ಪಾಕಿಸ್ತಾನ, ಬಾಂಗ್ಲಾದೇಶಕ್ಕೆ ಇಮೇಲ್ ಮಾರಾಟ!
2021ರಿಂದಲೇ ಈ ದಂಧೆಗಿಳಿದಿದ್ದ ಅಂಕಿತ್, ವೈಫೈ ಮತ್ತು ಪ್ರಾಕ್ಸಿ ನೆಟ್‌ವರ್ಕ್ ಬಳಸಿ ಯಾರಿಗೂ ಅನುಮಾನ ಬಾರದಂತೆ ಲಕ್ಷಾಂತರ ಇಮೇಲ್ ಐಡಿಗಳನ್ನು ತಯಾರಿಸುತ್ತಿದ್ದ. ಬಳಿಕ ಫೇಸ್‌ಬುಕ್ ಗ್ರೂಪ್‌ಗಳ ಮೂಲಕ ಪಾಕಿಸ್ತಾನ, ಬಾಂಗ್ಲಾದೇಶ, ಟರ್ಕಿ ಮತ್ತು ಈಜಿಪ್ಟ್ ದೇಶದವರಿಗೆ ಇವುಗಳನ್ನು ಮಾರಾಟ ಮಾಡುತ್ತಿದ್ದ. ಕೇವಲ ಇಮೇಲ್ ಐಡಿ ಮಾತ್ರವಲ್ಲ, ಪಾಸ್‌ವರ್ಡ್, ರಿಕವರಿ ಮೇಲ್ ಮತ್ತು ಸೆಕ್ಯುರಿಟಿ ಕೋಡ್‌ಗಳ ಸಮೇತ ಎಕ್ಸೆಲ್ ಶೀಟ್ ತಯಾರಿಸಿ ವಾಟ್ಸಾಪ್ ಮೂಲಕ ಕಳುಹಿಸುತ್ತಿದ್ದ. ಇದಕ್ಕೆ ಪ್ರತಿಯಾಗಿ ಕ್ರಿಪ್ಟೋಕರೆನ್ಸಿ ಮೂಲಕ ಲಕ್ಷಾಂತರ ರೂಪಾಯಿ ಹಣ ಪಡೆಯುತ್ತಿದ್ದ.
ಬಾಂಬ್ ಬೆದರಿಕೆ ಲಿಂಕ್ ಸಿಕ್ಕಿದ್ದು ಹೇಗೆ?
ಅಕ್ಟೋಬರ್ 12 ರಂದು 'ಖಲಿಸ್ತಾನ್ ನ್ಯಾಷನಲ್ ಆರ್ಮಿ-ಬಬ್ಬರ್ ಖಾಲ್ಸಾ' ಹೆಸರಿನಲ್ಲಿ ಶಾಲೆಗಳಿಗೆ ಮತ್ತು ಗಾಯಕ ದಿಲ್ಜಿತ್ ದೋಸಾಂಜ್ ಕಾರ್ಯಕ್ರಮಕ್ಕೆ ಬಾಂಬ್ ಬೆದರಿಕೆ ಬಂದಿತ್ತು. ಹಾಗೆಯೇ ಅಕ್ಟೋಬರ್ 23 ರಂದು ಮುಂಬೈ ಮೇಯರ್ ಕಚೇರಿಗೂ ಬೆದರಿಕೆ ಮೇಲ್ ಹೋಗಿತ್ತು. ತನಿಖಾಧಿಕಾರಿಗಳು ಈ ಇಮೇಲ್‌ಗಳ ಜಾಡು ಹಿಡಿದಾಗ, ಅದು ಕಾನ್ಪುರದ ಅಂಕಿತ್ ಬಳಿ ಬಂದು ನಿಂತಿತ್ತು.
