50% ಆಫರ್​: ಸಂಚಾರ ಪೊಲೀಸರು ಮೊದಲ ದಿನ ಸಂಗ್ರಹಿಸಿದ ದಂಡ ಎಷ್ಟು?

ಬೆಂಗಳೂರು: ಕಳೆದ ಕೆಲವು ಸಮಯದಿಂದ ಹಾಗೇ ಬಾಕಿ ಉಳಿದಿದ್ದ ಸಂಚಾರ ನಿಯಮ ಉಲ್ಲಂಘನೆ ಕುರಿತ ಪ್ರಕರಣಗಳನ್ನು ಇತ್ಯರ್ಥಗೊಳಿಸುವ ಹಿನ್ನೆಲೆಯಲ್ಲಿ ಕರ್ನಾಟಕ ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರದ ಸೂಚನೆಯಂತೆ ಸಂಚಾರ ಪೊಲೀಸರು ದಂಡದ ಮೊತ್ತದಲ್ಲಿ ಶೇ. 50 ಮಾತ್ರ ವಸೂಲಿ ಮಾಡುವಂಥ ಕೊಡುಗೆ ಘೋಷಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ ಇಂದಿನಿಂದಲೇ ಶೇ. 50 ರಿಯಾಯಿತಿಯಲ್ಲಿ ದಂಡ ಸ್ವೀಕರಿಸುವ ಪ್ರಕ್ರಿಯೆಯನ್ನು ಇಂದಿನಿಂದಲೇ ಜಾರಿಗೊಳಿಸಲಾಗಿದ್ದು, ಮೊದಲ ದಿನವಾದ ಇಂದು ರಾಜಧಾನಿ ಬೆಂಗಳೂರಿನಲ್ಲಿ ಸಂಗ್ರಹವಾಗಿರುವ ದಂಡದ ಮೊತ್ತದ ವಿವರವನ್ನು ಸಂಚಾರ ಪೊಲೀಸರು ಬಹಿರಂಗಪಡಿಸಿದ್ದಾರೆ.

ಮೊದಲ ದಿನವೇ 2,01,828 ಪ್ರಕರಣಗಳಿಗೆ ಸಂಬಂಧಿಸಿದಂತೆ ಪೊಲೀಸರು ಒಟ್ಟು 5,61,45,000 ರೂ. ದಂಡ ಪಾವತಿಸಿಕೊಂಡಿದ್ದಾರೆ. ಶೇ. 50 ರಿಯಾಯಿತಿಯಲ್ಲಿ ದಂಡ ಕಟ್ಟಿಸಿಕೊಳ್ಳುವ ಈ ಪ್ರಕ್ರಿಯೆ ಫೆ. 11ರ ವರೆಗೆ ಜಾರಿಯಲ್ಲಿ ಇರಲಿದ್ದು, ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬಹುದು.

https://www.vijayavani.net/directorate-of-radiation-safety-may-get-closed/

https://www.vijayavani.net/man-kills-friend-over-financial-dispute-falls-to-death-while-trying-to-throw-the-body/

https://www.vijayavani.net/prohibition-to-crane-activities-around-5-km-of-air-force-station/