ಎಂಜಿನಿಯರಿಂಗ್ ವಿದ್ಯಾರ್ಥಿ ಪ್ರಶಾಂತ್ ಸಿಂಗ್ ಅಲಕಾನಂದ ಅಪಾರ್ಟ್ಮೆಂಟ್ ಆವರಣವನ್ನು ಕಾರಿನಲ್ಲಿ ಪ್ರವೇಶಿಸುತ್ತಿದ್ದಂತೆ ಅಂದಾಜು 20ರಿಂದ 25 ಮಂದಿ ಯುವಕರು ಕಾರನ್ನು ಸುತ್ತುವರಿದರು. ಕಾರಿನ ಗಾಜು ಒಡೆದು ಪ್ರಶಾಂತ್ ಸಿಂಗ್ನನ್ನು ಹಲವು ಬಾರಿ ಇರಿದರು. ಪ್ರಶಾಂತ್ ತಪ್ಪಿಸಿಕೊಂಡು ಅಪಾರ್ಟ್ಮೆಂಟ್ ಕೊಠಡಿಗೆ ತೆರಳಲು ಮೆಟ್ಟಿಲು ಹತ್ತುತ್ತಿದ್ದ ವೇಳೆ ತೀವ್ರ ರಕ್ತಸ್ರಾವವಾಗಿ ಕುಸಿದು ಮೃತಪಟ್ಟರು. ಪ್ರಶಾಂತ್ ಸಿಂಗ್ ಇರಿತಕ್ಕೆ ಒಳಗಾಗಿ ಒದ್ದಾಡುತ್ತಾ ಸಾಯುವುದನ್ನು ನೋಡಿ ಹಲ್ಲೆ ನಡೆಸಿದ ಗುಂಪು ಚಪ್ಪಾಳೆ ತಟ್ಟಿ ಸಂತೋಷ ಪಡುತ್ತಿತ್ತು. ಇದನ್ನು ನೋಡಿದ ಅಪಾರ್ಟ್ಮೆಂಟ್ ನಿವಾಸಿಗಳು ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಬರುವಷ್ಟರಲ್ಲಿ ಹಲ್ಲೆ ನಡೆಸಿದ ಯುವಕರ ಗುಂಪು ಸ್ಥಳದಿಂದ ಪರಾರಿಯಾಯಿತು.
