13 ಕೋಟಿ ವೀವ್ಸ್​... ಒಂದೇ ಒಂದು ರೀಲ್​ನಿಂದ ಬದಲಾಯಿತು 2 ವರ್ಷದ ಪುಟಾಣಿಯ ಬದುಕು, ಪದವಿವರೆಗೆ ಫ್ರೀ ಎಜುಕೇಶನ್​! Maharashtra Viral Kid

ಶೋರೂಂನಲ್ಲಿ ಹೊಸ ಸ್ಕೂಟರ್ ಮುಂದೆ ನಿಂತಿದ್ದ ರುದ್ರಾಂಶ್, ಕಣ್ಣಿಗೆ ಕೂಲಿಂಗ್ ಗ್ಲಾಸ್ (ಸನ್‌ಗ್ಲಾಸ್) ಧರಿಸಿ, ಜೇಬಿನಲ್ಲಿ ಕೈ ಹಾಕಿಕೊಂಡು ಅತ್ಯಂತ ಆತ್ಮವಿಶ್ವಾಸದಿಂದ ಸ್ಟೈಲಿಶ್ ಆಗಿ ಪೋಸ್ ನೀಡಿದ್ದನು. ಕುಟುಂಬಸ್ಥರು ಸೆರೆಹಿಡಿದ ಆ ಸಣ್ಣ ವಿಡಿಯೋ ಕ್ಲಿಪ್ ಅನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡ ಬೆನ್ನಲ್ಲೇ, ನೆಟ್ಟಿಗರ ಗಮನ ಸೆಳೆದು ಕಾಡ್ಗಿಚ್ಚಿನಂತೆ ವೈರಲ್ ಆಯಿತು.
Maharashtra Viral Kid
13 ಕೋಟಿ ವೀವ್ಸ್​... ಒಂದೇ ಒಂದು ರೀಲ್​ನಿಂದ ಬದಲಾಯಿತು 2 ವರ್ಷದ ಪುಟಾಣಿಯ ಬದುಕು, ಪದವಿವರೆಗೆ ಫ್ರೀ ಎಜುಕೇಶನ್​!
Published on: 

ಮುಂಬೈ: ಹೊಸ ಸ್ಕೂಟರ್ ಮುಂದೆ ಸಖತ್​ ಸ್ಟೈಲಿಶ್ ಆಗಿ ಪೋಸ್ ಕೊಟ್ಟ ಎರಡು ವರ್ಷದ ಬಾಲಕನೊಬ್ಬ ( Maharashtra Viral Kid ) ಇಂಟರ್ನೆಟ್ ಸೆನ್ಸೇಷನ್ ಆಗಿ ಹೊರಹೊಮ್ಮಿದ್ದು, ಆತನ ವಿಡಿಯೋ ಬರೋಬ್ಬರಿ 137 ಮಿಲಿಯನ್ (13.7 ಕೋಟಿ) ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಈ ವೈರಲ್ ಜನಪ್ರಿಯತೆಯು ಆ ಪುಟಾಣಿಗೆ ಕೇವಲ ಆನ್‌ಲೈನ್ ಖ್ಯಾತಿಯನ್ನು ಮಾತ್ರ ತಂದುಕೊಟ್ಟಿಲ್ಲ, ಬದಲಾಗಿ ಆತನ ಇಡೀ ಶೈಕ್ಷಣಿಕ ಭವಿಷ್ಯವನ್ನೇ ಭದ್ರಪಡಿಸಿದೆ. ಈ ಒಂದು ಅಪರೂಪದ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.

ಹೌದು, ಮಹಾರಾಷ್ಟ್ರದ ಯವತ್ಮಾಲ್ ನಿವಾಸಿಯಾದ ಎರಡು ವರ್ಷದ ರುದ್ರಾಂಶ್ ಸಿಂಗ್ ಠಾಕೂರ್ ಎಂಬ ಪುಟಾಣಿಯೇ ಈ ಇಂಟರ್ನೆಟ್ ಸ್ಟಾರ್. ಕಳೆದ ನವೆಂಬರ್ 9ರಂದು ರುದ್ರಾಂಶ್ ತನ್ನ ತಂದೆ, ತಾಯಿ ಹಾಗೂ ಅಕ್ಕನೊಂದಿಗೆ ಹೊಸ ಹೋಂಡಾ ಆಕ್ಟಿವಾ (Honda Activa) ಸ್ಕೂಟರ್ ಅನ್ನು ಮನೆಗೆ ತರಲು ಶೋರೂಂಗೆ ಭೇಟಿ ನೀಡಿದ್ದನು.

