ಮಗನ ಆನ್​ಲೈನ್ ತರಗತಿಯಲ್ಲಿ ಬೆತ್ತಲೆ ಕಾಣಿಸಿಕೊಂಡ ತಾಯಿ: ವೈರಲ್​ ವಿಡಿಯೋ ವಿರುದ್ಧ ನೆಟ್ಟಿಗರು ಗರಂ!

ನವದೆಹಲಿ: ಮಹಾಮಾರಿ ಕರೊನಾ ವೈರಸ್​ನಿಂದಾಗಿ ಆರಂಭವಾಗಿರುವ ಆನ್​ಲೈನ್​ ಸಭೆ ಮತ್ತು ತರಗತಿಗಳ ಟ್ರೆಂಡ್​ನಿಂದ ಒಂದಲ್ಲ ಒಂದು ಮುಜುಗರಪಡುವಂತಹ ಸನ್ನಿವೇಶಗಳು ಜರುಗುತ್ತಲೇ ಇವೆ. ಕ್ಯಾಮೆರಾ ಮುಂದೆ ಕುಳಿತು ಸಭೆ ಅಥವಾ ತರಗತಿಗಳಲ್ಲಿ ಭಾಗವಹಿಸುವಾಗ ಕೆಲವೊಮ್ಮೆ ಅಸಹ್ಯಕರ ಘಟನೆಗಳು ನಡೆದಿರುವುದು ಈಗಾಗಲೇ ವರದಿಯಾಗಿವೆ. ಇದೇ ರೀತಿಯ ಮತ್ತೊಂದು ಘಟನೆ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಹೌದು, ಮಗ ಆನ್​ಲೈನ್​ ಕ್ಲಾಸ್​ನಲ್ಲಿ ಬಿಜಿಯಾಗಿರುವಾಗ ತಾಯಿಯೊಬ್ಬಳು ಆಕಸ್ಮಿಕವಾಗಿ ಕ್ಯಾಮರಾ ಮುಂದೆ ಸಂಪೂರ್ಣ ಬೆತ್ತಲೆಯಾಗಿ ಓಡಾಡುವ ಮೂಲಕ ಮುಜುಗರ ಉಂಟುಮಾಡಿದ ಘಟನೆ ನಡೆದಿದೆ.

ಇದನ್ನೂ ಓದಿ: ಕಾರು ಸ್ಟಾರ್ಟ್​ ಮಾಡಿದ ಮಹಿಳೆಗೆ ಕಾದಿದ್ದ ಜವರಾಯ: ಕಾರಿನ ಬಾಗಿಲು, ಮರದ ನಡುವೆ ಸಿಲುಕಿ ದುರಂತ ಸಾವು!

14 ಸೆಕೆಂಡ್​ವುಳ್ಳ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ವಿಡಿಯೋದಲ್ಲಿ ತೈವಾನ್ ಹೆಸರಿನ ಹುಡುಗ ಬೆರಳು ಮಾಡಿ ಏನೋ ತೊರಿಸುತ್ತಿರುವಂತೆ ಕಾಣುತ್ತದೆ. ಈ ವೇಳೆ ಆತನ ತಾಯಿ ಬೆತ್ತಲೆಯಾಗಿ ದಿಢೀರ್​ ಪ್ರತ್ಯಕ್ಷವಾಗಿ ಕೋಣೆಯಲ್ಲಿ ಏನೋ ಹುಡುಕುತ್ತಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ. ಇದರ ಮಧ್ಯೆ ಶಿಕ್ಷಕಿ ಮಲಗಿರುವ ಹುಡುಗನನ್ನು ಎಚ್ಚರಿಸಲು ಪ್ರಯತ್ನಿಸುವಾಗ ಬೆತ್ತಲೆ ಮಹಿಳೆಯನ್ನು ನೋಡಿ ತೈವಾನ್​ನನ್ನು ಕೂಗಿ ಕ್ಯಾಮೆರಾ ಆಫ್​ ಮಾಡಲು ಸೂಚಿಸುತ್ತಾರೆ. ಇತ್ತ ತೈವಾನ್​ ತಾಯಿಗೆ ಕ್ಯಾಮೆರಾ ಆನ್​ನಲ್ಲಿರುವುದು ಅರ್ಥವಾಗಿ ತಕ್ಷಣ ಓಡಿ ಹೋಗುತ್ತಾರೆ. ಇದಿಷ್ಟು ದೃಶ್ಯದಲ್ಲಿ ರೆಕಾರ್ಡ್​ ಆಗಿದೆ.

ಈ ವಿಡಿಯೋವನ್ನು ಯಂಗ್​ ಸಿಂಬಾ ಹೆಸರಿನ ಟ್ವಿಟರ್​ ಬಳಕೆದಾರರೊಬ್ಬರು ಭಾನುವಾರ ಶೇರ್​ ಮಾಡಿಕೊಂಡಿದ್ದು, ಮೊದಲು ಈ ಜೂಮ್​ ಕ್ಲಾಸ್​ಗಳಿಗೆ ಅಂತ್ಯವಾಡಿ ಎಂದು ಬರೆದುಕೊಂಡಿದ್ದಾರೆ. ವಿಡಿಯೋವನ್ನು ಸುಮಾರು 5 ಮಿಲಿಯನ್​ಗೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ಅನೇಕರು ಆನ್​ಲೈನ್​ ಕ್ಲಾಸ್​ಗಳಿಗೆ ಕೊನೆಯಾಡಿ ಎಂದು ಯಂಗ್​ ಸಿಂಬಾರಿಗೆ ಧ್ವನಿಗೂಡಿಸಿದ್ದಾರೆ. ಇನ್ನು ಅನೇಕರು ತೈವಾನ್​ ಮುಖ ಭಾವ ನೋಡಿ ಸಿಕ್ಕಾಪಟ್ಟೆ ನಕ್ಕಿದ್ದಾರೆ. ಇನ್ನೊಂದು ದೃಶ್ಯದಲ್ಲಿ ಹುಡುಗನೊಬ್ಬ ಮಲಗಿರುವುದನ್ನು ಸಿಕ್ಕಾಪಟ್ಟೆ ಟ್ರೋಲ್​ ಮಾಡಲಾಗಿದೆ.

ಈ ಘಟನೆ ಎಲ್ಲಿ ನಡೆದಿದೆ ಎಂಬುದರ ಬಗ್ಗೆ ನಿಖರವಾದ ಮಾಹಿತಿ ಇಲ್ಲ. ಆದರೆ, ಜಾಲತಾಣದಲ್ಲಿ ಮಾತ್ರ ಭಾರಿ ವೈರಲ್​ ಆಗಿದ್ದು, ಚರ್ಚೆ ಹುಟ್ಟುಹಾಕಿದೆ. (ಏಜೆನ್ಸೀಸ್​) (ವಿಡಿಯೋ ಕೃಪೆ: ಡೈಲಿ ಮೇಲ್​)