Naga Chaitanya & sobhita Dhulipala ಮದುವೆಗೆ ಕ್ಷಣಗಣನೆ.. ಸೋಭಿತಾಳ ಒಟ್ಟು ಆಸ್ತಿ ಬಹಿರಂಗಗೊಳಿಸಿದ ವರದಿ

ಹೈದರಾಬಾದ್​: ಹೈದರಾಬಾದ್​ನ ಐಕಾನಿಕ್​ ಎಂದೇ ಫೇಮಸ್​​ ಆಗಿರುವ ಅನ್ನಪೂರ್ಣ ಸ್ಟೂಡಿಯೋದಲ್ಲಿ ಸೌತ್​ ಸ್ಟಾರ್​ ಅಕ್ಕಿನೇನಿ ನಾಗಚೈತನ್ಯ- ಸೋಭಿತಾ ಧೂಳಿಪಾಳ(Naga Chaitanya & sobhita Dhulipala) ಇದೇ ಡಿ.4 ರಂದು ಮದುವೆ ನಡೆಯಲಿದೆ. ಹೊಸ ದಾಂಪತ್ಯ ಜೀವನಕ್ಕೆ ಕಾಲಿಡಲಿಡುವ ಈ ಇಬ್ಬರ ಬಹು ನಿರೀಕ್ಷಿತ ಮದುವೆಗೆ ಟಾಲಿವುಡ್​ ಅಂಗಳದಲ್ಲಿ ಕ್ಷಣಗಣನೆ ಶುರುವಾಗಿದೆ.

ಇದೆಲ್ಲದರ ನಡುವೆ ಸೋಭಿತಾ ಧೂಳಿಪಾಳ ಅವರ ನಿವ್ವಳ ಆಸ್ತಿ ಬಗ್ಗೆ ವರದಿಯೊಂದು ಬಹಿರಂಗಗೊಳಿಸಿದೆ. ಅಲ್ಲದೆ, ಸಿನಿಮಾ ಮತ್ತು ಕಾರ್ಯಗಳಿಗೆ ಸೋಭಿತಾ ಭಾಗವಹಿದರೆ ಎಷ್ಟು ಚಾರ್ಚ್​​ ಮಾಡುತ್ತಾರೆ ಎಂದು ವರದಿ ಉಲ್ಲೇಖಿಸಿದೆ.

''ಆಂಧ್ರಪ್ರದೇಶದ ತೆನಾಲಿಯಲ್ಲಿ ಜನಿಸಿದ ಶೋಭಿತಾ ಅವರು 2013ರಲ್ಲಿ ಮಿಸ್​ ಇಂಡಿಯಾ ಅರ್ಥ್​ ಫ್ಯಾಷನ್​ನಲ್ಲಿ ಭಾಗವಹಿಸಿ ಅದನ್ನು ಗೆದ್ದುಕೊಂಡರು. ಅಲ್ಲಿಂದ ಅವರ ಖ್ಯಾತಿ ಹೆಚ್ಚಿಸಿತು. ಅಲ್ಲದೆ, ಮಾಡಲಿಂಗ್​ಗೆ ಬರುವುದಕ್ಕೆ ಇದು ದಾರಿ ಮಾಡಿಕೊಟ್ಟಿತ್ತು. 2016ರಲ್ಲಿ ರಮಣ್​ ರಾಘವ್​ 2.0 ಚಿತ್ರದ ಮೂಲಕ ಸಿನಿಮಾರಂಗಕ್ಕೆ ಪಾದಾರ್ಪಣೆ ಮಾಡಿದರು. ಬಳಿಕ ಗೂಢಚಾರಿ ಮತ್ತು ದಿ ನೈಟ್​ ಮ್ಯಾನೇಜರ್​ ಚಿತ್ರಗಳಲ್ಲಿ ನಟಿಸುವ ಮೂಲಕ ಮುನ್ನೆಲೆಗೆ ಬಂದರು. ತಮಿಳಿನ ಪೊನ್ನಿಯಮ್​ ಸೆಲ್ವಮ್​ ಸರಣಿ ಸಿನಿಮಾ ಅವರಿಗೆ ಹಿಟ್​ ಕೊಟ್ಟಿದೆ''.

