ಹಣಕ್ಕಾಗಿ ಹತ್ಯೆ: 71 ವರ್ಷದ ಅಮೆರಿಕ ಮಹಿಳೆಯನ್ನು ಕೊಂದ 75ರ ಪ್ರಿಯಕರ!| Punjab

Punjab: ಭಾರತೀಯ ಮೂಲದ ಅಮೆರಿಕ ಪ್ರಜೆಯಾಗಿರುವ 71 ವರ್ಷದ ಮಹಿಳೆಯೊಬ್ಬರು, ಯುಕೆ ಮೂಲದ ವ್ಯಕ್ತಿಯೊಬ್ಬರನ್ನು ಮದುವೆಯಾಗಲು ಸಿಯಾಟಲ್​ನಿಂದ ಭಾರತಕ್ಕೆ ಬಂದ ಕೆಲವೇ ದಿನಗಳಲ್ಲಿ ಹತ್ಯೆಗೀಡಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆ ಏನು?

ಪೊಲೀಸರ ಪ್ರಕಾರ, ರುಪಿಂದರ್ ಕೌರ್​ ಅವರು ಚಿರಂಜೀತ್​ ಅವರನ್ನು ಮದುವೆಯಾಗಲು ಜುಲೈ ತಿಂಗಳಲ್ಲಿ ಸಿಯಾಟಲ್‌ನಿಂದ ಲುಧಿಯಾನಾಗೆ ಬಂದಿದ್ದರು. ಆದರೆ, ಮದುವೆಯ ಸಂದರ್ಭದಲ್ಲಿ ಚರಂಜೀತ್ ಅವರು ಮಹಿಳೆಗೆ ಮೋಸ ಮಾಡಿ, ಹಣಕ್ಕಾಗಿ ಹತ್ಯೆ ಸಂಚು ರೂಪಿಸಿದ್ದಾರೆ ಎಂದಿದ್ದಾರೆ.

ಇದನ್ನೂ ಓದಿ: ಆಳಂದದಲ್ಲಿ 6,018 ಮತದಾರರ ಹೆಸರು ಡಿಲೀಟ್​; ಚುನಾವಣಾ ಆಯೋಗ ಪ್ರಜಾಪ್ರಭುತ್ವದ ವಿಧ್ವಂಸಕ: ರಾಹುಲ್ ಗಾಂಧಿ ಗಂಭೀರ ಆರೋಪ

ಹತ್ಯೆ ನಂತರ ಜುಲೈ 24 ರಂದು ಪಂಧೇರ್ ಅವರ ಸಹೋದರಿ ಕಮಲ್ ಕೌರ್ ಖೈರಾ ಅವರ ಮೊಬೈಲ್ ಫೋನ್ ಸ್ವಿಚ್ ಆಫ್ ಆಗಿರುವುದನ್ನು ಕಂಡ ಪೊಲೀಸರು ಈಕೆಯ ಮೇಲೆ ಅನುಮಾನ ವ್ಯಕ್ತಪಡಿಸಿದ್ದಾರೆ.

ಈ ಕೊಲೆಯ ವಿಚಾರವಾಗಿ ಜುಲೈ 28ರಂದು ನವದೆಹಲಿಯಲ್ಲಿರುವ ಅಮೆರಿಕ ರಾಯಭಾರ ಕಚೇರಿಗೆ ಮಾಹಿತಿ ನೀಡಿದ್ದು, ಇದು ಅಲ್ಲಿನ ಸ್ಥಳೀಯ ಪೊಲೀಸರ ಮೇಲೆ ಒತ್ತಡ ಹೇರಿ ಈ ಪ್ರಕರಣವನ್ನು ಭೇದಿಸುವಂತೆ ಒತ್ತಾಯಿಸಿತು.

ಕೊಲೆ ನಡೆದಿದ್ದು ಹೇಗೆ?

ಆರೋಪಿ ಸೋನು, ರುಪಿಂದರ್ ಅವರನ್ನು ಮನೆಯಲ್ಲಿ ಕೊಂದು, ದೇಹವನ್ನು ಸ್ಟೋರ್​ರೂಂನಲ್ಲಿ ಸುಟ್ಟು ಹಾಕಿದ್ದಾರೆ. ಈ ಕೃತ್ಯ ಮಾಡಿದರೆ, ಚಿರಂಜೀತ್​ ಅವರು ಸೋನು ಅವರಿಗೆ 50 ಲಕ್ಷ ನೀಡುವುದಾಗಿ ತಿಳಿಸಿದ್ದರು ಎಂದು ಅದೀಕೃತ ಮಾಹಿತಿಗಳು ತಿಳಿಸಿವೆ.

ಇದನ್ನೂ ಓದಿ: ಐಶ್ವರ್ಯಾ ಮನೆಯಲ್ಲಿ ಸಲ್ಮಾನ್​ ಹುಚ್ಚು ವರ್ತನೆ… ಬ್ರೇಕಪ್​ ಹಿಂದಿನ ಅಸಲಿ ಸತ್ಯ ಕೊನೆಗೂ ಬಹಿರಂಗ! Salman Khan

ಪ್ರಕರಣದ ಬಗ್ಗೆ ಅಧಿಕಾರಿಗಳು ಮಾತನಾಡಿದ್ದು, ಈ ಕೃತ್ಯವು ಉದ್ದೇಶವಾಗಿತ್ತು. ಆರೋಪಿ ಚಿರಂಜೀತ್​ ಹಣದ ಆಸೆಗೆ ಮಹಿಳೆಯನ್ನು ಇಲ್ಲಿಗೆ ಕರೆಸಿಕೊಂಡು ಹತ್ಯೆಗೈದಿದ್ದಾನೆ. ಹಾಗೆಯೇ ಈತನ ಭೇಟಿಗೂ ಮುಂಚೆ ಚಿರಂಜೀತ್​ ಗೆ ಗಣನೀಯ ಪ್ರಮಾಣದ ಹಣವನ್ನು ಆಕೆಯೊಂದ ವರ್ಗಾಹಿಸಿಕೊಂಡಿದ್ದಾನೆ ಎಂದು ತಿಳಿಸಿದ್ದಾರೆ.

ಕೊಲೆಯ ನಂತರ ಸೋನು ಅವರನ್ನು ಬಂಧಿಸಿದ್ದು, ಚಿರಂಜೀತ್​ ತಲೆಮರೆಸಿಕೊಂಡಿದ್ದಾನೆ. ಇನ್ನು ಆತನನ್ನು ಬ್ರಿಟನ್‌ನಲ್ಲಿ ಬಂಧಿಸಲು ಪ್ರಕ್ರಿಯೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/illuminated-portrait-of-pm-modi-at-marine-drive-mumbai