ಕಸಗುಡಿಸುವವರಿಗೆ 2 ಲಕ್ಷ, ಇಂಜಿನಿಯರ್​ಗೆ 7 ಲಕ್ಷ ರೂ. ಸಂಬಳ: ಈ ರಾಜ್ಯದ ಸರ್ಕಾರಿ ನೌಕರರಿಗೆ ಬಂಪರ್​! Monthly Salary

ಹೈದರಾಬಾದ್: ಕಳೆದ ದಶಕದಿಂದ ತೆಲಂಗಾಣದ ಸಂಬಳ ಮತ್ತು ಪಿಂಚಣಿ ಹೊರೆ ತೀವ್ರವಾಗಿ ಹೆಚ್ಚಾಗಿದೆ. ರಾಜ್ಯವು ಈಗ ಪ್ರತಿ ತಿಂಗಳು ಸುಮಾರು 6,000 ಕೋಟಿ ರೂ.ಗಳನ್ನು ವೇತನ ( Monthly Salary ) ಮತ್ತು ಪಿಂಚಣಿಗಾಗಿ ಖರ್ಚು ಮಾಡುತ್ತಿದೆ. ಇದು 2014 ರಲ್ಲಿ ರಾಜ್ಯ ರಚನೆಯ ಸಮಯದಲ್ಲಿ ಖರ್ಚು ಮಾಡಿದ್ದಕ್ಕಿಂತಲೂ ಸುಮಾರು ನಾಲ್ಕು ಪಟ್ಟು ಹೆಚ್ಚಾಗಿದೆ ಎಂದು ಹಿರಿಯ ಸರ್ಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ.

ಸರ್ಕಾರದ ಉನ್ನತ ದರ್ಜೆಯ ಇಂಜಿನಿಯರ್‌ಗಳು ತಿಂಗಳಿಗೆ 7 ಲಕ್ಷ ರೂ.ಗಳವರೆಗೆ ವೇತನ ಪಡೆಯುತ್ತಿದ್ದಾರೆ ಮತ್ತು ಗ್ರೇಟರ್ ಹೈದರಾಬಾದ್ ಮುನ್ಸಿಪಲ್ ಕಾರ್ಪೊರೇಷನ್ (GHMC) ನಲ್ಲಿರುವ ಹಿರಿಯ ಸ್ವಚ್ಛತಾ ಕಾರ್ಮಿಕರು ತಮ್ಮ ದೀರ್ಘ ವರ್ಷಗಳ ಸೇವೆಯ ನಂತರ ತಿಂಗಳಿಗೆ ಸುಮಾರು 2 ಲಕ್ಷ ರೂ.ಗಳನ್ನು ವೇತನವನ್ನಾಗಿ ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಚುನಾವಣೆಯ ಸಲುವಾಗಿ ಸತತ ವೇತನ ಪರಿಷ್ಕರಣೆಗಳಿಂದಾಗಿ ಈ ವೇತನ ಏರಿಕೆಯಾಗಿದೆ ಮತ್ತು ಇದು ಸ್ಥಿರ ವೆಚ್ಚವನ್ನು ಹೆಚ್ಚಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ತೆಲಂಗಾಣದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವವರಲ್ಲಿ ತೆಲಂಗಾಣ ರಾಜ್ಯ ವಿದ್ಯುತ್ ಉತ್ಪಾದನಾ ನಿಗಮ ಲಿಮಿಟೆಡ್ (TGGENCO), ತೆಲಂಗಾಣ ರಾಜ್ಯ ಪ್ರಸರಣ ನಿಗಮ ಲಿಮಿಟೆಡ್ (TGTRANSCO) ಮತ್ತು ಡಿಸ್ಕಾಮ್‌ಗಳಾದ ತೆಲಂಗಾಣ ಸದರ್ನ್ ಪವರ್ ಡಿಸ್ಟ್ರಿಬ್ಯೂಷನ್ ಕಂಪನಿ ಲಿಮಿಟೆಡ್ ಮತ್ತು ತೆಲಂಗಾಣ ನಾರ್ದರ್ನ್ ಪವರ್ ಡಿಸ್ಟ್ರಿಬ್ಯೂಷನ್ ಕಂಪನಿ ಲಿಮಿಟೆಡ್‌ನ ಮುಖ್ಯ ಇಂಜಿನಿಯರ್‌ಗಳಾಗಿದ್ದು, ಈ ಕಂಪನಿಗಳ ಹಿರಿಯ ಮಟ್ಟದಲ್ಲಿ ಮಾಸಿಕ ವೇತನವನ್ನು 7 ಲಕ್ಷ ರೂ.ಗಳಿಗೆ ಹೆಚ್ಚಿಸಲಾಗಿದೆ ಎಂದು ತಿಳಿದು ಬಂದಿದೆ.

ಹೈದರಾಬಾದ್ ನಗರವನ್ನು ನಿರ್ವಹಿಸುವ GHMC ಯಲ್ಲಿ ಖಾಯಂಗೊಳಿಸಿದ ಸ್ವಚ್ಛತಾ ಕಾರ್ಮಿಕರು ತಿಂಗಳಿಗೆ ಸರಾಸರಿ 70,000 ರೂ. ಸಂಬಳ ಪಡೆದರೆ, ಆರಂಭಿಕ ಹಂತದ ಪುರಸಭೆಯ ಸಿಬ್ಬಂದಿಗಳು ಸುಮಾರು 28,000 ರೂ. ಸಂಬಳ ಮತ್ತು ದೀರ್ಘ ಸೇವೆಯನ್ನು ಹೊಂದಿರುವ ಹಿರಿಯ ವರ್ಗ-4 ಕಾರ್ಮಿಕರು ಮಾಸಿಕ 2 ಲಕ್ಷ ರೂ. ಗಳ ವರೆಗೆ ವೇತನ ಪಡೆಯಬಹುದಾಗಿದೆ.

