ಭಾರೀ ಮಳೆ ಹಿನ್ನಲೆ ಮುಂಬೈನ ಎಸಿ ಲೋಕಲ್​ ರೈಲಿನ ಬೋಗಿಯಲ್ಲಿ ನೀರು ಸೋರಿಕೆ! ವಿಡಿಯೋ ವೈರಲ್​... Mumbai Rain

Mumbai Rain : ಮುಂಬೈ ನಗರದಾದ್ಯಂತ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ಸ್ಥಳೀಯ ರೈಲೊಂದರ ಎಸಿ ಕೋಚ್​ನಲ್ಲಿ ಮಳೆ ನೀರು ಸೋರಿಕೆಯಾಗುತ್ತಿದ್ದು, ಪ್ರಯಾಣಿಕರು ಪರದಾಡುವಂತಾಗಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಇದೀಗ ಎಲ್ಲೆಡೆ ವೈರಲ್​ ಆಗಿದೆ.

ಈ ವಿಡಿಯೋವನ್ನು 'ಜೈ ಹೋ' ಎಂಬ ಬಳಕೆದಾರ ತಮ್ಮ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿದ್ದು, "ಇದು ಮುಂಬೈನ ಎಸಿ ಲೋಕಲ್​ ಟ್ರೈನ್​. ಇದಕ್ಕೆ ನಾವು ದುಬಾರಿ ಹಣ ನೀಡುತ್ತೇವೆ" ಎಂದು ಬರೆದುಕೊಂಡು, ಮಹಾರಾಷ್ಟ್ರ ಮುಖ್ಯಂತ್ರಿ ದೇವೇಂದ್ರ ಫಡ್ನಾವೀಸ್​, ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್​ರವರ ಎಕ್ಸ್​ ಖಾತೆಯನ್ನು ಟ್ಯಾಗ್​ ಮಾಡಿದ್ದಾರೆ.

ಇದನ್ನೂ ಓದಿ:ರಾಜಕೀಯ ಹೋರಾಟಕ್ಕೆ ಇಡಿಯನ್ನು ಬಳಸಿಕೊಳ್ಳಬೇಡಿ! ED ಮೇಲ್ಮನವಿ ವಜಾಗೊಳಿಸಿದ ಸುಪ್ರೀಂ ಕೋರ್ಟ್​

ಈ ಪೋಸ್ಟ್​ಗೆ ರೈಲ್ವೆಸೇವಾ ಪ್ರತಿಕ್ರಿಯೆ ನೀಡಿದ್ದು, ದೂರನ್ನು ಸ್ವೀಕರಿಸಿ, ಅಗತ್ಯ ಕ್ರಮಕ್ಕಾಗಿ ಕೇಂದ್ರ ರೈಲ್ವೆಯ ಮುಂಬೈ ವಿಭಾಗಕ್ಕೆ ಸೂಚನೆ ನೀಡಲಾಗಿದೆ ಎಂದು ತಿಳಿಸಿದೆ.

ಇದನ್ನೂ ಓದಿ:ಯಾರನ್ನೋ ಸಿಕ್ಕಿ ಹಾಕಿಸುವ ರಹಸ್ಯ ಕಾರ್ಯಸೂಚಿ ಬೇಡ: ಆರ್.ಅಶೋಕ್ ಒತ್ತಾಯ | Dharmasthala disputed cases

ಈ ಘಟನೆಯು ಮಳೆಗಾಲದಲ್ಲಿ ಮುಂಬೈನ ಉಪನಗರ ರೈಲು ವ್ಯವಸ್ಥೆಯ ನಿರ್ವಹಣೆಯ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತಿದೆ. ಪ್ರಯಾಣದ ಸಮಯದಲ್ಲಿ ಬೇಕಾದ ಸೌಕರ್ಯಗಳು ಇಲ್ಲದೆ ಜನರು ಓಡಾಟ ನಡೆಸುತ್ತಿರುವುದರಿಂದ ಸರ್ಕಾರ ಮೂಲಭೂತ ರಕ್ಷಣೆ ನೀಡುವಲ್ಲಿ ವಿಫಲವಾಗಿದೆ ಎಂದು ಜನಸಾಮಾನ್ಯರು ಟೀಕೆ ಮಾಡುತ್ತಿದ್ದಾರೆ.

https://www.vijayavani.net/man-laughs-as-his-pit-bull-bites-child-inside-auto-rickshaw-in-mumbai