ಫ್ಲಾಪ್​ ಚಿತ್ರದ ಬೆನ್ನಲ್ಲೇ ಬಾಲಿವುಡ್​ಗೆ ಹಾರಿದ ನಟಿ ಮೃಣಾಲ್ ಠಾಕೂರ್!

ಆಂಧ್ರಪ್ರದೇಶ: 'ಹಾಯ್​ ನಾನ್ನ' ಚಿತ್ರದ ಯಶಸ್ಸಿನ ಬಳಿಕ ಸೌತ್ ಬ್ಯೂಟಿ ಮೃಣಾಲ್ ಠಾಕೂರ್ ಕಾಣಿಸಿಕೊಂಡಿದ್ದು ತೆಲುಗು ನಟ ವಿಜಯ್ ದೇವರಕೊಂಡ ಅಭಿನಯದ 'ಫ್ಯಾಮಿಲಿ ಸ್ಟಾರ್‌' ಚಿತ್ರದಲ್ಲಿ. ಈ ಸಿನಿಮಾ ಬಿಡುಗಡೆಗೂ ಮುನ್ನ ಭಾರೀ ನಿರೀಕ್ಷೆ ಮೂಡಿಸಿದ್ದೇ ಆದರೂ ಅಂತಿಮವಾಗಿ ಚಿತ್ರಮಂದಿರಗಳಲ್ಲಿ ಗೆಲುವಿನ ಓಟ ಮುಂದುವರಿಸಲು ಸಾಧ್ಯವಾಗದೆ, ಹೀನಾಯ ಸೋಲನ್ನು ಕಂಡಿತು. ಬಾಕ್ಸ್ ಆಫೀಸ್‌ನಲ್ಲಿ ಅಬ್ಬರಿಸದೆ ಮುಗ್ಗರಿಸಿದ ಈ ಸಿನಿಮಾದ ಬಳಿಕ ಕೊಂಚ ಬ್ರೇಕ್ ತೆಗೆದುಕೊಂಡಿದ್ದ ಮೃಣಾಲ್, ಇದೀಗ ಬಾಲಿವುಡ್​ನ ಹೊಸ ಪ್ರಾಜೆಕ್ಟ್​ನಲ್ಲಿ ನಟಿಸಲು ಎದುರುನೋಡುತ್ತಿದ್ದಾರೆ.

ಇದನ್ನೂ ಓದಿ: ಆಧಾರ್​ ಕಾರ್ಡ್ ಬಳಕೆದಾರರೇ ಇಂದೇ ನಿಮಗೆ ಕಡೆಯ ದಿನಾಂಕ! ತಪ್ಪದೇ ತಿಳಿಯಿರಿ ಈ ಮಾಹಿತಿ

ಹಿಂದಿಯಲ್ಲಿ ಹೊಸ ಚಿತ್ರಕ್ಕೆ ಸಹಿ ಹಾಕಿರುವ ಮೃಣಾಲ್​, ಖ್ಯಾತ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ ಬ್ಯಾನರ್‌ನಡಿ ನಿರ್ಮಾಣವಾಗಲಿರುವ ಪ್ರೇಮಕಥೆ ಆಧರಿತ ಸಿನಿಮಾದಲ್ಲಿ ಬಾಲಿವುಡ್​ ನಟ ಸಿದ್ದಾಂತ್ ಚತುರ್ವೇದಿ ಜತೆ ರೊಮ್ಯಾನ್ಸ್​ ಮಾಡಲು ಸಜ್ಜಾಗಿದ್ದಾರೆ. ಈ ಚಿತ್ರದಲ್ಲಿ ಮೃಣಾಲ್ ಅವರ ಪಾತ್ರ ನೋಡುಗರಿಗೆ ಬಹಳ ಸುಲಭವಾಗಿ ಕನೆಕ್ಟ್ ಆಗುತ್ತದೆ​ ಎಂದೇ ಹೇಳಲಾಗಿದೆ.

ಇತ್ತೀಚಿನ ವರದಿ ಪ್ರಕಾರ, ಸಿನಿಮಾದ ಟೈಟಲ್​ ಅನ್ನು 'ತುಮ್ ಹಿ ಹೋ' ಎಂದು ಇಡಲಾಗಿದೆ ಎಂಬ ಮಾಹಿತಿ ಹೊರಬಿದ್ದಿದೆ. ರವಿ ಉದ್ಯಾವರ್ ನಿರ್ದೇಶನದ ಈ ಚಿತ್ರವು 2023ರ ಮೇ ತಿಂಗಳಿನಿಂದ ನಿರ್ಮಾಣ ಹಂತದಲ್ಲಿತ್ತು. ಉತ್ತರಾಖಂಡದಲ್ಲಿ ಚಿತ್ರದ ಚಿತ್ರೀಕರಣ ಭರದಿಂದ ಸಾಗಿದ್ದು, ಯಾವ ದಿನದಂದು ಸಿನಿಮಾ ತೆರೆಗೆ ಬರಲಿದೆ ಎಂಬುದನ್ನು ಸದ್ಯ ಕಾದು ನೋಡಬೇಕಿದೆ,(ಏಜೆನ್ಸೀಸ್).

https://www.vijayavani.net/last-date-to-update-your-adhaar-card