ತುಟ್ಟಿ ಭತ್ಯೆ (DA): ಮೂಲ ವೇತನದ ಶೇ. 33.67% ರಷ್ಟು (ಇತ್ತೀಚಿನ ಪರಿಷ್ಕರಣೆ ಜನವರಿ 2026 ರಿಂದ ಜಾರಿಗೆ ಬಂದಿರುವಂತೆ).

ಗ್ರೂಪ್​-1 (ಹಿರಿಯ ಅಧಿಕಾರಿಗಳು): ಮೂಲ ವೇತನ 54,000 ರೂ.ಗಳಿಂದ 1,33,000 ರೂ.ಗಳ ವರೆಗೆ ಇದ್ದು, ಒಟ್ಟು ಸಂಬಳ 80000 ರೂ.ನಿಂದ 1.5 ಲಕ್ಷಕ್ಕೂ ರೂ.ಗಳಿಗೂ ಹೆಚ್ಚಿದೆ.

ಗ್ರೂಪ್​-2 (ಮಧ್ಯಮ ಅಧಿಕಾರಿಗಳು): ಮೂಲ ವೇತನ 38,890 ರೂ.ಗಳಿಂದ 1,18,230 ರೂ.ಗಳ ವರೆಗೆ ಹಾಗೂ ಒಟ್ಟು ವೇತನ 60,000 ರೂ.ಗಳಿಂದ 1.2 ಲಕ್ಷಕ್ಕೂ ರೂ.ಗಳಿಗೂ ಹೆಚ್ಚಿದೆ.

ಗ್ರೂಪ್​-3 (ಕ್ಲೆರಿಕಲ್/ತಾಂತ್ರಿಕ): ಮೂಲ ವೇತನ 32,810 ರೂ.ಗಳಿಂದ 96,890, ಒಟ್ಟು ರೂ.ಗಳ ವರೆಗೆ ಹಾಗೂ ಒಟ್ಟು ವೇತನ 45,000 ರೂ.ಗಳಿಂದ 1 ಲಕ್ಷಕ್ಕೂ ರೂ.ಗಳಿಗೂ ಹೆಚ್ಚಿದೆ.

ಗ್ರೂಪ್​-4 (ಸಹಾಯಕ ಸಿಬ್ಬಂದಿ): ಮೂಲ ವೇತನ 24,280 ರೂ.ಗಳಿಂದ 72,850, ರೂ.ಗಳ ವರೆಗೆ ಹಾಗೂ ಒಟ್ಟು ವೇತನ 35,000 ರೂ.ಗಳಿಂದ 50,000. ರೂ.ಗಳ ವರೆಗೆ ಇದೆ.

ಹೆಚ್ಚಿನ ಉದ್ಯೋಗಿಗಳು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯ (NPS) ಅಡಿಯಲ್ಲಿದ್ದಾರೆ. ಭಾರಿ ವೇತನ ಬಿಲ್ ಹೊರತಾಗಿಯೂ, ಹೆಚ್ಚುತ್ತಿರುವ ರಾಜ್ಯ ಆದಾಯದಿಂದ ಇಲ್ಲಿಯವರೆಗೆ ಸಮಯಕ್ಕೆ ಸರಿಯಾಗಿ ವೇತನವನ್ನು ಪಾವತಿಸುವುದರಲ್ಲಿ ಸರ್ಕಾರವು ವಿಫಲವಾಗಿಲ್ಲ ಎಂದು ಅಧಿಕಾರಿಗಳು ಹೇಳುತ್ತಾರೆ. ಇತ್ತೀಚಿನ ಕಂಟ್ರೋಲರ್ ಮತ್ತು ಆಡಿಟರ್ ಜನರಲ್ ವರದಿಯು 2023-24ರಲ್ಲಿ, ರಾಜ್ಯದ ಆದಾಯದ ಸುಮಾರು 45% ಸಂಬಳ, ಪಿಂಚಣಿ ಮತ್ತು ಸಾಲದ ಮೇಲಿನ ಬಡ್ಡಿಯನ್ನು ಪಾವತಿಸಿದೆ ಎಂದು ಲೆಕ್ಕ ತೋರಿಸಿದೆ.

ಇಷ್ಟೆಲ್ಲ ಸವಾಲುಗಳ ಹೊರತಾಗಿಯೂ, ತೆಲಂಗಾಣದ ಆರ್ಥಿಕತೆಯು ವಿಸ್ತರಿಸುತ್ತಲೇ ಇದೆ. GSDP ಬೆಳವಣಿಗೆ 10% ಕ್ಕಿಂತ ಹೆಚ್ಚಿದೆ ಮತ್ತು ತಲಾ ಆದಾಯವು ಭಾರತದಲ್ಲಿ ಅತ್ಯಧಿಕವಾಗಿದೆ ಎಂದು CMO ಮತ್ತು ಸರ್ಕಾರದ ಕಲ್ಯಾಣ ಬದ್ಧತೆಯ ಹಿರಿಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ, (ಏಜೆನ್ಸೀಸ್​).