Also Read
ಚಿನ್ನ, ಬೆಳ್ಳಿ ಖರೀದಿಸುವವರಿಗೆ ಸಿಹಿಸುದ್ದಿ! ಸತತ 8ನೇ ದಿನವೂ ಕುಸಿದ ಬಂಗಾರದ ಬೆಲೆ, ಇಂದಿನ ಹೊಸ ದರವೆಷ್ಟು? Today Gold Rate
Maharashtra Viral Kid

ಶೋರೂಂನಲ್ಲಿ ಹೊಸ ಸ್ಕೂಟರ್ ಮುಂದೆ ನಿಂತಿದ್ದ ರುದ್ರಾಂಶ್, ಕಣ್ಣಿಗೆ ಕೂಲಿಂಗ್ ಗ್ಲಾಸ್ (ಸನ್‌ಗ್ಲಾಸ್) ಧರಿಸಿ, ಜೇಬಿನಲ್ಲಿ ಕೈ ಹಾಕಿಕೊಂಡು ಅತ್ಯಂತ ಆತ್ಮವಿಶ್ವಾಸದಿಂದ ಸ್ಟೈಲಿಶ್ ಆಗಿ ಪೋಸ್ ನೀಡಿದ್ದನು. ಕುಟುಂಬಸ್ಥರು ಸೆರೆಹಿಡಿದ ಆ ಸಣ್ಣ ವಿಡಿಯೋ ಕ್ಲಿಪ್ ಅನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡ ಬೆನ್ನಲ್ಲೇ, ನೆಟ್ಟಿಗರ ಗಮನ ಸೆಳೆದು ಕಾಡ್ಗಿಚ್ಚಿನಂತೆ ವೈರಲ್ ಆಯಿತು.

ಈ ವಿಡಿಯೋ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೋಬ್ಬರಿ 137 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದ್ದಲ್ಲದೆ, 68,000ಕ್ಕೂ ಹೆಚ್ಚು ಕಾಮೆಂಟ್‌ಗಳನ್ನು ಪಡೆದುಕೊಂಡಿದೆ. ಪುಟ್ಟ ವಯಸ್ಸಿನಲ್ಲೇ ರುದ್ರಾಂಶ್ ತೋರಿದ ಆ ಗತ್ತು, ಗಾಂಭೀರ್ಯ ಹಾಗೂ ವಿಶಿಷ್ಟ ಪೋಸ್‌ಗಳನ್ನು ಕಂಡು ಸೋಶಿಯಲ್ ಮೀಡಿಯಾ ಬಳಕೆದಾರರು ಫಿದಾ ಆಗಿದ್ದು, ಆತನಿಗೆ ‘ಔರಾ ಕಿಡ್’ (Aura Kid) ಎಂಬ ಬಿರುದನ್ನೂ ನೀಡಿದ್ದಾರೆ. ಕೆಲವರು ಈ ಪುಟಾಣಿಯ ಆಟಿಟ್ಯೂಡ್ ಅನ್ನು ‘ಲಿಟಲ್ ಡಾನ್’ಗೆ ಹೋಲಿಸಿದರೆ, ಮತ್ತೆ ಕೆಲವರು ತಮಾಷೆಯಾಗಿ ‘ಹೋಂಡಾ ಕಂಪನಿಯ ಹೊಸ ಚೇರ್ಮನ್’ ಎಂದೆಲ್ಲಾ ಕಾಮೆಂಟ್ ಮಾಡಿ ಮೆಚ್ಚುಗೆಯ ಮಳೆಗರೆದಿದ್ದಾರೆ.

ಈ ವೈರಲ್ ವಿಡಿಯೋ, ರುದ್ರಾಂಶ್ ಕುಟುಂಬವು ಸ್ಕೂಟರ್ ಖರೀದಿಸಿದ ‘ಸಾಯಿ ಪಾಯಿಂಟ್ ಹೋಂಡಾ’ (Sai Point Honda) ಡೀಲರ್‌ಶಿಪ್‌ನ ಮಾಲೀಕರಾದ ದಿಲೀಪ್ ಬೋಬಡೆ ಪಾಟೀಲ್ ಅವರ ಗಮನವನ್ನೂ ಸೆಳೆದಿದೆ. ಪುಟಾಣಿಯ ಈ ಅಮೋಘ ಜನಪ್ರಿಯತೆಯನ್ನು ಸಂಭ್ರಮಿಸಲು ಪಾಟೀಲ್ ಅವರು ರುದ್ರಾಂಶ್ ಮತ್ತು ಆತನ ಕುಟುಂಬವನ್ನು ಶೋರೂಂಗೆ ವಿಶೇಷವಾಗಿ ಆಹ್ವಾನಿಸಿದರು. ಈ ಸಂದರ್ಭದಲ್ಲಿ ಅತ್ಯಂತ ಹೃದಯಸ್ಪರ್ಶಿ ಘೋಷಣೆಯೊಂದನ್ನು ಮಾಡಿದ ದಿಲೀಪ್ ಪಾಟೀಲ್, ರುದ್ರಾಂಶ್‌ನ ಎಲ್‌ಕೆಜಿ/ಕೆಜಿ-1 (KG-1) ತರಗತಿಯಿಂದ ಹಿಡಿದು ಪದವಿ (Graduation) ಪೂರ್ಣಗೊಳ್ಳುವವರೆಗಿನ ಸಂಪೂರ್ಣ ಶಿಕ್ಷಣದ ವೆಚ್ಚವನ್ನು ತಾವೇ ಭರಿಸುವುದಾಗಿ ಭರವಸೆ ನೀಡಿದ್ದಾರೆ.

