ಬ್ಲೂಮ್ಬರ್ಗ್ ಸಂಸ್ಥೆ ಜನವರಿ ತಿಂಗಳಲ್ಲಿ ಬಿಡುಗಡೆ ಮಾಡಿದ್ದ ಶ್ರೀಮಂತರ ಪಟ್ಟಿಯಲ್ಲಿ ಮುಕೇಶ್ ಅಂಬಾನಿಯವರು ನಾಲ್ಕನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದರು. ಗೂಗಲ್, ಫೇಸ್ಬುಕ್ನಂತಹ ಪ್ರಸಿದ್ಧ ಸಂಸ್ಥೆಯ ಹೂಡಿಕೆಯಿಂದಾಗಿ ರಿಲಯನ್ಸ್ ಸಂಸ್ಥೆಯ ಮೌಲ್ಯ ಸಾಕಷ್ಟು ಏರಿಕೆ ಕಂಡಿತ್ತು. ಆದರೆ ಇದೀಗ ಮುಕೇಶ್ ಅವರು ಒಂದೇ ಬಾರಿಗೆ ಆರು ಸ್ಥಾನ ಇಳಿದಿದ್ದು, 11ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಂಬಾನಿಯವರ ಮೌಲ್ಯ 6.62 ಲಕ್ಷ ಕೋಟಿ ರೂಪಾಯಿಯಿಂದ 5.63 ಲಕ್ಷ ಕೋಟಿ ರೂಪಾಯಿಗೆ ಇಳಿದಿದೆ. ಒರಾಕಲ್ ಕಾರ್ಪೊರೇಶನ್ನ ಲ್ಯಾರಿ ಎಲಿಸನ್ ಮತ್ತು ಗೂಗಲ್ನ ಸಹ-ಸಂಸ್ಥಾಪಕ ಸೆರ್ಗೆ ಬ್ರಿನ್ ಅವರ ನಂತರದ ಸ್ಥಾನಕ್ಕೆ ಅಂಬಾನಿ ಕುಸಿದಿದ್ದಾರೆ.
