ಗೋಮುಖ ವ್ಯಾಘ್ರಗಳ ಮೈತ್ರಿಗಾಗಿ ರೈತರ ಹಕ್ಕನ್ನು ಅಡವಿಟ್ಟಿದ್ದು ದುರಂತ: ನಳಿನ್​ ಕುಮಾರ್​ ಕಟೀಲ್​

ಬೆಂಗಳೂರು: ದೇಶದಾದ್ಯಂತ ಅಸ್ತಿತ್ವ ಉಳಿಸಿಕೊಳ್ಳಲು ಒದ್ದಾಡುತ್ತಿರುವ ಕಾಂಗ್ರೆಸ್​ I.N.D.I.A ಮೈತ್ರಿಕೂಟಕ್ಕಾಗಿ ಕರುನಾಡ ರೈತರ ಜೀವನಾಡಿಯನ್ನೇ ಬಲಿಕೊಟ್ಟಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ, ಸಂಸದ ನಳಿನ್​ ಕುಮಾರ್​ ಕಟೀಲ್ ರಾಜ್ಯ ಸರ್ಕಾರದ ವಿರುದ್ಧ​ ವಾಗ್ದಾಳಿ ನಡೆಸಿದ್ದಾರೆ.

ಈ ಕುರಿತು ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ಬರೆದುಕೊಂಡಿರುವ ಅವರು ರಾಜ್ಯದಲ್ಲಿ ಮಳೆ ಇಲ್ಲದೇ ಕಾವೇರಿ ನದಿ‌ ನೀರು ಕಡಿಮೆ ಇದೆ. ಕಾವೇರಿ ಕೊಳ್ಳದ ರೈತರಿಂದ ನೀರು ಕಸಿದ ಕಾಂಗ್ರೆಸ್​ ತಮಿಳುನಾಡಿಗೆ ಕೊಟ್ಟಿರುವುದು ಖಂಡನೀಯ ಎಂದು ಕಿಡಿಕಾರಿದ್ದಾರೆ.

ಮತ್ತೆ ಪಾದಯಾತ್ರೆ ಯಾವಾಗ

ಕಾವೇರಿಗಾಗಿ ಮತ್ತೆ ಪಾದಯಾತ್ರೆ ಡಿ.ಕೆ. ಶಿವಕುಮಾರ್​ ಅವರೇ ಈಗ ನೀರು ನಿಮ್ಮ ಹಕ್ಕಲ್ಲವೇ. ರಾಜ್ಯದಲ್ಲಿ ಮಳೆ ಇಲ್ಲದೇ ಕಾವೇರಿ ನದಿ‌ ನೀರು ಕಡಿಮೆ ಇದೆ. ಕಾವೇರಿ ಕೊಳ್ಳದ ರೈತರಿಂದ ನೀರು ಕಸಿದ ಕಾಂಗ್ರೆಸ್​ ಸರ್ಕಾರ ತಮಿಳುನಾಡಿಗೆ ಕೊಟ್ಟಿರುವುದು ಖಂಡನೀಯ. ಸಿಎಂ ಸಿದ್ದರಾಮಯ್ಯ ಅವರಿಗೆ ರಾಜ್ಯದ ರೈತರಿಗಿಂತ ರಾಜಕೀಯವೇ ಹೆಚ್ಚಾಯಿತೇ ಎಂದು ಚಾಟಿ ಬೀಸಿದ್ದಾರೆ.

ಇದನ್ನೂ ಓದಿ: ಸನ್ನಿ ಡಿಯೋಲ್​ ಮನೆ ಹರಾಜು ನೋಟಿಸ್​ ಹಿಂಪಡೆದ ಬ್ಯಾಂಕ್​ ಅಧಿಕಾರಿಗಳು; ಯಾವ ಕಾರಣಕ್ಕೆ ಎಂದ ಜೈರಾಮ್​ ರಮೇಶ್​

ದಿನಬೆಳಗಾದರೆ ಕಲುಷಿತ ನೀರು ಕುಡಿದ ರಾಜ್ಯದ ಜನರು ಅಸ್ವಸ್ಥರಾಗಿರುವುದು ಕಾಣುತ್ತಿದ್ದೇವೆ. ಮುಖ್ಯಮಂತ್ರಿಗಳಿಗೆ ರಾಜ್ಯದ ಜನರ ಜೀವವೇ ಲೆಕ್ಕಕ್ಕಿಲ್ಲ. ದೇಶದಾದ್ಯಂತ ಅಸ್ತಿತ್ವ ಉಳಿಸಿಕೊಳ್ಳಲು ಒದ್ದಾಡುತ್ತಿರುವ ಕಾಂಗ್ರೆಸ್​ I.N.D.I.A ಮೈತ್ರಿಕೂಟಕ್ಕಾಗಿ ಕರುನಾಡ ರೈತರ ಜೀವನಾಡಿಯನ್ನೇ ಬಲಿಕೊಟ್ಟಿದೆ ಎಂದು ಕಿಡಿಕಾರಿದ್ದಾರೆ.

I.N.D.I.A ಎಂಬ ಗೋಮುಖ ವ್ಯಾಘ್ರಗಳ ಮೈತ್ರಿಗಾಗಿ ರಾಜ್ಯದ ರೈತರ ಹಕ್ಕನ್ನು ತಮಿಳುನಾಡಿನೊಂದಿಗೆ ಅಡವಿಟ್ಟಿದ್ದು ದುರಂತವೇ ಸರಿ‌. ಇವರ ನಾಲ್ಕು ದಿನದ ಮೈತ್ರಿ ಆಟಕ್ಕಾಗಿ ರಾಜ್ಯದ ರೈತರಿಗೆ ಕಾಂಗ್ರೆಸ್ ಅನ್ಯಾಯ ಮಾಡುತ್ತಿದೆ. ಈ ಮೂಲಕ ಎಟಿಎಂ ಸರ್ಕಾರ ನಮ್ಮ ರೈತರನ್ನು ಸಾವಿನ ಕುಣಿಕೆಗೆ ತಳ್ಳಿದ್ದಾರೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್​ ಕುಮಾರ್​ ಕಟೀಲ್​ ಆರೋಪಿಸಿದ್ದಾರೆ.

https://www.vijayavani.net/bjp-mla-erupts-controversy-by-speaking-about-aishwarya-rai

https://www.vijayavani.net/police-shares-video-of-man-performing-stunt-while-riding-bike-i