ಇದು ಭಾರತದ ಮುಖ್ಯ ಭೂಭಾಗ ಮತ್ತು ದೇಶದ ಗಡಿಯಾಚೆ 1,500 ಕಿ.ಮೀ ವರೆಗಿನ ಪ್ರದೇಶದಲ್ಲಿ ಸ್ಥಾನ ನಿರ್ಧಾರ, ಸಂಚಾರ ಮಾರ್ಗದರ್ಶನ, ಸಮಯ ನಿರ್ಧಾರ ಅಂದರೆ PNT ಸೇವೆಗಳನ್ನು ಒದಗಿಸುತ್ತದೆ. ಈ ಸೇವೆಗಳು ಕಡಲ ಸುರಕ್ಷತೆ, ವಾಹನಗಳ ಜಾಡು ಪತ್ತೆಹಚ್ಚುವಿಕೆ ಮತ್ತು ತುರ್ತು ಎಚ್ಚರಿಕೆಗಳಿಗೆ ನೆರವಾಗುತ್ತವೆ.
ಜೊತೆಗೆ ಈ ಉಪಗ್ರಹವು ಸ್ಥಾನೀಕರಣದ ನಿಖರತೆಯನ್ನು ಸುಧಾರಿಸಲು ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ರುಬಿಡಿಯಮ್ ಪರಮಾಣು ಗಡಿಯಾರವನ್ನು ಹೊಂದಿದೆ. ಇದು L5 ಮತ್ತು S ಬ್ಯಾಂಡ್‌ಗಳ ಜೊತೆಗೆ ನಾಗರಿಕ L1 ಬ್ಯಾಂಡ್‌ನಲ್ಲಿ ಸಂಕೇತಗಳನ್ನು ಪ್ರಸಾರ ಮಾಡುತ್ತದೆ. ಸ್ಮಾರ್ಟ್‌ಫೋನ್‌ಗಳು, ಸ್ಮಾರ್ಟ್‌ವಾಚ್‌ಗಳು ಮತ್ತು ಫಿಟ್‌ನೆಸ್ ಟ್ರ್ಯಾಕರ್‌ಗಳಂತಹ ಗ್ರಾಹಕ ಸಾಧನಗಳೊಂದಿಗೆ ಹೊಂದಿಕೊಳ್ಳುವಂತೆ ಮಾಡುತ್ತದೆ. ಈ ಉಪಗ್ರಹವು US-ಸ್ವಾಮ್ಯದ GPS ನಂತಹ ವಿದೇಶಿ ಸಂಚರಣೆ ವ್ಯವಸ್ಥೆಗಳ ಮೇಲಿನ ಭಾರತದ ಅವಲಂಬನೆಯನ್ನು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ (ಏಜೆನ್ಸೀಸ್).