32 ವಯಸ್ಸಿನ ಸೋಭಿತಾ ಅವರ ಆಸ್ತಿ ಒಟ್ಟು 7 ರಿಂದ 10 ಕೋಟಿ ರೂ. ಆಸ್ತಿ ಹೊಂದಿದ್ದಾರೆ. ಅಲ್ಲದೆ, ಪ್ರತಿ ಚಿತ್ರದಲ್ಲಿ ನಟಿಸಲು 70 ಲಕ್ಷ ರೂ. ದಿಂದ 1 ಕೋಟಿ ರೂ. ಚಾರ್ಚ್​ ಮಾಡುತ್ತಾರೆ ಎಂದು ವರದಿ ಉಲ್ಲೇಖಿಸಿದೆ. ನಾಗಚೈತನ್ಯ ಮತ್ತು ಸೋಭಿತಾಳ ಒಟ್ಟು ಆಸ್ತಿ 160 ಕೋಟಿ. ರೂ ಇದೆ ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ:ಭಾರತವನ್ನು ಸೋಲಿಸಿ ಪ್ರತಿಕಾರ ತಿರಿಸಿಕೊಳ್ಳಿ ಎಂದು ಪಾಕ್​ ತಂಡಕ್ಕೆ ಮನವಿ ಮಾಡಿದ ಶೋಯೆಬ್​ ಅಖ್ತರ್​ | ICC Champions Trophy 2025

ಇನ್ನು ಈಗಾಗಲೇ ವಧು ವರ ಕುಟುಂಬಗಳು ಹೈದರಾಬಾದ್​ನಲ್ಲಿ ನಿಶ್ಚಿತಾರ್ಥ ಮುಗಿಸಿಕೊಂಡು, ಸೋಭಿತಾ ತವರು ಮನೆ ವಿಶಾಖಪಟ್ಟಂನಲ್ಲಿ ತೆಲುಗು ಸಾಂಪ್ರದಾಯದಂತೆ 'ಪಸುಪು ದಂಚನಂ'(ಹರಿಶಿನಿ ಕಾರ್ಯ) ಮತ್ತು 'ಜಿಲಾಕರ್ರ ಬೆಲ್ಲಂ' ಸೇರಿದಂತೆ ಮದುವೆಯ ಮುನ್ನ ನಡೆಯುವ ವಿವಿಧ ಶಾಸ್ತ್ರಗಳು ನೆರವೇರಿವೆ. ಡಿ.4ರಂದು ಈ ಇಬ್ಬರ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ.

ಕಾರ್ಯಕ್ರಮದಲ್ಲಿ ಯಾರೆಲ್ಲಾ ಭಾಗಿ?

ಸೋಭಿತಾ ಅವರ ಕುಟುಂಬದ ಸದಸ್ಯರು ಸೇರಿದಂತೆ ಅಕ್ಕಿನೇನಿ ಮತ್ತು ದಗ್ಗುಬಾಟಿ ಕುಟುಂಬ ಸದಸ್ಯರು ಭಾಗವಹಿಸಲಿದ್ದಾರೆ. ಜತೆಗೆ ಸಿನಿ ರಂಗದ ಪ್ರಮುಖರು ಮಾತ್ರ ಪಾಲ್ಗೊಳಲಿದ್ದಾರೆ ಎನ್ನಲಾಗಿದೆ.(ಏಜೆನ್ಸೀಸ್​)

https://www.vijayavani.net/naga-chaitanya-and-sobhita-dhulipala-wedding-countdown-do-you-know-what-their-age-gap-is