ಈ ಸಂತಸದ ಸುದ್ದಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಯಶ್ ಚಿಂಚೋಲ್ಕರ್ ಎಂಬುವವರು, ಮಗುವಿಗೆ ಕೇವಲ ಆಟಿಕೆಗಳು ಅಥವಾ ಉಡುಗೊರೆಗಳನ್ನು ನೀಡುವ ಬದಲು ಆತನ ಭವಿಷ್ಯವನ್ನೇ ರೂಪಿಸುವಂತಹ ಶ್ರೇಷ್ಠ ಕೊಡುಗೆಯನ್ನು ಡೀಲರ್ ನೀಡಿದ್ದಾರೆ ಎಂದು ಶ್ಲಾಘಿಸಿದ್ದಾರೆ. ಇನ್ನು ತಮ್ಮ ಮಗನಿಗೆ ಸಿಗುತ್ತಿರುವ ಈ ಪ್ರೀತಿ ಮತ್ತು ಬೆಂಬಲವನ್ನು ಕಂಡು ಭಾವುಕರಾಗಿರುವ ರುದ್ರಾಂಶ್ ತಾಯಿ, ಜನರು ತಮ್ಮ ಮಗನ ಮೇಲೆ ಇಷ್ಟೊಂದು ಪ್ರೀತಿ ತೋರಿಸುತ್ತಿರುವುದು ಮತ್ತು ಆತನ ಉಜ್ವಲ ಭವಿಷ್ಯಕ್ಕೆ ಕೈಜೋಡಿಸುತ್ತಿರುವುದು ನಿಜಕ್ಕೂ ವಿಶೇಷ ಹಾಗೂ ಸಂತಸದ ಕ್ಷಣವಾಗಿದೆ ಎಂದು ಸಂತೋಷ ವ್ಯಕ್ತಪಡಿಸಿದ್ದಾರೆ.

Also Read
ನಾಗರಹಾವು ಕಚ್ಚಿದರೂ ಹೆದರದ 75ರ ವೃದ್ಧ: ಬೆರಳಿಗೆ ಕಚ್ಚಿದ ವಿಷಸರ್ಪವನ್ನೇ ಹಿಡಿದು ಆಸ್ಪತ್ರೆಗೆ ತಂದ ಅಜ್ಜ! Snake Bite
Maharashtra Viral Kid

ಒಟ್ಟಿನಲ್ಲಿ, ಹೊಸ ಸ್ಕೂಟರ್ ಖರೀದಿಯ ಸಂಭ್ರಮದಲ್ಲಿ ಸುಮ್ಮನೆ ಸೆರೆಹಿಡಿದ ಒಂದು ಕೌಟುಂಬಿಕ ವಿಡಿಯೋ, ಇಂದು ಆ ಪುಟಾಣಿಯ ಬದುಕಿನಲ್ಲಿ ಅನಿರೀಕ್ಷಿತ ಹಾಗೂ ಸುವರ್ಣ ಅವಕಾಶದ ಬಾಗಿಲನ್ನು ತೆರೆದಿದೆ. ಸಾಮಾನ್ಯವಾಗಿ ಸೋಶಿಯಲ್ ಮೀಡಿಯಾದ ವೈರಲ್ ಜನಪ್ರಿಯತೆ ಕೆಲವೇ ದಿನಗಳಿಗೆ ಸೀಮಿತವಾಗಿರುತ್ತದೆ. ಆದರೆ, ರುದ್ರಾಂಶ್‌ನ ವಿಡಿಯೋಗೆ ಸಿಕ್ಕ ಈ ಯಶಸ್ಸು ಮತ್ತು ಹೋಂಡಾ ಡೀಲರ್ ನೀಡಿದ ಶಿಕ್ಷಣದ ಭರವಸೆಯು ಆತನ ಇಡೀ ಜೀವನದ ಮೇಲೆ ಶಾಶ್ವತ ಹಾಗೂ ಸಕಾರಾತ್ಮಕ ಪರಿಣಾಮ ಬೀರಲಿರುವುದು ನಿಜಕ್ಕೂ ಹೆಮ್ಮೆಯ ಸಂಗತಿಯಾಗಿದೆ, (ಏಜೆನ್ಸೀಸ್​).