ದೇಶೀಯವಾಗಿ ತಯಾರಾಯ್ತು ಕೋವಿಡ್​ ಪರೀಕ್ಷಾ ಕಿಟ್​

ನವದೆಹಲಿ: ಕರೊನಾ ಸೋಂಕು ಪರೀಕ್ಷಿಸಲು ಈವರೆಗೆ ವಿದೇಶಿ ಕಿಟ್​ಗಳನ್ನೇ ಅವಲಂಬಿಸಿದ್ದ ಭಾರತವೀಗ ದೇಶೀಯವಾಗಿ ಕಿಟ್​ವೊಂದನ್ನು ಅಭಿವೃದ್ಧಿಪಡಿಸಿದೆ.

ಪುಣೆಯಲ್ಲಿರುವ ನ್ಯಾಷನಲ್​ ಇನ್​ಸ್ಟಿಟ್ಯೂಫ್​ ವೈರಾಲಜಿ ಕರೊನಾ ಪರೀಕ್ಷೆಗೆಂದೇ ವಿಶೇಷ ಕಿಟ್​ ತಯಾರಿಸಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ್​ ಹೇಳಿದ್ದಾರೆ.

ಇದನ್ನೂ ಓದಿ; ಭಾರತದಲ್ಲೂ ಸಜ್ಜಾಗುತ್ತಿದೆ ಕೋವಿಡ್​19ಗೆ ರಾಮಬಾಣ

ಕೋವಿಡ್​ ಸೋಂಕು ಪತ್ತೆ ಹಾಗೂ ನಿಗಾವಣೆಯಲ್ಲಿ ಈ ಪರೀಕ್ಷಾ ಸಾಧನ ಮಹತ್ವಪೂರ್ಣ ಪಾತ್ರ ವಹಿಸಲಿದೆ. ಒಮದೇ ಬಾರಿಗೆ 90 ಮಾದರಿಗಳನ್ನು ಪರೀಕ್ಷಿಸುವ ಸಾಮರ್ಥ್ಯ ಈ ಕಿಟ್​ಗೆ ಇದೆ. ಅದು ಕೂಡ ಕೇವಲ 2.5 ತಾಸಿನಲ್ಲಿ ಕಾರ್ಯ ನೆರವೇರಿಸಲಿದೆ ಎಂದು ಅವರು ಹೇಳಿದ್ದಾರೆ.

ತ್ವರಿತವಾಗಿ ಕಾರ್ಯ ನಿರ್ವಹಿಸುವುದರಿಂದ ವೈದ್ಯರು ಅಗತ್ಯ ಮುಂಜಾಗರೂಕತಾ ಕ್ರಮಗಳನ್ನು ಆದಷ್ಟು ಬೇಗನೆ ಕೈಗೊಳ್ಳಲು ಸಾಧ್ಯವಾಗಲಿದೆ ಎಂದು ಹರ್ಷವರ್ಧನ್​ ತಿಳಿಸಿದ್ದಾರೆ.

https://www.vijayavani.net/from-may-12-passenger-train-service-restarts-special-train-from-delhi-to-bangalore/