ಮನೆ ಕುಸಿದು ಐದು ವರ್ಷದ ಮಗು ಸಹಿತ ತಾಯಿ ಸಾವು!

ಬೆಳಗಾವಿ: ಮಳೆಗಾಲದಲ್ಲಿ ನಾನಾ ರೀತಿಯ ದುರಂತಗಳು ಸಂಭವಿಸುತ್ತಿರುತ್ತವೆ, ಸಾವು-ನೋವುಗಳು ಕೂಡ. ಅಂಥದ್ದೇ ಒಂದು ಪ್ರಕರಣದಲ್ಲಿ ಐದು ವರ್ಷದ ಮಗುವಿನ ಜತೆಗೆ ತಾಯಿ ಕೂಡ ಸಾವಿಗೀಡಾದ ದುರಂತವೊಂದು ನಡೆದಿದೆ.

ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಮಾಡಮಗೇರಿ ಗ್ರಾಮದಲ್ಲಿ ಭಾರಿ ಮಳೆಗೆ ಮನೆ ಕುಸಿದು ಈ ದುರಂತ ಸಂಭವಿಸಿದೆ. ಇದರಲ್ಲಿ ಐದು ವರ್ಷದ ಪ್ರಜ್ವಲ್​ ಹಾಗೂ ಆತನ ತಾಯಿ ಯಲ್ಲವ್ವ ಮಹಾದೇವ ಬಾಗಿಲದ (40) ವರ್ಷ ಸಾವಿಗೀಡಾಗಿದ್ದಾರೆ.

ಮಹಾದೇವ ಲಕ್ಷ್ಮಪ್ಪ ಬಾಗಿಲದ ಇವರಿಗೆ ಈ ಮನೆ ಸೇರಿದ್ದು, ದುರಂತ ಸಂಭವಿಸಿದ ‌ಸ್ಥಳಕ್ಕೆ ತಹಶೀಲ್ದಾರ್ ಮಹಾಂತೇಶ ಮಠದ, ಸಿಪಿಐ ಮೌನೇಶ್ವರ ಮಾಲಿಪಾಟೀಲ, ಪಿಎಸ್ಐ ಬಸನಗೌಡ ನಿರ್ಲಿ, ಎಎಸ್ಐ ವೈ.ಎಂ. ಕಡಕೋಳ, ಕಂದಾಯ ಇಲಾಖೆ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಮುರಗೋಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

https://www.vijayavani.net/anup-bhandari-gave-writing-opportunity-to-his-next-movie/

https://www.vijayavani.net/junior-kireeti-first-movie-title-revealed/