಕಾರಣದ ಸಂಪುಟ ಪುನರ್​​ ವಿಸ್ತರಣೆಗೆ ಸಂಬಂಧಿಸಿದಂತೆ ದೆಹಲಿಯ ಕಾಂಗ್ರೆಸ್​ ಹೈ ಕಮಾಂಡ್​ ಜೊತೆಗೆ ರಾಜ್ಯ ನಾಯಕರು ಇಂದು (ಜು.16) ಚರ್ಚೆ ನಡೆಸಿದ್ದಾರೆ.
ಸೋನಿಯಾ ಗಾಂಧಿ ಅವರ ನಿವಾಸದಲ್ಲಿ ನಡೆಯುತ್ತಿದ್ದ ಈ ಸಭೆ ಮಧ್ಯದಲ್ಲಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ್​ ಖರ್ಗೆ (Mallikarjun Kharge) ಪುತ್ರರೊಬ್ಬರಿಗೆ ತೀವ್ರ ಅನಾರೋಗ್ಯ ಕಂಡುಬಂದ ಹಿನ್ನಲೆ ಖರ್ಗೆ ಸಭೆಯನ್ನು ಮೊಟಕುಗೊಳಿಸಿ ಬೆಂಗಳೂರಿನಲ್ಲಿರುವ ಆಸ್ಪತ್ರೆಗೆ ದೌಡಾಯಿಸಿದ್ದಾರೆಂದು ತಿಳಿದು ಬಂದಿದೆ.

ಹೈ ಕಮಾಂಡ್​ ಜೊತೆ ಸಿಎಂ; ಮಾಜಿ ಸಿಎಂ ಚರ್ಚೆ

ಮುಖ್ಯಮಂತ್ರಿ ಸ್ಥಾನದಿಂದ ಸಿದ್ದರಾಮಯ್ಯ ಇಳಿದ ನಂತರ ನೀರಿಕ್ಷೆಯಂತೆ ಡಿ.ಕೆ. ಶಿವಕುಮಾರ್​ ಸಿಎಂ ಆಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಮುಖ್ಯ ಮಂತ್ರಿಗಳಾಗಿ ಹೆಚ್ಚು ಕಡಿಮೆ 30 ದಿನಗಳನ್ನು ಪೂರೈಸಿದ ಹಿನ್ನಲೆ ಈಗ ಸಂಪುಟ ವಿಸ್ತರಣೆಯ ಚರ್ಚೆ ಜೋರಾಗಿದೆ.
ಹೀಗಾಗಿ ಯಾವ ಶಾಸಕರಿಗೆ ಸಚವ ಸ್ಥಾನವನ್ನು ನೀಡಬೇಕು ಎಂಬ ಕುರಿತು ಸಿಎಂ ಡಿ.ಕೆ. ಶಿವಕುಮಾರ್​, ಮಾಜಿ ಸಿಎಂ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷರಾದ ಬಿ.ಕೆ. ಹರಿಪ್ರಸಾದ್​ ಅವರು ಕಾಂಗ್ರೆಸ್​ ಹೈ ಕಮಾಂಡ್​ ಜೊತೆ ಚರ್ಚೆಗೆ ಮುಂದಾಗಿದ್ದಾರೆ.
ಆಯಾ ನಾಯಕರು ತಮ್ಮ ಜೊತೆ ಉತ್ತಮ ಸಂಬಂಧ ಹೊಂದಿರುವ ಶಾಸಕರಿಗೆ ಮಂತ್ರಿ ಪಟ್ಟ ದೊರಕಿಸಲು ಹೈ ಕಮಾಂಡ್​ ಮುಂದೆ ಕಸರತ್ತು ನಡೆಸುತ್ತಿದ್ದಾತೆ. ಈ ನಾಯಕರು ಸೂಚಿಸಿರುವ ಶಾಸಕರ ಹೆಸರನ್ನು ರಾಹುಲ್​ ಗಾಂಧಿ, ಸುರ್ಜೇವಾಲಾ, ಕೆ.ಸಿ. ವೇಣುಗೋಪಾಲ್​ ಹಾಗೂ ಮಲ್ಲಿಕಾರ್ಜುನ್​ ಖರ್ಗೆ ಕೇಳಿಸಿಕೊಂಡಿದ್ದು ಮುಂದೆ ಏನಾಗಿದೆ ಎನ್ನುವುದಕ್ಕೆ ಕಾಲವೇ ಉತ್ತರಿಸಬೇಕಾಗಿದೆ. ಸದ್ಯ ಮಲ್ಲಿಕಾರ್ಜುನ್​ ಖರ್ಗೆ ಅನುಪಸ್ಥಿತಿ ಕಾರಣ ಸಚಿವ ಸಂಪುಟ ತೀರ್ಮಾನ ಮುಂದೂಡಿಕೆ ಆಗುವ ಸಾಧ್ಯತೆ ಹೆಚ್ಚಿದೆ ಎನ್ನಲಾಗುತ್ತಿದೆ.
ರಾಹುಲ್​ ಗಾಂಧಿ ಸಪರೇಟ್​ ಲಿಸ್ಟ್​​!
ಇತ್ತ ಡಿ.ಕೆ. ಶಿವಕುಮಾರ್​, ಬಿ.ಕೆ. ಹರಿಪ್ರಸಾದ್​ ಹಾಗೂ ಮಾಜಿ ಸಿಎಂ ಸಿದ್ದರಾಮಯ್ಯ ಮೂರು ವಿಭಿನ್ನ ಪಟ್ಟಿ ನೀಡಿದ್ದರೆ, ಅತ್ತ ಲೋಕಸಭಾ ವಿಪಕ್ಷ ನಾಯಕ ಹಾಗೂ ಕಾಂಗ್ರೆಸ್​ ಮುಖಂಡರಾದ ರಾಹುಲ್​ ಗಾಂಧಿ ತಮ್ಮದೇ ಆದ ಬೇರೊಂದು ಲಿಸ್ಟ್​​ ಅನ್ನು ಸಿದ್ಧ ಪಡಿಸಿದ್ದಾರೆಂದು ಹೇಳಲಾಗುತ್ತಿದೆ.
ಈ ಬಾರಿಯ ಸಂಪುಟ ವಿಸ್ತರಣೆಯಲ್ಲಿ ಯುವ ಶಾಸಕರಿಗೆ ಹೆಚ್ಚಿನ ಮಹತ್ವ ನೀಡಿದರೆ ಇದು ಮುಂದಿನ ವಿಧಾನಸಭಾ ಚುನಾವಣೆಗೆ ಸಹಕಾರಿ ಆಗಲಿದೆ ಎನ್ನುವುದು ರಾಹುಲ್​ ಗಾಂಧಿ ಅವರ ಲೆಕ್ಕಾಚಾರ ಎನ್ನವುದು ರಾಜಕೀಯ ಮೊಗಸಾಲೆಯಲ್ಲಿ ಕೇಳಿ ಬರುತ್ತಿರುವ ವರ್ತಮಾನವಾಗಿದೆ, (ಏಜನ್ಸೀಸ್).
Congress
Siddaramaiah
DKShivakumar
rahulgandhi
KarnatakaPolitics
kannadanews
mallikarjunkharge
cabinetexpansion
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net