17 ಭಾಷೆ..48 ಸಾವಿರ ಹಾಡು..ದಕ್ಷಿಣ ಭಾರತೀಯರ ಮೇಲೆ ಅಸಡ್ಡೆ; ಪದ್ಮಭೂಷಣವನ್ನೇ ನಿರಾಕರಿಸಿದ್ದ ಗಾಯಕಿ ಎಸ್. ಜಾನಕಿ! S Janaki Passes Away

ಮೈಸೂರು: ತಮ್ಮ ಕಂಠ ಸಿರಿ ಮೂಲಕವೇ ಕೋಟ್ಯಾಂತರ ಅಭಿಮಾನಿಗಳನ್ನು ಗಳಿಸಿದ್ದ ಗಾನ ಕೋಗಿಲೆ, ದಕ್ಷಿಣ ಭಾರತದ ನೈಟಿಂಗೆಲ್​ ಖ್ಯಾತಿಯ ಎಸ್​. ಜಾನಕಿ (88) ಅವರು ಶನಿವಾರ (ಜು.11) ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಅವರು ನಿಧನ ಹೊಂದಿದ್ದಾರೆ.

ದಶಕಗಳಿಗಿಂತಲೂ ಹೆಚ್ಚು ಕಾಲ ತಮ್ಮ ಸುಮಧುರ ಕಂಠದ ಮೂಲಕ ಕಲಾಸೇವೆ ಮಾಡಿದ್ದ ಎಸ್​. ಜಾನಕಿ (S Janaki Passes Away) ಅವರು ಇಂದು ಮೈಸೂರಿನ ಅಪೋಲೋ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದ್ದಿದ್ದಾರೆ.

1938 ಏಪ್ರಿಲ್‌ 23 ರಂದು ಆಂಧ್ರಪ್ರದೇಶದ ಗುಂಟೂರಿನಲ್ಲಿ ಜನನಿಸಿ ಸಿಸ್ಟಲ್ ಜಾನಕಿ (ಎಸ್‌. ಜಾನಕಿ) ತೆಲುಗು, ತಮಿಳು ಕನ್ನಡ ಸೇರಿದಂತೆ ಸುಮಾರು 17 ಭಾಷೆಗಳಲ್ಲಿ 48 ಸಾವಿರಕ್ಕೂ ಅಧಿಕ ಹಾಡುಗಳನ್ನು ಹಾಡಿರುವ ಕೀರ್ತಿ ಎಸ್​. ಜಾನಕಿ ಅವರಿಗೆ ಸಲ್ಲುತ್ತದೆ. ಡಾ. ರಾಜ್‌ಕುಮಾರ್, ಪಿ. ಬಿ. ಶ್ರೀನಿವಾಸ್, ಎಸ್. ಪಿ. ಬಾಲಸುಬ್ರಹ್ಮಣ್ಯಂ ಇವರೊಂದಿಗೆ ಜಾನಕಿ ಅವರು ಹಾಡಿದ ಹಾಡುಗಳು ಅಮರವಾಗಿವೆ ಎಂದರೆ ಸುಳ್ಳಲ್ಲ.

ಹಾಗೆಯೇ ಇವರು ಎ.ಆರ್​. ರೆಹಮಾನ್​, ಇಳಯರಾಜ, ಹಂಸಲೇಖ, ಜಿ.ಕೆ. ವೆಂಕಟೇಶ್​, ರಾಜನ್​ ನಾಗೇಂದ್ರ ಸೇರಿದಂತೆ ಭಾರತದ ಖ್ಯಾತನಾಮ ಎಲ್ಲಾ ಸಂಗೀತ ನಿರ್ದೇಶಕರೊಂದಿಗೆ ಕೆಲಸ ಮಾಡಿರುವುದು ಇನ್ನೊಂದು ಹೆಗ್ಗಳಿಕೆ ಆಗಿದೆ.

1960 ರಿಂದ ಕಲಾ ಸೇವೆಯಲ್ಲಿದ್ದ ಎಸ್​. ಜಾನಕಿ ಅವರಿಗೆ ಭಾರತ ಸರ್ಕಾರ 2013 ರಲ್ಲಿ ದೇಶದ ಮೂರನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮಭೂಷಣ ನೀಡಲು ಮುಂದಾದಾಗ ಗಾಯಕಿ ಇದನ್ನು ತಿರಸ್ಕರಿಸಿದ್ದರು.

ನಾನು ಕಲಾರಂಗದಲ್ಲಿದ್ದು ಹೆಚ್ಚು ಕಡಿಮೆ ಅರ್ಧ ದಶಕ ಕಳೆದ ಮೇಲೆ ಬಂದಿರುವ ಈ ಪ್ರಶಸ್ತಿ ನನಗೆ ಬೇಡ, ಹಾಗೂ ಈ ಪದ್ಮ ಪ್ರಶಸ್ತಿಗಳನ್ನು ವಿತರಿಸುವಾಗ ದಕ್ಷಿಣ ಭಾರತೀಯರನ್ನು ಕಡೆಗಣನೆ ಮಾಡಲಾಗುತ್ತದೆ ಎಂದು ಜಾನಕಿ ಅವರು ಬೇಸರ ವ್ಯಕ್ತ ಪಡಿಸಿದ್ದರು.

ಎಸ್. ಜಾನಕಿ ಅವರು ಅತ್ಯುತ್ತಮ ಹಿನ್ನೆಲೆ ಗಾಯಕಿ ವಿಭಾಗದಲ್ಲಿ 4 ರಾಷ್ಟ್ರ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಕನ್ನಡ ಚಿತ್ರಗಳಲ್ಲಿನ ಅತ್ಯುತ್ತಮ ಗಾಯನಕ್ಕಾಗಿ ಎಸ್. ಜಾನಕಿ ಅವರು ದಾಖಲೆಯ 10 ಬಾರಿ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಕನ್ನಡ ಸಾಹಿತ್ಯ ಮತ್ತು ಸಂಸ್ಕೃತಿಗೆ ನೀಡಿದ ಕೊಡುಗೆಗಾಗಿ ಕರ್ನಾಟಕ ಸರ್ಕಾರ 2014 ರಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ನೀಡಿದರೆ, 2014 ರಲ್ಲಿಯೇ ಕರ್ನಾಟಕ ಸರ್ಕಾರದ ಅತ್ಯುನ್ನತ ಚಲನಚಿತ್ರ ಪ್ರಶಸ್ತಿಯಾದ ಡಾ. ರಾಜಕುಮಾರ್ ಪ್ರಶಸ್ತಿ ಪಡೆದಿದ್ದಾರೆ. ನಂತರ ದಕ್ಷಿಣ ಭಾರತದ ಚಿತ್ರರಂಗದಲ್ಲಿನ ಒಟ್ಟಾರೆ ಸಾಧನೆಗಾಗಿ 2015 ರಲ್ಲಿ ಫಿಲ್ಮ್ ಫೇರ್ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ನೀಡಲಾಗಿದೆ, (ಏಜನ್ಸೀಸ್​).