ರಾಜ್ಯದ ಮದ್ಯದಂಗಡಿಗಳಿಗೆ ಕೋಟ್ಯಂತರ ರೂಪಾಯಿ ನಷ್ಟ!

ಬೆಂಗಳೂರು: ಮಹಾಮಾರಿ ಕರೊನಾ ಅಬಕಾರಿ ಇಲಾಖೆ ಮೇಲೂ ವ್ಯತಿರಿಕ್ತ ಪರಿಣಾಮ ಬೀರಿದೆ. ಸರ್ಕಾರಿ ಸ್ವಾಮ್ಯದ ಎಂಎಸ್​ಐಎಲ್​ ಮದ್ಯದಂಗಡಿಗಳಿಗೆ (ಸಿಎಲ್​11ಸಿ) ಅಂದಾಜು 40 ಕೋಟಿ ರೂ. ನಷ್ಟ ಸಂಭವಿಸಿದೆ.

ರಾಜ್ಯದಾದ್ಯಂತ ಒಟ್ಟು 705 ಎಂಎಸ್​ಐಎಲ್​ ಮದ್ಯದಂಗಡಿ ಇವೆ. ಈ ಪೈಕಿ ಬೆಂಗಳೂರು ವಿಭಾಗದಲ್ಲಿ 146, ಬೆಳಗಾವಿ ವಿಭಾಗ 162, ಕಲಬುರಗಿ 93, ಹೊಸಪೇಟೆ ವಿಭಾಗ 109, ಮಂಗಳೂರು 86, ಮೈಸೂರು ವಿಭಾಗದಲ್ಲಿ 109 ಎಂಎಸ್​ಐಎಲ್​ ಮದ್ಯದಂಗಡಿಗಳಿವೆ. ಇವುಗಳಿಂದ ಪ್ರತಿ ವರ್ಷ ಸರ್ಕಾರಕ್ಕೆ 2 ಸಾವಿರ ಕೋಟಿ ರೂ. ಆದಾಯ ಬರುತ್ತಿದೆ. ಆದರೆ, ಈ ವರ್ಷದ ಆದಾಯಕ್ಕೆ ಕೋವಿಡ್​ ಸೋಂಕು ಬಾರಿ ಹೊಡೆತ ನೀಡಿದೆ.

ಇದನ್ನೂ ಓದಿರಿ ಹಿಂದು ದೇಗುಲದಲ್ಲಿ ಏಸುಕ್ರಿಸ್ತನ ಫೋಟೋ ಇಟ್ಟು ಅರ್ಚಕನಿಂದ ಪೂಜೆ!

ಕರೊನಾ ಸೋಂಕು ಹರಡುವಿಕೆ ನಿಯಂತ್ರಿಸಲು ರಾಜ್ಯದಲ್ಲಿ ಲಾಕ್​ಡೌನ್​ ಜಾರಿ ಮಾಡಿದ್ದರ ಪರಿಣಾಮ ಎಂಎಸ್​ಐಎಲ್​ ಮದ್ಯದಂಗಡಿಗಳಿಗೆ 40 ಕೋಟಿ ರೂ. ನಷ್ಟ ಉಂಟಾಗಿದೆ.

2009ರಲ್ಲಿ 463 ಹಾಗೂ 2016ರಲ್ಲಿ 900 ಸೇರಿ ಒಟ್ಟು 1,363 ಎಂಎಸ್​ಐಎಲ್​ ಮದ್ಯದಂಗಡಿಗಳಿಗೆ ಮಂಜೂರಾತಿ ಸಿಕ್ಕಿದೆ. ಇದರಲ್ಲಿ ಈವರೆಗೆ 705 ಮದ್ಯದಂಗಡಿಗಳನ್ನು ತೆರೆದಿದ್ದು, ಉಳಿದ ಅಂಗಡಿಗಳನ್ನು ತೆರೆಯುವ ಪ್ರಕ್ರಿಯೆಗಳು ನಡೆಯುತ್ತಿವೆ.

https://www.vijayavani.net/govinda-karajola-said-new-liquor-store-is-not-open-in-karnataka/