ಗೌರಿ ಸ್ಪ್ರಾಟ್ ಜೊತೆ ಅಮೀರ್ ಖಾನ್ ಮೂರನೇ ವಿವಾಹ: ತಂದೆಯ ಮದುವೆಯಲ್ಲಿ ಭಾಗಿಯಾಗಿ ಗಮನ ಸೆಳೆದ ಮಕ್ಕಳು | Aamir Khan

ಮುಂಬೈ: ಬಾಲಿವುಡ್ ನಟ ಅಮಿರ್ ಖಾನ್(Aamir Khan) ಮತ್ತು ಅವರ ಗೆಳತಿ ಗೌರಿ ಸ್ಪ್ರಾಟ್ ಭಾನುವಾರ(ಜು. 05) ತಮ್ಮ ದೀರ್ಘಕಾಲದ ತಮ್ಮ ನಡುವಿನ ಪ್ರೀತಿಗೆ ಮದುವೆ ಎಂಬ ಮುದ್ರೆಯನ್ನು ಹೊತ್ತಿದ್ದಾರೆ. ಸ್ಪ್ರಾಟ್ ಇದು ಎರಡನೇ ಮದುವೆಯಾದ್ರೆ, ಅಮಿರ್ ಖಾನ್ ಅವರಿಗೆ ಇದು ಮೂರನೇ ಮದುವೆಯಾಗಿದೆ.

ಮದುವೆಯ ವಿಡಿಯೋವನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಶುಭಾಶಯ ಕೋರಿರುವ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್, ಆತ್ಮೀಯ ಅಮೀರ್ ಭಾಯ್ ಮತ್ತು ಗೌರಿ, ನಿಮ್ಮ ವಿವಾಹಕ್ಕೆ ಹೃತ್ಪೂರ್ವಕ ಅಭಿನಂದನೆಗಳು! ನಿಮ್ಮಿಬ್ಬರಿಗೂ ಪ್ರೀತಿ, ಸಂತೋಷ, ನಗು ಮತ್ತು ಒಗ್ಗಟ್ಟಿನ ಜೀವಿತಾವಧಿ ಸಿಗಲಿ ಎಂದು ಹಾರೈಸುತ್ತೇನೆ ಎಂದು ಬರೆದಿಕೊಂಡಿದ್ದಾರೆ.

ಮುದುವೆಯು ಮುಂಬೈನ ಬಾಂದ್ರಾದಲ್ಲಿರುವ ಅಮೀರ್​ ಖಾನ್​ ಅವರ ಮನೆಯಲ್ಲಿ ನಡೆದಿದ್ದು, ಆಪ್ತ ಸ್ನೇಹಿತರು ಹಾಗೂ ಬಂಧುಗಳ ಸಮ್ಮುಖದಲ್ಲಿ ಅಮೀರ್​ ಖಾನ್​ ಹಾಗೂ ಗೌರಿ ಸ್ಪ್ರಾಟ್ ಕಾನೂನಾತ್ಮಕ ಪತ್ರಗಳಿಗೆ ಸಹಿ ಮಾಡುವ ಮೂಲಕ ಇಬ್ಬರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ವಿಡಿಯೋದಲ್ಲಿ ತಂದೆಯ ಮದುವೆಯಲ್ಲಿ ಅಮೀರ್​ ಖಾನ್​ ಅವರ ಪುತ್ರ ಜುನೈದ್​ ಮತ್ತು ಇರಾ ಭಾಗವಹಿಸಿದ್ದರು. ಹಾಗೆಯೇ ಗೌರಿಯವರ ಮಗ ದಂಪತಿಗಳ ನಡುವೆ ಕುಳಿತಿದ್ದು ಎಲ್ಲರ ಗಮನ ಸೆಳೆದಿದೆ (ಏಜೆನ್ಸೀಸ್).